Éxodo 10:1 - Cofán: Chiga Tevaen'jen

¹ Tsa'caen tson pasapa Na'su Chigaja Moisésnga su: —Japa faraónma can'gaja. Nane ña gi tson cuintsu tise toya'caen tisema shondosundeccu'qque iyicca'yepa se'pisi tise'panga osha'cho ña oshacho'choma canjaeñe.

Éxodo 10:1 Iomraidhean Croise

Éxodo 10:20

Tsa'ma Na'su Chiga faraónma in'jaensi iyicca'yepa se'pipa israendeccu jaya'chove anttembi.

Éxodo 3:20

Tsane'da gi ña oshacho'choma canjaemba egiptosundeccuma dyoñaña osha'cho egave daqque'sui'ccu tise'pama iña'ccaemba. Tsa'caen tsonsi tsu faraónjan que'ima somboeña.

Éxodo 4:21

Omboe Na'su Chigaja ccase Moisésma su: —Egiptoni nepi'ta ñotsse in'jamba ña quenga canjaen'choma faraónga canjaenjan. Tsa'ma ña gi tise injama'choma ta'etsse tsoña cuintsu israendeccu somboye anttembe cañe.

Éxodo 7:4

Faraónda tsu que'i su'choma pañaña'bi. Tsa'ma ña gi pa'cco ña oshacho'choma Egipto andenga ttova shequianqquia'caen canjeña. Nane ñoa'me egae daqque'sui'ccu gi egiptondeccuma dyoñamba ña sundarondeccuma somboeña, tsa Israel ña aindeccuma.

Éxodo 9:12

Tsa'ma Na'su Chiga faraónma in'jaensi iyicca'yepa se'pipa Moisés toya'caen Aarón su'choma pañambi ma'caen Moisésnga Na'su Chiga suqquia'caen.

Éxodo 9:16

Tsa'ma tsa'caen tsoñe in'jambipa gi antte cuintsu que'i toya cansepa ña oshacho'choma attepa vana'jensi poi ande'su aindeccu pañamba ñajan osha'choma oshacho qquen in'jan'faye.

Éxodo 9:27

Tsonsi faraónjan Moisés toya'caen Aarónme ttu'senga'faye manda. Tise'pa jisi qquen su: —In'jan gi ña egae tsincon'choma. Nane ña, toya'caen ña aindeccu gi shacapa'fa. Na'su Chigaja shacapambi tsu.

Juan 12:40

Chigaja tise'pa tso'fema picco ñotsse atte'fasa'ne. Tise'pa injama'choma'qque ta'etsse piccoqquia'caen se'pi ñotsse in'jan'fasa'ne. Tsa'cansi ñanga ji'faya'bi ccushaye.

Romanos 9:17

Chiga Tevaen'jenga Chigaja Egipto ande'su na'su Faraónma su: “Quema gi ccutsian Egipto ande'su na'suve poi a'inga canjaeñe ña osha'choma oshacho'chove. Tsa'cansi tsu poi ande'su aindeccu ñama pañamba in'jan'faya.”

Romanos 9:18

Chigaja tsa'caen majama mende'yeye in'jan'da mende'ye. Tsa'ma majama se'pi'suve tsoñe in'jan'da tsa'caen tsu Tiseja tsa a'ima manda antte.