Esdras 5:2 - Cofán: Chiga Tevaen'jen

² Chiga Aya'fama condase'fasi Salatiel dutssi'ye Zorobabel, Josadac dutssi'ye Josué'qque pañamba manda'fa cuintsu sema'faye Chiga ettive Jerusaléni ccase tsao'ñañe. Mandasi aindeccu ccase sema'jen'fasi Chiga Aya'fama afasundeccu'qque tise'pama fuite'je'fa. Ccase semañe ashaen'fa'choma pañamba ti'tsse'tssia gobernador, Tatnaija, jipa qquen iñajampaña: “¿Majan mandasi qui qquen tsaoña'jen'fa?” Tsa'caen iñajampañasi Zorobabelja tisenga conda ma'caen na'su Ciro mandasi tsa'caen tsaoña'jen'choma. Tsonsi Tatnaijan tevaen'jema moe Persia'su na'su Daríonga tayo'su Ciro manda'chone atesuye. Darío tta'ttaye mandasi attepa afesi Tatnainga tevaemba manda cuintsu israendeccuma antteye Ciro mandaqquia'caen Chiga ettive tsao'ña'faye.

Esdras 5:2 Iomraidhean Croise

Esdras 1:8

Tsa'caen mandasi tsu Persia'su corima coira'su na'su, Mitrídatesja, tsama agattopa afe Judá'su govierno na'su Sesbasarnga.

Esdras 3:2

Bo'fasi Josadac dutssi'ye Josué, tisema fuite'su Chigama afasundeccu, toya'caen Salatiel dutssi'ye Zorobabel tise antiandeccu'qque Israel Chiganga afeye oque oraen'jen'chove ñoña'fa. Nane tsanga tsu jongoesuma oque oraemba Chiganga afe'je'faya'cho, Chiga in'jan'cho Moisés manda'cho mandaqquia'caen.

Esdras 3:8

Salatiel dutssi'ye Zorobabel, Josadac dutssi'ye Josué, tise'pama fuite'su Chigama afasundeccu, levítandeccu, poiyi'cco Babiloniani can'jemba Jerusaléni ji'chondeccu Chiga ettive tsao'ñañe ashaen'fa. Nane Jerusaléni can'jemba segundo canqque'fa, segundo ccovuve tsu ashaen'fa. Majan levítandeccu veinte canqque'fama ti'tsse an'bian'chondeccuma tsu manda'fa semoesundeccuve.

Esdras 6:14

Tsa'caen anttesi Judá'su nasundeccuja tsaoña'jen'choma ccase ashaen'fa. Nane Chigama afasundeccu, Hageo, toya'caen Ido dutssi'ye Zacarías, suqquia'caen tsu ccase ashaen'fa. Israel Chiga mandaqquia'caen tsu tsa'oma nani'fa. Nane Persia'su nasundeccu, Ciro, Darío toya'caen Artajerjes manda'fasi tsu tsa'caen nani'fa.

2 Corinto'su 1:24

Que'i na'sumbi gi que'i ma'caen in'jan'chove mandaye. Nane tayo qui tansintsse Jesúsve in'jamba canse'fa. Tsa'cansi fae'ngae que'i'ccu semamba fuiteye gi in'jan'fa que'i ti'tsse avujatssi'faye.