Daniel 5:7 - Cofán: Chiga Tevaen'jen

⁷ Omboe fundopa ttu'se cuintsu poiyi'cco Babilonia'su injama'pandeqquia, jai'ngae ma'caen daya'chove atesu'chondeccu, toya'caen o'fema camba ma'caen daya'chove atesu'chondeccu'qque ji'faye. Tsa'caen fundopa qquen su: —Majan a'i va tevaen'choma camba attepa jongoesune su'choma ñanga conda'ninda gi na'sumbe cu'a sarupa ondiccu'jema tisenga ondiqquiamba tise tsifonga'qque cori candenama andiaña. Toya'caen ña manda'je'cho'su tercer na'suve gi tsoña.

Daniel 5:7 Iomraidhean Croise

Génesis 41:8

Tsa'ma ccaqui a'ta sinte'ye ñoa'me asi'ttaén dyaipa manda cuintsu poiyi'cco Egipto'su jai'ngae ma'caen daya'chove condasundeccu, injama'pandeqquiama'qque ttu'se'faye. Ttu'sesi ji'fasi faraónjan tise ayo'o'choma condase. Tsa'ma majan tsendeccu'suyi'qque ayo'opa in'jan'choma condaye osha'fambi.

Éxodo 7:11

Tsa'caen tsonsi attepa faraónjan manda cuintsu tise atesu'cho injama'pandeqquia toya'caen tise mágicondeccuma'qque ttusengaye. Tsendeccu jipa tise'pa mágicoi'ccu tsa'caeñi tson'fa.

Daniel 1:20

Pa'cco in'jamba atesuqque'suma na'su iñajampañasi tsendeccuja poiyi'cco Babilonia'su injama'padeqquia toya'caen o'fema camba ma'caen daya'chove atesu'chondeccuma ñoa'me ti'tsse'tsse atesupa conda'fa.

Daniel 1:4

majan ñotssipa, giya'tssipa, injama'pa, ñotsse pañaña'cho, pa'ccoma atesu'chondeccuma isi na'su ettini shondo'je'faye. Tsendeccunga tsu Babilonia'su aya'fama toya'caen tise'pa tayopi'su condase'choma'qque atesiaña'cho.

Daniel 2:2

Tsa'camba manda cuintsu injama'pandeqquia, mágiccondeccu, jai'ngae daya'choma atesu'chondeccuma, coragandeccuma toya'caen atesu'chondeccuma ttu'senga'fasi jipa tise jongoesune ayo'o'choma conda'faye. Tsendeccu jipa tisenga ccutsusi

Daniel 2:27

Tsonsi Danielja su: —Me'i'on tsu ni majan atesu'cho ma'caen jai'ngae daya'chove atesu'chondeccu, injama'pa, toya'caen o'fema camba ma'caen daya'chove atesu'chondeccu, tsa Que Ti'tsse'tssia atesuye injan'choma in'jamba condaya'chove.

Daniel 2:48

Tsa'caen supa omboe Danielma ti'tsse joccapitssia've tsomba osha'cho ñotssiama afe. Toya'caen Babilonia'su provinciambe na'suve tisema ca'niamba poi tsa ande'su atesu'chondeccumbe ti'tsse joccapitssia na'suve tson.

Daniel 2:6

Tsa'ma ña ayo'ochoma condapa, jongoesune ña tsa'caen ayo'ochoma conda'ta qui ña afe'cho ñocca'tssiama injan'tsse isupa joccapitssia've da'faya. Tsa'cansi conda'faja ma'caen ña ayo'ochoma, toya'caen jongoesune ña tsa'caen ayo'ochoma.

Daniel 4:14

Tsata tsu quian'me fundopa qquen afa'je: Va quini'jima ttuttupa ttembama'qque cha'ttufaja. Tise najema joqquitssiamba name'qque shequian cati'faja cuintsu osha'cho aiña'cho tsambe tumbianccuni ccuisundeccu ccuyayain ja'faye. Toya'caen tise ttembani canjen'cho chhiriria'qque cuintsu ccuya'faye.

Daniel 5:11

Nane que manda'je'choni tsu can'jen fae a'i ño'an Chigambe Qquendya'pa angacan'cho. Que Ti'tsse'tssiambe yayaccasheye'ye na'suite tsu tsa a'ija a'tatsse canjaen tiseja chigandeqquia'caen ñoa'me injama'pave. Tsa'cansi tsu que ti'tsse'tssiambe yayaccashe'ye Nabucodonosor'yeja tisema inisian poiyi'cco va ande'su injama'pandeqquia, jai'ngae ma'caen daya'choma atesu'chondeccu, toya'caen o'fema camba ma'caen daya'chove atesu'chondeccumbe na'suve.

Daniel 5:15

Nane poiyi'ccoma ti'tsse va ande'su injama'pandeqquia tsu va'tti can'jen'fa va tevaen'choma camba jongoesu qquen su'choma ñanga condaye. Tsa'ma ni paña'baeñi'qque paña'fambi.

Daniel 5:16

Nane queja osha'cho aiye'pa atesupa conda'masia'ma'qque condaye osha qquen gi paña. Ja'ño que oshapa va su'choma camba jongoesu qquen su'choma ñanga conda'ninda gi na'sumbe cu'a sarupa ondiccu'jema ondiqquiamba que tsifonga'qque cori candenama andiaña. Toya'caen ña manda'je'cho'su tercer na'suve gi tsoña.

Daniel 5:29

Tsa'caen condasi tse'faei'ccuyi na'su Belsasarja manda cuintsu Danielnga na'su cu'a sarupa ondiccu'jema ondiqquiamba tise tsi'fonga'qque cori candenama andian'faye. Toya'caen tsu junde poiyi'cconga conda ma'caen Daniel tise manda'je'cho'su tercer na'suve da'choma.

Números 22:17

Jisi gi quema joccapitssia've tsoña. Toya'caen pa'cco que iñajan'choma gi tsoña. Tsa'ma jipa ñoa'metsse va aindeccuma qqueñajan.”

Números 22:7

Tsa'caen susi moabita'su coenzandeccu toya'caen madianita'su coenzandeccu'qque tise dañomba qqueñasi afepoeña'cho corifin'dima isupa ja'fa. Tsa'caen japa Balaam can'jeni nepipa Balac su'choma condase'fa.

Números 24:11

¡Bove ñotssi tsu que tsaoni junde jaye! ¡Ñajan ñotssiama quenga afeye qquen susi tsu que ‘Na'suja’ se'pi ña tsa'caen afeye!

1 Samuel 17:25

su'fa: “¡Ay! ¿Atte'fambi ti qui va ja'ño sombo'cho a'i, israendeccuma noñangiamba afaseye ji'choma? ¿Majan tsu tisema patsuye osha? Nane majan jovama patsu'ninda tsu na'su Saúlja tsama ricove tsomba tise onque'ngema'qque tisenga antteya cuintsu pusheye. Toya'caen tsu tsa a'imbe antiandeccuja pasa'faya jongoesuveyi'qque goviernonga afepoen'jen'chove metssia've.”