San Mateo 9:4 - El Nuevo Testamento y Salmos

⁴ Ajta ɨ Jesús pu jáamuaꞌreeriꞌ jeꞌej maj yeꞌej tyíꞌmuaꞌajcaa, aj puꞌij aꞌyan tyihuoꞌtaꞌíhuoꞌriꞌ tɨjɨn: —¿Jiꞌnye siaj sij huápuɨꞌɨj jeꞌej puaꞌaj tyíꞌmuaꞌtzej mu jutzájtaꞌ?

San Mateo 9:4 Iomraidhean Croise

SALMOS 139:2

muáaj paj néijmiꞌi muaꞌreej jeꞌej nyaj tyiꞌtyínyechaꞌɨj, tyij pajta aꞌɨmuáj jáꞌsejreꞌ muáaj paj jamuaꞌreej jeꞌej nyaj tyíꞌmuaꞌtzej.

SALMOS 44:21

muáaj paj jamuaꞌréerejcheꞌen, jiꞌnye muáaj paj jamuaꞌreej jeꞌej tɨ tyiꞌtɨ́j een ɨ tamuaꞌtzíiraꞌaj jitze.

San Mateo 12:25

Ajta ɨ Jesús, aꞌɨ́ɨ pu jamuaꞌreeriacaꞌaj jeꞌej maj tyíꞌmuaꞌajcaa, aj puꞌij aꞌyan tyihuoꞌtéꞌexaaj tɨjɨn: —Tɨpuaꞌaj ɨ maj séej chuéj japua jáꞌmaꞌcan jéꞌtaꞌ muáacɨɨnyej, aꞌɨ́ɨ mu huatóonyoꞌsiꞌtyeꞌej, ajta ɨ maj aꞌáa jaꞌchej camu cheꞌ áꞌtyeeren, naꞌríij ɨ maj séej chájtaꞌnaj jitze ajaꞌchej nusu ɨ tyeɨ́tyeristyamuaꞌmeꞌen sɨ́ɨj ɨ aꞌtɨ́j, aꞌyan majta jéꞌtaꞌ tyityáacɨɨnyej, camu majta cheꞌ áꞌtyeeren.

San Marcos 12:15

Ajta ɨ Jesús pu jamuaꞌreeriacaꞌaj maj quee huatoojéꞌyacan jɨn tyéꞌihuoꞌracaꞌaj, aꞌyaa pu tyihuoꞌtéꞌexaaj tɨjɨn: —¿Jiꞌnye siaj sij tyíꞌtyeseꞌ siaj naatyéeviꞌ hueꞌtzij jɨmeꞌ? Séej túmii mesenyajaꞌváɨꞌtyeꞌ, nyej nyij jaaséj.

San Marcos 2:8

Ajta ɨ Jesús pu jáamuaꞌreeriꞌ jeꞌej maj yeꞌej tyíꞌmuaꞌajcaa, aꞌyaa puꞌij tyihuoꞌtaꞌíhuoꞌriꞌ tɨjɨn: —¿Jiꞌnye siaj sij aꞌyan tyíꞌmuaꞌtzej?

San Lucas 11:17

Ajta ɨ Jesús pu jamuaꞌreeriacaꞌaj jeꞌej maj tyíꞌmuaꞌajcaa, aꞌyaa puꞌij tyihuoꞌtéꞌexaaj tɨjɨn: —Matɨꞌɨj manaꞌaj ɨ maj séej ɨ chuéj japua tyíꞌijta, tɨpuaꞌaj jéꞌtaꞌ muáacɨɨnyej, aj mu mij huatóonyoꞌsiꞌtyeꞌej, matɨꞌɨj mij jujɨ́ɨmuaꞌaj antyúupuaꞌrityeꞌsij, ajta jeꞌen aꞌyan chaꞌtaj ɨ tyihuáꞌchiꞌij tyuꞌtyúꞌuunyiꞌhuaj.

San Lucas 5:22

Ajta aꞌɨ́jna ɨ Jesús aꞌɨ́ɨ pu jáamuaꞌreeriꞌ jeꞌej maj tyíꞌmuaꞌajcaa, aꞌyaa puꞌij tyihuoꞌtaꞌíhuoꞌriꞌ tɨjɨn: —¿Jiꞌnye siaj sij aꞌyan tyíꞌmuaꞌtzej?

San Lucas 6:8

Ajta ɨ Jesús pu jamuaꞌreeriacaꞌaj jeꞌej maj tyíꞌmuaꞌajcaa, aꞌɨ́j pu jɨn aꞌyan tyaatéꞌexaa aꞌɨ́jcɨ ɨ tɨ quee támeeveꞌej tɨjɨn: —Ájchesij maj jéꞌtaꞌ huatyéjchaxɨj. Aj puꞌij aꞌɨ́jna ɨ tyáatɨꞌ ájchej, tɨꞌquij huatyéechaxɨj,

San Lucas 7:40

Aj puꞌij ɨ Jesús aꞌyan tyaatéꞌexaa aꞌɨ́jcɨ ɨ fariseo tɨjɨn: —Simón, tyiꞌtɨ́j nu muaatéꞌexaatyeꞌsij. Aꞌyaa pu tyuꞌtanyúj aꞌɨ́jna ɨ fariseo tɨjɨn: —Naatéꞌexaatyeꞌ, Maeestro.

San Juan 16:19

Jesús pu jáamuaꞌreeriꞌ maj jaxɨeꞌvaꞌcaꞌaj maj tyeeꞌíhuoꞌ, aꞌyaa puꞌij tyihuoꞌtéꞌexaaj tɨjɨn: —Nyáaj nu nyeríj aꞌyan tyajamuaatéꞌexaa tɨquee cheꞌ aꞌchu áꞌtyeeren siatɨꞌɨj quee cheꞌ nyeséejran, siajta majcaꞌhuáyee xu sijta nyeséejran. ¿Nyi aꞌíjna jɨn muaꞌaj setyúuꞌihuoꞌ?

San Juan 16:30

Tuꞌríj jamuaꞌreej paj néijmiꞌi tyíꞌmuaꞌreej, ajta quee juxɨeꞌveꞌ tɨ aꞌtɨ́j tyiꞌtɨ́j muaꞌihuoꞌraj. Aꞌɨ́j tu jɨn tyáꞌtzaahuatyeꞌ paj ɨ Dios jimi joꞌvéꞌmej.

San Juan 21:17

Huéeicaj jitze pu ajtáhuaꞌaj ɨ Jesús aꞌyan tyaataꞌíhuoꞌriꞌ tɨjɨn: —Simón mu paj yójraꞌ puéꞌeen ɨ Juan, ¿nyi tzáahuatyiꞌraꞌaj jɨn pényaxɨeꞌveꞌ? Ajta aꞌɨ́jna ɨ Pedro, jéehua pu huatóoxaamujri tɨꞌɨj ɨ Jesús aꞌyan huéeicaj tyaataꞌíhuoꞌriꞌ tɨpuaꞌaj jaxɨeꞌvaꞌaj, aj puꞌij aꞌyan tyaatéꞌexaa tɨjɨn: —Nyavástaraꞌ, muáaj paj néijmiꞌi muaꞌreej, muáaj paj jamuaꞌree nyaj muaxɨeꞌveꞌ. Jesús pu aꞌyan tyaatéꞌexaa tɨjɨn: —Pataꞌaj tyámuaꞌ tyihuóꞌchaꞌɨɨn ɨ nyetyeɨ́ɨtyeristyamuaꞌ.

San Juan 6:61

Ajta aꞌɨ́jna ɨ Jesús, tɨꞌɨj jáamuaꞌreeriꞌ maj aꞌyan tyúuꞌixaatyaꞌcaꞌaj, aꞌyaa pu tyihuoꞌtaꞌíhuoꞌriꞌ tɨjɨn: —¿Nyi jeꞌej puaꞌaj jamuaatáꞌaj ɨ nyaj jaataxájtacaꞌ?

San Juan 6:64

Ajta séecan mu jaꞌmua jimi séejreꞌ ɨ maj quee tyáꞌtzaahuatyeꞌ. Aꞌyaa pu tyihuoꞌtéꞌexaaj ɨ Jesús, jiꞌnye aꞌɨ́ɨ pu arí jamuaꞌreeriacaꞌaj aꞌtyán maj puéꞌeenyeꞌej ɨ maj quee tyáꞌtzaahuatyeꞌ, ajta aꞌtɨ́j tɨ aꞌɨ́ɨn puéꞌeenyeꞌej ɨ tɨ aꞌɨ́j tyuꞌtátuiireꞌsij.

Hechos 5:9

Aj puꞌij ɨ Pedro aꞌyan tyaatéꞌexaa tɨjɨn: —¿Jiꞌnye siaj sij muaꞌaj aꞌyan tyaaxáꞌpuɨꞌɨntarej siaj sij jáacuanamuaj ɨ júuricamaꞌraꞌ ɨ Dios? Cásɨꞌ aꞌ maj váꞌjuꞌ, ɨ maj uyaꞌváꞌnaj aꞌcɨ́ɨn, aꞌɨ́ɨ mu majta muáꞌchueenyij muéetzij.

El Apocalipsis 2:23

Nyajta huáꞌcuiꞌnyij ɨ yójmuaꞌmuaꞌ ɨ íitɨꞌ, aꞌyaa mu mij néijmiꞌi ɨ maj jusɨꞌrii ɨ Dios jimi tyáꞌmuaꞌreeren nyaj aꞌɨ́ɨn puéꞌeen ɨ tɨ júꞌmuaꞌree jeꞌej tɨ aꞌtɨ́j tyíꞌmuaꞌtzej ɨ jutzájtaꞌ, nyajta aꞌyan tyihuoꞌtáꞌsij séej nyajta séej jeꞌej tɨ tyiꞌtɨ́j jɨn huarɨ́j.