Daniel 3:6 - Cofán: Chiga Tevaen'jen

⁶ Poiyi'cco majan tsa ñoña'chonga ccarupa tsanga iñajambi'ta tsu jundeyi osha'choma oque'jeye ñoñaccu'su si'nge anchanda'je'chonga ttova caniange'faya'cho.”

Daniel 3:6 Iomraidhean Croise

Génesis 19:28

can Jordán na'en'su sinjunccunima, toya'caen Sodoma, Gomorranima. Camba onfen'bama atte. Nane pa'cco sinjunccu tsu si'nge ju'ruqquia'caen oro'je.

Éxodo 20:5

Tsesundeccunga puntssamba iñajanjama. Nane ñañi gi Na'su, que Chiga. Sepipa Chiga gi ñama chi'gapa egae tsincon'su injama'choma somboemba tise dushundeccu, tsambe du'shumbe dushundeccu injama'choma'qque somboeña tise'pa egae tsincon'chone.

Daniel 2:5

Tsa'caen su'fasi na'suja su: —Tayo gi qquen tsoñe in'jan. Que'iyi ña ma'caen ayo'ochoma condapa, jongoesune ña tsa'caen ayo'choma conda'faja. Tsa'caen conda'fambian'da gi que'ima getti fi'ttisi tsu que'i tsa'oja jimbitsse sheque catiyepa boñame daya.

Daniel 3:11

Toya'caen majan tsa'caen tsombi'ta tsu osha'choma oque'jeye ño'ñaccu'su si'nge anchanda'je'chonga ttova caniangeya'cho.

Daniel 3:15

¿In'jan'fambi ti qui ma'caen osha'cho jenqque'suma jeña'fasi junde ña mandasi corima ñoña'chonga ccarupa tsanga iñajaña'choma? Tsa'caen tsombi'ta qui ja'ñoñi oshacho'choma oque'jeye ñoñaccu'su si'nge anchanda'je'chonga ttova caniange'faya. Tsonsita ¿Jongoesu chiga tsu que'ima ccushaen'me'se?

Daniel 3:21

Tsonsi tsu tsa tres dusungandeccu toenga na'su ondiccu'jepayi tandañemba tsa si'nge anchanda'jeccunga ttova caniange'fa.

Daniel 3:7

Tsa'caen su'chosi, poiyi'cco a'i bo'cho osha'cho jenqque'suma jeñasi pañamba ccaru dyaipa tsa corima ñoña'chonga iñajan'fa.

Daniel 5:19

Tsa'caen ti'tsse osha'choya'chove afesi tsu mani'su canqque'su aindeccu, mani'su andesundeccu, toya'caen faesu aya'fangae afa'je'chondeccu'qque tisema dyoe'sui'ccu pañamba ñoa'me dyopa ttun'dundu'je'fa. Tsa'cansi tsu tise majama fi'ttiye in'jan'da fi'ttipa majama antteye in'jan'da antte cuintsu canseye. Majamanda tsu ti'tsse'tssia've tson, toya'caen majamanda tsu ñombi'yamba vanae.

Daniel 6:7

Poiyi'cco que mandasi na'suve da'chondeccu gi bopa in'jan'fa cuintsu que tevaen'jema tevaemba poiyi'cco a'inga que manda'chove canjaeñe: Cuintsu treinta a'tave majañi'qque jongoesu chigama ni a'ima iñajambe'yi jo'su Que Ti'tsse'tssia'veyi iñajan'jen'faye. Nane majan tsa'caen tsombi'ta tsu ttesi changonga ttova catiyeya'cho.

Mateo 13:42

Attufaemba si'nge anchanda'je'chonga cati'faya. Tseni catiyepa i'na'faya. Nane vana'jemba ttun'dundu'je'e iyicca'yepa i'na'faya.

Mateo 13:50

Attufaemba tsu egae tsinconsundeccuma si'nge anchanda'je'chonga tsangae cati'faya. Tseni catiyepa tsu i'na'faya. Nane vana'jemba ttun'dundu'je'e iyicca'yepa i'na'faya.

Mateo 4:9

su: —Que qui ñanga ccarupa iñajan'ninda gi pa'cco va andema quenga afeya que na'suve dapa pa'tssima mandaye.

Marcos 6:27

Tsa'camba tse'faei'ccuyi sundaroma manda cuintsu Feti'su Juan tsovema chattupa iye.

Canjaen'cho 14:11

Tsa'caen si'nge anchanda'je'chonga oquepa vanaen'jensi tsangae tsu onfen'baja ansunde'je. Nane vuiquimbe'yi poi a'ta, poi cose'qque tsangae tsu vana'faya. Poiyi'cco majan cocoyama, tise ñoña'cho cocoyama'qque iñajan'da tsa'caen tsu tsangae vana'faya. Toya'caen poiyi'cco majan cocoya inise tevaen'choi'ccu tevaenge'ta tsa'caeñi tsu vana'faya.

Canjaen'cho 9:2

Afesi japa ande tsosinima can'jen'cho chango sombo'ttima fetta. Tsama fettasi tsu onfen'baja sombo. Nane rande ju'ruqque'su si'ngema oque o'rae'ma'caen onfen'baja sombopa piccosi coejechiga, sefacco'qque si'ame da'fa.