San Mateo 6:6 - El Nuevo Testamento y Salmos

⁶ Pajta muáaj, patɨꞌɨj tyényuusimeꞌen ɨ Dios jimi, pataꞌaj utyájrutyej aꞌchiꞌtáj, pajta tyeꞌtyáanaj ɨ puéertaj jɨmeꞌ, aj pej pij huatyényuunyij aꞌɨ́jcɨ jimi ɨ paj jajvástaraꞌ ɨ tɨ quee séejreꞌ. Ajta aꞌɨ́jna ɨ paj jajtáataj ɨ tɨ jaséj jeꞌej paj rɨcɨj avíitzij jɨmeꞌ, aꞌɨ́ɨ pu muaatáꞌsij ɨ paj jaamuéꞌtɨj.

San Mateo 6:6 Iomraidhean Croise

SALMOS 34:15

Tavástaraꞌ pu huáꞌchaꞌɨj aꞌɨ́ɨjma ɨ tyétyacaa maj tyámuaꞌ een ajta huáꞌnamuaj jeꞌej maj aꞌɨ́ɨmaj tyityeetyényuusij.

San Mateo 14:23

Tɨꞌɨj huaꞌreꞌítyixɨꞌɨj, aj puꞌij jusɨ́ɨj antyíraj ɨ jɨríj jitze tɨꞌij huatyényuunyij ɨ Dios jimi. Tɨꞌɨj huariáꞌtɨcaꞌriacaꞌ, aꞌáa pu jusɨ́ɨj joꞌtyávaacaꞌaj,

San Mateo 6:18

mej mij quee ɨ tyeɨ́tyee jáamuaꞌreej yee puaꞌitziꞌveꞌ. Aꞌɨ́ɨ puꞌuj aꞌ vástaraꞌ ɨ paj quee jaséj jamuaꞌreej, ajta aꞌɨ́jna ɨ aꞌ vástaraꞌ tɨ jaséj ɨ tɨ juꞌ avaaj, aꞌɨ́ɨ pu muaatáꞌsij ɨ paj jaamuéꞌtɨj.

San Mateo 6:4

aꞌyaa paj huárɨnyij avíitzij jɨmeꞌ. Ajta aꞌɨ́jna ɨ paj jajvástaraꞌ, aꞌɨ́ɨ pu jaséj ɨ tɨ juꞌ avaaj, aꞌɨ́ɨ puꞌij muaatáꞌsij ɨ paj jaamuéꞌtɨj.

San Juan 1:48

Natanael pu aꞌyan tyaataꞌíhuoꞌriꞌ tɨjɨn: —¿Jiꞌnye pej pij een jɨmeꞌ nyamuaꞌtyej? Jesús pu aꞌyan tyaatéꞌexaa tɨjɨn: —Nyáaj nu muaaséj tɨꞌɨj quee xu muaatajéevaꞌcaj aꞌɨ́jna ɨ Felipe, patɨꞌɨj aꞌáan jeꞌrácatyii ɨ xápuaꞌ jityej.

San Juan 20:17

Jesús pu aꞌyan tyaatéꞌexaa tɨjɨn: —Capáj nyaꞌɨtzaaj, jiꞌnye canu nyeexúj aꞌáa joꞌmej ɨ nyavástaraꞌ jimi. Ajta áricuj pataꞌaj aꞌyan tyihuoꞌtéꞌexaatyeꞌen ɨ nyeꞌihuáamuaꞌ nyej nyajtáhuaꞌaj joꞌmej aꞌɨ́jcɨ jimi ɨ nyavástaraꞌ, tɨ ajta jaꞌmuavástaraꞌ puéꞌeen, nyajta aꞌɨ́jcɨ jimi ɨ nyaj Dios ɨ tɨ ajta jaꞌmua Dios puéꞌeen.

Hechos 10:30

Aj puꞌij aꞌyan tyuꞌtanyúj aꞌɨ́jna ɨ Cornelio tɨjɨn: —Puꞌríj muáacuaj xɨcáj tyooméj, yáapuaꞌaj aꞌtzáaj, aꞌyaa nu huaquéej iiyeꞌej nyichéj, nyatɨꞌɨj huatyéenyuj ɨ Dios jimi, aꞌtzáaj yáacɨj jéꞌtaꞌ ucamáꞌcaj ɨ xɨcáj, tɨꞌquij aꞌtɨ́j huataséjre nye jimi, naa pu tyiꞌtyamaꞌastájyiꞌcaa aꞌɨ́jna ɨ tɨ jucáchajcaꞌaj.

Hechos 10:9

Yaa ariáꞌpuaꞌaj, aꞌtzáaj tacuaríixpuaj, matɨꞌɨj meríj a véjriꞌ ajoojuꞌcaj a chájtaꞌ, aj puꞌij Pedro antyíraj ɨ chiꞌij japua, tɨꞌij jaatáhuoonyij ɨ Dios jimi.

Hechos 9:40

Pedro pu huoꞌtaꞌíj maj néijmiꞌi iirácɨɨnyej, tɨꞌquij tyítunutacaꞌ, ajta jaatáhuoj ɨ Dios jimi, jaꞌraséeraj aꞌɨ́jcɨ ɨ muɨꞌchíj, aj puꞌij aꞌyan tyaatéꞌexaa tɨjɨn: —¡Tabiita, ájchesij! Tɨꞌquij atányeeriacaꞌ aꞌɨ́jna ɨ íitɨꞌ, tɨꞌɨj jaaséj aꞌɨ́jcɨ ɨ Pedro, aj puꞌij ooyíxɨj.

Romanos 8:5

Aꞌɨ́ɨmaj ɨ maj aꞌyan tyityetyúuchaꞌɨj aꞌɨ́jcɨ jɨmeꞌ tɨ jeꞌej puaꞌaj een tɨ eerányinyii ɨ huaꞌ tzajtaꞌ, aꞌyaa mu aꞌɨ́jcɨ jitze tyíꞌmuaꞌtzej jeꞌej tɨ aꞌɨ́ɨn caꞌnyíjraꞌaj tyihuaꞌtáꞌcaa, majta aꞌɨ́ɨmaj ɨ maj aꞌɨ́jcɨ jitze aróocaꞌnyej ɨ júuricamaꞌraꞌ ɨ Dios, aꞌyaa mu aꞌɨ́jcɨ jɨn tyáꞌhuoo jeꞌej tɨ tyáꞌxɨeꞌveꞌ aꞌɨ́jna ɨ júuricamaꞌraꞌ ɨ Dios.

Efesios 3:14

Aꞌɨ́j nu jɨn tyítunutaj jimi ɨ vástariaꞌraꞌ ɨ Cɨríistuꞌ,