Esdras 2:2 - Cofán: Chiga Tevaen'jen

² Nane poiyi'cco tsu tisupa canqqueni ja'fa. Tise'pama anga'su na'su tsu Zorobabel.

Esdras 2:2 Iomraidhean Croise

Esdras 1:11

Nane pa'cco cori, totoacori vase'je'choma agattosi tsu cinco mil cuatro cientove napi. Sesbasarja faesu Judándeccui'ccu Babiloniane sombopa pa'cco tsama isupa Jerusaléni anga'fa.

Esdras 1:8

Tsa'caen mandasi tsu Persia'su corima coira'su na'su, Mitrídatesja, tsama agattopa afe Judá'su govierno na'su Sesbasarnga.

Esdras 2:1

Majan Judá andeni isu'cho israendeccu Nabucodonosor angasi Babiloniani jipa can'jen'chondeccu ja'ño toequi Jerusaléni toya'caen faesu Judá'su canqqueni ja'fa.

Esdras 3:2

Bo'fasi Josadac dutssi'ye Josué, tisema fuite'su Chigama afasundeccu, toya'caen Salatiel dutssi'ye Zorobabel tise antiandeccu'qque Israel Chiganga afeye oque oraen'jen'chove ñoña'fa. Nane tsanga tsu jongoesuma oque oraemba Chiganga afe'je'faya'cho, Chiga in'jan'cho Moisés manda'cho mandaqquia'caen.

Esdras 5:2

Chiga Aya'fama condase'fasi Salatiel dutssi'ye Zorobabel, Josadac dutssi'ye Josué'qque pañamba manda'fa cuintsu sema'faye Chiga ettive Jerusaléni ccase tsao'ñañe. Mandasi aindeccu ccase sema'jen'fasi Chiga Aya'fama afasundeccu'qque tise'pama fuite'je'fa. Ccase semañe ashaen'fa'choma pañamba ti'tsse'tssia gobernador, Tatnaija, jipa qquen iñajampaña: “¿Majan mandasi qui qquen tsaoña'jen'fa?” Tsa'caen iñajampañasi Zorobabelja tisenga conda ma'caen na'su Ciro mandasi tsa'caen tsaoña'jen'choma. Tsonsi Tatnaijan tevaen'jema moe Persia'su na'su Daríonga tayo'su Ciro manda'chone atesuye. Darío tta'ttaye mandasi attepa afesi Tatnainga tevaemba manda cuintsu israendeccuma antteye Ciro mandaqquia'caen Chiga ettive tsao'ña'faye.