1 Samuel 10:1 - Cofán: Chiga Tevaen'jen

¹ Tsonsi Samuelja aseite an'bianqque'su can'choma isupa Saúl tsovenga fiñamba tisema mochapa su: —Qquen gi canjaen Na'su Chiga quema ttu'sepa Israel ande na'suve ca'nia'choma. Nane tise aindeccuma qui mandapa tise'pama ccushaeña filisteondeccu'ye.

1 Samuel 10:1 Iomraidhean Croise

2 Samuel 5:2

Nane Saúl ingi na'suite'qque qui queja ñoa'me Israel gera iyicco'je'choma manda'je. Toya'caen tsu Na'su Chigaja quenga ñoa'me conda que jai'ngae israendeccuma mandapa ande na'suve daya'choma.”

1 Reyes 19:18

Tsa'ma ñotsse in'janjan: Toya tsu siete mil israendeccu can'jen'fa toya Baalnga puntssamba mochambindeqquia.”

Salmos 2:12

Nane tsa'caen tsombi'ta qui tse'faei'ccuyi pa'faya Na'su junde iyicca'yesi. Poiyi'cco tise've in'jamba coirayeye ji'chondeccuja ñoa'me avujatssi'faja.

Salmos 78:71

Somboemba mandasi Davidja ti'tsse ovejama angacambipa Na'su in'jan'cho Jacob aindeccuma coira. Nane ovejama coiraqquia'caen israendeccuma coira.

Tson'fa'cho 13:21

israendeccuja tisupa na'suve in'jamba iñajan'fa. Tsa'caen iñajan'fasi Chiga Quitsaja Saúlma na'suve tson. Tsa Saúlta tsu Cis dutssi'ye, israe'su Benjamíndeccu'su. Tise cuarenta canqque'fa na'suve dapa manda'jesi

1 Tesalónica'su 5:26

Poiyi'cco faengasundeccuma chigambian'faja. Nane Chiga in'janqquia'caen in'jamba munsinccopa chigambian'faja.

Hebreo'su 2:10

Nane osha'cho jinchoja Chiga Quitsa in'jamba agattoensi jincho tsu. Tiseja in'jan poiyi'cco Tise dutssiyendeccuve da'chondeccu Tise ñotssiama isu'faye. Tsa'caen in'jamba Chigaja antte Tise moen'cho Na'suja vana'jemba tsangae ñotssia Ccushaen'suve daye.

Canjaen'cho 5:8

Tevaen'jema isusi tsa cuatro canse'pa jinchondeccu, veinticuatro coenzandeccu'qque Ovejanga catsepa andenga amppi ccui'fa. Poi coenzandeccu guitaracan'cho'ccoe an'bian'fa. Toya'caen cori apisho'ttonga ñome'bama'qque i'fa. Tsa ñome'baja Cristove in'jan'chondeccu Chigama iñajan'cho tsu.

1 Samuel 13:14

Tsa'ma ja'ño tise manda'choma pañambisi tsu Na'su Chigaja quema somboemba faesuma ca'niaña tise aindeccumbe na'suve. Nane tsa tsandieja ñoa'me Chiga in'janqquia'caen tsu in'jaña.

1 Samuel 15:1

Tsomba Samuel Saúlnga su: —Na'su Chiga ñama mandasi gi quema ca'nia israendeccumbe na'suve. Tsa'cansi ñotsse pañajan

1 Samuel 15:17

Tsonsi Samuelja su: —Tayoe tisuja joccapitssiambi qquen injan'jen'cho qui ja'ño poi israendeccuma manda'je. Nane Na'su Chiga quema ttu'sesi qui Israel na'suve da.

1 Samuel 16:1

Tsonsi Na'su Chigaja Samuelma su: —¿Mi'nge'e qui Saúlne ñombi'ye? Tsangaeyi gi chi'ga tise ande na'suve ti'tsse can'jeñe. Tsa'cansi queja que aseitema angaqque'su can'chonga aseitema on'boemba jaja Belén canqqueni. Tseni nepipa Isaí tsaoni jaja. Nane tayo gi in'jamba ttu'se fa'e tise dutssiyendeccu'su cuintsu Israel na'suve daye.

1 Samuel 16:13

Tse'faei'ccuyi Samuelja aseite an'bianqque'su can'choma isupa chu'ama feti ande na'suve poiyi'cco tise quindyandandeccu camboen'jen'fa'ni. Tsa chu'aja David tsu. Tisema na'suve fetisi tsu Na'su Chiga Qquendya'pa tisema in'jaemba quiñaen. Omboe Samuelja Ramáni ja.

1 Samuel 8:19

Tsa'ma aindeccuja Samuelma pañañe chi'gapa su'fa: —Cuin'qque tsa'caen daye. Tisupa gi ande na'suve in'jan'fa

1 Samuel 8:9

Tsa'cansi tise'pa in'janqquia'caen tsonjan. Tsa'ma toyi'te que in'jambi'choama tise'panga condapa, ande na'suve dapa ma'caen mandaya'choma'qque condaja.”

1 Samuel 9:16

“Tu'i, chiga ja'ñoa'can'ni ñajan queni moeñe tson'jen Benjamín a'i'su tsandiema. Tise jisi tise tsovema aseitei'ccu fetija tsa a'i ande na'suve daya'cho qquen canjaeñe. Tise tsu ña aindeccuma ccushaeña filisteondeccu'ye. Nane ña aindeccu vana'jemba ina'jen'fasi gi tise'pama pañamba ccushaeña.”