Éxodo 10:10 - Cofán: Chiga Tevaen'jen

¹⁰ Tsa'ma faraónjan su: —¡Tayo gi atesu que egae in'jamba tson'jen'choma! ¿Que'i Na'su Chiga que'i'ccu fae'ngae jacamba fuiteya qquen ti qui in'jan? Toya'caen ¿que'i poiyi'cco tisupa dushundeccui'ccu jaye ña antteya qquen ti qui in'jan?

Éxodo 10:10 Iomraidhean Croise

Éxodo 10:11

Nane tsa'caen tsoñe antteya'bi gi. Ñoa'me que'i Na'su Chiganga iñajañe in'jan'da jo'su tsandienaccuyi japa iñajan'ga'faja. Tsa'caen supa faraónjan manda cuintsu Moisés toya'caen Aarónma tise dyai'ttie joqquitssian'faye.

Éxodo 10:24

Tsonsi faraónjan Moisésve ttu'senga'faye manda. Tise jisi qquen su: —Que'i dushundeccui'ccu japa que'i Na'su Chiganga iñajan'faja. Tsa'ma que'i oveja, que'i vaurama'qque vani catija'faja.

Éxodo 10:9

Moisés pañamba su: —Nane ingi dushundeccu, coenzandeccu, dutssiyendeccu, onquengendeccu toya'caen ingi oveja, vaura'qque tsu ja'faya'cho. Ingine'ja Na'su Chigane randeve fiestaeña'cho tsu.

Éxodo 13:21

Poi a'ta tsu Na'su Chigaja unjimba'ccoi'ccu fuitepa canjaen'jen maningae ja'faya'chove. Toya'caen coseta tsu si'ngei'ccu sefane chanjiemba canjaen'jen. Tsa'caen canjaensi pa'cco a'ta pa'cco cose'qque jaye osha'fa.