1 Samuel 7:3 - Cofán: Chiga Tevaen'jen

³ Tsonsi Samuelja poiyi'cco israendeccunga conda: “Que'i pa'cco injama'choi'ccu ñoa'me toequi Na'su Chiganga jiye in'jan'da que'i ñoña'cho chigama cati'faja. Toya'caen Astartéma ñoña'cho chigama'qque tsu cati'faya'cho. Tsesuma catipa tsu pa'cco tisu injama'choi'ccu tisu Chigaveyi in'jamba shondoya'cho. Tsa'caen tson'ninda tsu Na'suja que'ima ccushaeña filisteondeccu'ye.”

1 Samuel 7:3 Iomraidhean Croise

Génesis 35:2

Tsa'caen susi pañamba Jacobja tisu antiandeccu toya'caen poiyi'cco tisema fuitesundeccuma'qque qquen afa: —Pa'cco que'i an'bian'cho faesu chigama somboemba catipa tisupa'qque onjomba faesu giya'tssiama ondiccu'faja.

1 Reyes 11:33

Nane Salomón ñama catisi gi tsa'caen tsoña. Ja'ño tsu tiseja Astarté, sidóni'su chiga, Quemos, tsa moabita'su chiga, toya'caen Milcom, tsa amonita'su chigama iñajan'jen. Ñajan in'jambi gi tise tson'jen'choma. Toya'caen tise yaya David'yecambipa ña manda'choma, ña in'jamba tevaen'choma'qque pañambi.

Isaías 55:7

Egae tsincon'suja tise tson'jen'choma antteya'cho. Egae in'jan'choja tise injama'cho in'jan'choma antteya'cho. Nane Na'sunga toequi shanda'ninda tise tsu me'deyeya. Na'sunga toequi shanda'ninda tise tsu egae tsincon'choma aqque'paeña.

Mateo 15:8

Va aindeccu tise'pa aya'fai'ccu ñama ñotsse afa'fa. Tsa'ma injama'cho tsosipieja biani can'jenqquia'caen ñama chi'ga'fa.

Mateo 4:10

Tsa'ma Jesús tisema su: —Satana, ña'ñe biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”

Mateo 6:24

Sema'suja dos na'suma shondoye oshambi. Nane fa'ema chi'gapa faesuma tsu in'jaña. Tsambi'ta fa'ema ñotsse in'jamba faesuma tsu chi'gaya. Chigama in'jamba que'i corifin'dima'qque fae'ngatsse in'jañe osha'fambi qui.

Lucas 4:8

Jesúsja pañamba su: —Satana, biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”

Juan 4:24

Chigaja In'jaen'cho Qquendya'pa tsu. Tsa'cansi majan Tisema iñajan'da ñoa'me tansintsse tisu injama'chone tsu iñajaña'cho.

Deuteronomio 6:13

Na'su que'i Chigama ñotsse in'jamba tise'veyi shondo'faja. Que'i su'cho tansintssia qquen canjaeñe in'jamba tise inisei'ccuyi afa'faja.

Jueces 2:11

Tsa'ma israendeccu egae tsinconsi Na'su atte'ma in'jambi. Nane israendeccuja osha'cho chiga Baal ñoña'choma iñajañe ashaen'fa.

Jueces 2:13

Nane Na'suma catipa chiga Baal toya'caen osha'cho chiga Astarté ñoña'choma'qque iñajan'fa.