1 Juan 1:1 - Cofán: Chiga Tevaen'jen

¹ Tseyi me'ttia'ye tiseja can'jen. Tsa'ma ingija tisema paña'fa. Tisemajan ingi tso'fei'ccu gi atte'fa. Nane tisema camba gi ingi tivei'ccu pporaen'fa. Tsa Cansian'su Chiga Aya'fane gi condase'fa. Tsaja Jesucristo tsu.

1 Juan 1:1 Iomraidhean Croise

Miqueas 5:2

“Tsa'ma que Judá ande'su Belén Efrata canqque, mapán faesu Judá'su canqquema bove'cconi'qque, que'ye tsu ande na'suja somboya Ña a'i israendeccuma mandaye. Tiseja me'ttia'ye can'jemba tsu tayopi'su aindeccu'su.

Lucas 24:39

Ña tive, ña tsu'ttema'qque can'faja. Ñañi gi. Ñama pporaemba can'faja. Camba qui in'jan'faya ñajan nama, tsu'ttama'qque an'bian. Ayaja tsa'caen an'biambi.

Juan 19:35

Ña gi attepa vama conda. Ñoa'me attepa gi in'jamba conda que'i'qque pañamba in'jan'faye. Ñoa'me su'cho tsu.

Juan 20:27

Tsomba Tomásnga su: —Ña tivema camba que tsimian'ccoi'ccu tsomijan. Ña utuccu'ttima que tivei'ccu tsomijan. “Nane ñajan in'jaña'bi” qquen sumbe'yi ¡ñame in'janjan!

Juan 5:26

Chiga Quitsaja tisutsseyi canseye jincho. Tsa'caeñi Tise Dutssi'yenga'qque antte cuintsu tisutsseyi canseye jinchoye.

Juan 8:58

Jesúsja su: —Ñoa'me gi su: Toya Abrahamme meinte, Ña gi.

Tson'fa'cho 1:3

Nane Jesúsja papa ccase qquendyapa tsendeccunga attiamba cuarenta a'ta can'jen. Tsa'caen can'jemba tisuma canjae'ñaccapa a'tatsse canjaen tisu ñoa'me canse'choma. Toya'caen Chigambe a'ive da'faya'chone condase.

Tson'fa'cho 4:20

Nane ingi pañamba atte'chone afa'je'chomanda gi antteye osha'fambi.

Hebreo'su 2:3

Tsa'cansi ingija va ti'tssetssia ccushaeña'choma pañamba chi'ga'ta ¿ma'caen gi ccusha'faya? Ñoa'me gi ccusha'faya'bi. Tseyi Na'suja va ccushaeña'chone a'inga condasesi Tisema pañasundeccuja inginga condase'fa, ñoa'me su'chove canjaeñe.

1 Juan 4:14

Attepa gi faesunga conda'fa ma'caen Chiga Quitsa Tise Dutssi'yema moen'choma poi ande'su aindeccuma ccushaen'suve.

1 Juan 5:7

Chiga Qquendya'pa'qque Jesúsne conda. Tsaja tansintsse conda'su.

Canjaen'cho 1:11

Tsa aya'faja su: —Que atte'choma findi'cho tevaen'jenga tevaenjan. Tevaemba Asia ande'su siete Jesúsve in'jamba bo'fa'chonga moenjan. Nane Efeso canqque'su bo'fa'chonga, toya'caen Esmirna, Pérgamo, Tiatira, Sardis, Filadelfia, Laodicea'su bo'fa'chonga'qque va tevaen'jema moenjan.

Canjaen'cho 1:8

“Ña gi Ashaen'su toya'caen Nani'su.” Qquen tsu na'suja su. “Aisheve can'jemba gi ja'ño'qque can'jen. Tsangae gi can'jeña. Ña gi osha'choma ti'tsse'tssia.”

Canjaen'cho 19:13

Tise oppoencho'cho sarupaja anjampai'ccu onjoen'cho. Tisema inisian'choja “Chiga Aya'fa.”

Canjaen'cho 2:8

Toya'caen Esmirna canqque'su Jesúsve in'jamba bo'fa'choma coira'sunga qquen tevaenjan: Qquen tsu Me'ttie'su toya'caen Osefa'tti'suja, tsa papa ccase qquendya'suja su: