Éxodo 10:2 - Cofán: Chiga Tevaen'jen

² Toya'caen que'qque qui que dushundeccunga que du'shumbe dushundeccunga'qque ña pa'cco Egipto andenga tson'cho toya'caen canjaen'choma condaseya. Tsomba qui ñajan ñoa'me Na'su Chiga qquen in'jan'faya.

Éxodo 10:2 Iomraidhean Croise

Salmos 44:1

Chiga Quitsa, tayopi ingi yayandeccu cansuite que ma'caen tsonjen'choma tsendeccu condasesi gi ingi tsosinai'ccu paña'fa.

Salmos 44:2

Nane que tivei'ccu qui queve in'jambindeqquiama joqquitssiamba ingi yayandeccuma tise'pa andenga ca'nia. In'jambindeqquiama sefaemba qui ingi yayandeccuma atapoen.

Salmos 78:3

Tsa'ma ingi yayandeccu tayo condasesi gi pañamba in'jan'fa.

Éxodo 14:18

Tsa'caen ña oshacho'choma canjaemba faraón, tise caro toya'caen cavayoma sefaensi tsu egiptondeccuja ñamajan Na'su Chiga qquen in'jan'faya.

Éxodo 14:4

Tsa'ma ña gi faraónma in'jaeña cuintsu iyicca'yepa que'ima mandiañe. Tsonsi gi ña oshacho'choma tisei'ccu toya'caen tise sundarondeccui'ccu canjaeña. Tse'i tsu egiptondeccuja ñamajan Na'su Chiga qquen in'jan'faya.” Tsama pañamba israendeccuja tsa'caen tson'fa.

Éxodo 7:17

qquen tsu Na'su Chigaja su: ¡Ja'ño qui ñama atteya ñajan ñoa'me Na'suve! Na'su tsa'caen susi ña tiveni isu'cho accuicco'choi'ccu na'en'su tsa'ccunga ochhaisi tsu pa'cco tsa'ccu anjampaveyi daya.

Éxodo 7:5

Tsa'caen ña oshacho'choma Egiptoni canjaemba, israendeccuma somboensi tsu ñama Ñoa'me Na'su qquen egiptondeccuja in'jan'faya.

Éxodo 8:6

Tsa'caen mandasi Aarón poi Egipto'su na'enga yasasi tsa'ye sombopa pa'cco andenga sapoyi on'ba.

Efeso'su 6:4

Yayandeccu, que'i dushundeccuma panshaen iyu'ujama iyicca'ye'fasa'ne. Tsa'ma tansintsse atesiamba coeñaña'cho. Na'su Chiga nafattianqquia'caen tise'pama nafattiamba atesiaña'cho.