Daniel 5:8 - Cofán: Chiga Tevaen'jen

⁸ Tsa'caen susi poiyi'cco na'suma shondo'su injama'pandeqquia tseni ca'ni'fa. Tsa'ma majañi'qque tsa tevaen'choma camba pañamba na'sunga condaye osha'fambi.

Daniel 5:8 Iomraidhean Croise

Génesis 41:8

Tsa'ma ccaqui a'ta sinte'ye ñoa'me asi'ttaén dyaipa manda cuintsu poiyi'cco Egipto'su jai'ngae ma'caen daya'chove condasundeccu, injama'pandeqquiama'qque ttu'se'faye. Ttu'sesi ji'fasi faraónjan tise ayo'o'choma condase. Tsa'ma majan tsendeccu'suyi'qque ayo'opa in'jan'choma condaye osha'fambi.

Daniel 2:27

Tsonsi Danielja su: —Me'i'on tsu ni majan atesu'cho ma'caen jai'ngae daya'chove atesu'chondeccu, injama'pa, toya'caen o'fema camba ma'caen daya'chove atesu'chondeccu, tsa Que Ti'tsse'tssia atesuye injan'choma in'jamba condaya'chove.

Daniel 4:18

“ ‘Tsa tsu ña, na'su Nabucodonosor, ayo'ocho. Ja'ño, Beltsasar, condaja jongoesune ña tsa'caen ayo'ochoma. Nane fae atesu'choyi'qque tsu ña'suja pañamba condaye oshambi. Tsa'ma queta qui condaye osha quei'ccu Chiga Qquendya'pa can'jensi.’

Daniel 4:4

“Ña, Nabucodonosor gi avujatsse na'su tsaoni canse. Toya'caen osha'choma an'biamba gi shacambitsse canse.

Daniel 4:7

Tsonsi tsu ji'fa poiyi'cco Babilonia'su injama'pandeqquia, atesu'chondeccu, jai'ngae ma'caen daya'chove atesu'chondeccu, toya'caen o'fema camba ma'caen daya'chove atesu'chondeccu'qque. Tsa'caen ji'fasi gi ña ayo'o'choma condase. Tsa'ma tsendeccuja jongoesune ña tsa'caen ayo'ochoma condaye osha'fambi.

Daniel 5:15

Nane poiyi'ccoma ti'tsse va ande'su injama'pandeqquia tsu va'tti can'jen'fa va tevaen'choma camba jongoesu qquen su'choma ñanga condaye. Tsa'ma ni paña'baeñi'qque paña'fambi.