Daniel 2:12 - Cofán: Chiga Tevaen'jen

¹² Tsa'caen su'fasi pañamba na'suja ñoa'me iyicca'yepa manda cuintsu poiyi'cco Babilonia'su atesu'chondeccuma fi'tti'faye.

Daniel 2:12 Iomraidhean Croise

Daniel 2:24

Tsa'caen afa nanimba Danielja Ariocni can'su ja. Nane tsama tsu na'suja manda cuintsu Babilonia'su atesu'chondeccuma fitti'ttiye. Tsanga japa Danielja qquen su: —Injama'pandeqquia'ma fi'ttimbe'yi ñama na'sunga angaja ña pa'cco tise ayo'ochoma condaye.

Daniel 2:5

Tsa'caen su'fasi na'suja su: —Tayo gi qquen tsoñe in'jan. Que'iyi ña ma'caen ayo'ochoma condapa, jongoesune ña tsa'caen ayo'choma conda'faja. Tsa'caen conda'fambian'da gi que'ima getti fi'ttisi tsu que'i tsa'oja jimbitsse sheque catiyepa boñame daya.

Daniel 3:13

Tsa'caen su'fasi pañamba Nabucodonosorja ñoa'me iyicca'yepa manda cuintsu Sadrac, Mesac toya'caen Abednegoma tiseni anga'faye. Tsa'caen mandasi tise dyaini tsendeccuma anga'fasi

Daniel 3:19

Tsa'caen su'fasi pañamba na'su Nabucodonosorja tsa tres dusungandeccuma ñoa'me iyicca'yepa tise camba'ju'qque cutsse da. Tsa'caen dapa manda cuintsu osha'choma oque'jeccu'su si'ngema siete se ñoa'me ti'tsse anchandaen'faye.

Daniel 5:19

Tsa'caen ti'tsse osha'choya'chove afesi tsu mani'su canqque'su aindeccu, mani'su andesundeccu, toya'caen faesu aya'fangae afa'je'chondeccu'qque tisema dyoe'sui'ccu pañamba ñoa'me dyopa ttun'dundu'je'fa. Tsa'cansi tsu tise majama fi'ttiye in'jan'da fi'ttipa majama antteye in'jan'da antte cuintsu canseye. Majamanda tsu ti'tsse'tssia've tson, toya'caen majamanda tsu ñombi'yamba vanae.

Mateo 2:16

Injama'pandeqquia ccafaeyi ja'fasi ande na'su Herodes pañamba afopoen'fa qquen in'jamba ñoa'me iyicca'ye. Iyicca'yepa manda cuintsu poiyi'cco Beléni'su tsandie du'shuma fitti'tti'faye. Toya'caen Belén canqque pporotsse can'jensundeccumbe tsandie du'shuma'qque fitti'ttiye manda. Nane injama'pandeqquiai'ccu tayo condasepa o'fe maqui attian'choma agattopa poiyi'cco tsandie dushundeccu majan dos canqque'fama bove'ccoama fitti'ttiye manda.

Mateo 5:22

Tsa'ma ñanda gi que'ima su: Majan a'i tise faenga'sui'ccu iyicca'ye'ninda tsama'qque tsu na'sunga angaya'cho cuintsu injama'choma somboeñe. Nane majan a'i tise faenga'suma “sumbi” qquen afase'ninda nasundeccu bo'fa'chonga tsu angaya'cho tise injama'choma somboeñe. Toya'caen tise faenga'suma “injamambi” qquen afase'ja tsa a'ija si'nge anchanda'je'chonga catiyeye tsu tsa'caen tsincon.