1 Juan 4:9 - Cofán: Chiga Tevaen'jen

⁹ Qquen tsu Chigaja Tise ingima ñotsse in'jan'choma canjaen: Tise Dutssi'yema va andeni moen cuintsu ingima ccushaensi tsangae canse'faye.

1 Juan 4:9 Iomraidhean Croise

Génesis 22:2

Tsonsi Chigaja su: —Que dutssi'ye fae'ccoa Isaacma qui ñotsse in'jan. Tisema angapa Moriah andeni jaja. Tseni japa ña quema canjaen'cho ccotta'cconga ansundepa que du'shuma fi'ttipa oqueja ñanga afeye.

Salmos 2:7

Tsa ñama ttuse'su Na'su su'choma gi condaya: Nane tiseja ñama su: “Que qui ña dutssi'ye; ja'ño gi quema atte.

Marcos 12:6

Toya fae'cco tise dutssi'yeyi can'jen. Tsamajan tise ñotsse in'jan'cho. Jai'ngae tsama'qque manda moen qquen asi'ttaemba “Ña dutssi'yemanda tsu paña'faya.”

Lucas 4:18

Chiga Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Ñama manda cuintsu binindeccu atte'faye. Ña gi noñangiañesundeccuma ccushaeña.

Juan 10:10

Ccanambaja cca'nañe, fi'ttiye dañoñe tsu jiya. Tsa'ma ñanda gi ji cuintsu ña a'i canse'faye –cuintsu ñoa'me avuja'tsse canse'faye.

Juan 14:6

Jesúsja Tomásnga su: —Ña'ñe qui qque'faya'bi. Ña'ñe qui tansintsse atesu'faya. Ña'ñe qui ñoa'me canse'faya. Tsa'ma majan ñama pañambi'ta Chiga Quitsanga catse'faya'bi.

Juan 3:16

Nane Chigaja va andeni'su a'ima tsain'bitsse in'jamba Tise Dutssi'ye fae'ccoama a'inga afemoen cuintsu poiyi'cco majan tise've in'jan'chota catiyembe'yi Chigai'ccu tsangae canse'faye.

Juan 3:18

Majan Chiga Dutssi'yeve in'jan'ninda Chigaja tise injama'choma somboeña'bi tsu. Tsa'ma majan Chiga Dutssi'ye fae'ccoama chi'gapa in'jambian'da tayo tsu tise injama'choma somboen.

Juan 5:23

cuintsu poiyi'cco a'i Chiga Quitsama in'janqquia'caen Dutssi'yema'qque in'jan'faye. Toya'caen majan Dutssi'yema chi'ga'ta tisema moen'su Chiga Quitsama'qque tsu chi'ga.

Juan 6:29

Tsonsi Jesúsja su: —Chigaja in'jan cuintsu que'i Tise moen'cho a'ive in'jan'faye.

Juan 6:51

Ñañi gi va sefaccone ande'cho cansiaña'cho panjan. Majan tsa panma an'da tsangae tsu canse'faya. Ña ai'vo tsu ña afe'cho panjan. Tsama gi afeya cuintsu poiyi'cco a'i canse'faye.

Juan 6:57

Ña Yaya ñama moen'su'ta tsu tsangae canse'cho. Tise'ye gi ñajan canse. Tsa'caeñi tsu ñama an'cho'ta ña'ñe canse'faya.

Juan 8:42

Tsonsi Jesúsja su: —Que'ija ñoa'me Chiga dushundeccuve'can'da qui ñama in'jan'faye'can ñajan Chigane jipa vani can'jensi. Ñajan tisuyi'ta jimbi gi. Tsa'ma Chiga moensi gi ji'cho.

Juan 9:3

Jesúsja su: —Me'i, tisu egae jinchópambi tsu ni tise yaya, tise mama'qque egae tsincon'fambi. Tsa'ma tisei'ccu Chiga tson'choma attiañe tsu tsa'caen isu'cho.

Romanos 8:32

Nane Chiga Quitsaja ingima in'jamba se'pimbe'yi Tise Dutssi'yema afe cuintsu tsaja papa ingima ccushaeñe. Ñoa'me tsu Chigaja Jesucristoi'ccu fae'ngae osha'choma inginga afeya.

Hebreo'su 1:5

Nane Chigaja Tisema sefacconi'su shondosundeccuma qquen afambipa Dutssi'yema tsu afa: Que qui ña Dutssi'ye. Ja'ño gi quema atte. Toya'caen Tisema sefacconi'su shondosundeccuma qquen afambi: Ña gi tise yaya. Tiseja ña Dutssi'ye tsu.

1 Juan 3:16

Cristo tisuma se'pimbi'tsse ingine pasi gi atesu'fa Chiga ingima ñoa'me in'jan'chove. Tsa'caeñi tsu ingi'qque faenga'sune se'pimbe paya'cho Chiga tsa'caen in'jan'ninda.

1 Juan 4:10

Qquen tsu Chiga ñotsse in'jan'cho: Ingi Tisema in'jambi'ma Chigaja ingima in'jan. Toya'caen: Ingima ñoquiañe in'jamba Tise Dutssi'yema moen ingi egae jincho'choma joqquitssiañe.

1 Juan 4:16

Ingija atesupa gi in'jan'fa Chiga ingima in'jan'chove. Chiga tsu ñotsse injancho. Majan ñotsse in'jamba cansepa Chigai'ccu canse'fa. Chiga'qque tise'pai'ccu canse.

1 Juan 5:11

Qquen tsu ñoa'me Chiga su'cho: Chigaja tayo inginga antte tsangae canseye. Tise Dutssi'ye tsu cansian'su.

1 Juan 5:13

Que'i Chiga Dutssi'yeve in'jan'fasi gi que'inga qquen tevaen que'i tisupa Cristoi'ccu tsangae canse'fa'choma atesu'faye.