San Mateo 4:7 - El Nuevo Testamento y Salmos

⁷ Jesús pu aꞌyan tyaatéꞌexaa tɨjɨn: —Aꞌyaa pu ajta tyéꞌyuꞌsiꞌ ɨ yuꞌxarij jitze tɨjɨn: “Capáj tyiꞌtɨ́j jɨn jáꞌxaahuariꞌraj ɨ Dios.”

San Mateo 4:7 Iomraidhean Croise

SALMOS 106:14

Aꞌájna, joꞌmaj jujɨ́ɨmuaꞌaj jáꞌsejriaꞌcaꞌaj joꞌtɨj quee jáꞌtyiꞌtɨj, aꞌáa mu quee tyámuaꞌ huarɨ́j aꞌɨ́jcɨ jimi ɨ Dios aꞌyaa mu tyáꞌxɨeꞌvaꞌcaꞌaj tɨ aꞌɨ́ɨn aꞌyan huárɨnyiicheꞌ jeꞌej maj aꞌɨ́ɨmaj tyáꞌxɨeꞌvaꞌcaꞌaj.

SALMOS 78:18

Aꞌyaa mu tyáꞌxɨeꞌvaꞌcaꞌaj maj jaatyéesej cueꞌráj metyiꞌhuooj aꞌɨ́ɨjma tɨ tyaꞌránajchicaꞌaj.

SALMOS 78:41

Majta móocheꞌ mu jaxɨeꞌvaꞌcaꞌaj maj tyiꞌtɨ́j jɨn jaatyéesej; aꞌɨ́ɨ mu jaxaamuɨjrityaꞌcaꞌaj aꞌɨ́jna ɨ tɨ jɨꞌréenyeꞌej séejreꞌ aꞌájna a Israel.

SALMOS 78:56

Ajta aꞌɨ́ɨmaj mu jaatyéesej aꞌɨ́jcɨ ɨ Dios tajapuá tɨ jáꞌsejreꞌ aꞌɨ́jcɨ jɨmeꞌ maj quee jaatyátzaahuatyej majta quee aꞌyan huarɨ́j jeꞌej tɨ aꞌɨ́ɨn tyuꞌtaꞌíjtacaꞌ,

SALMOS 95:9

matɨꞌɨj naatáhuaviiriꞌ nyaj tyiꞌtɨ́j jɨn aꞌyan huárɨnyij aꞌɨ́ɨmaj ɨ jáꞌmuahuasimuaꞌcɨꞌɨj, tyij majta meríj tyíꞌsejracaꞌaj jeꞌej nyaj tyíꞌmuarɨeꞌcaꞌaj.

San Mateo 21:16

aꞌyaa mu tyaatéꞌexaa aꞌɨ́jcɨ ɨ Jesús tɨjɨn: —¿Nyi pahuáꞌnamuaj jeꞌej maj tyíꞌxaj mu tɨꞌríij? Jesús pu aꞌyan tyuꞌtanyúj tɨjɨn: —Jiꞌnye nyijta, nyahuaꞌnamuaj. Ajta, ¿nyi sequée joꞌjíjvej ɨ yuꞌxarij jitze jeꞌej tɨ tyéꞌyuꞌsiꞌ? Aꞌyaa pu tɨjɨn: Jeꞌej maj aꞌɨ́ɨmaj tyuꞌtáchuiicaj ɨ tɨꞌríij, majta ɨ unyáaqueꞌsee, aꞌɨ́j mu jɨn tyaatatyójtziꞌreꞌej ɨ Dios.

San Mateo 21:42

Aj puꞌij Jesús aꞌyan tyihuoꞌtéꞌexaaj tɨjɨn: —¿Nyi sequée aꞌnáj joꞌjíjvej ɨ yuꞌxarij jitze? Aꞌyaa pu tyáꞌxaj tɨjɨn: Aꞌɨ́jna ɨ tyetyéj ɨ maj ájcaꞌ yóorɨej ɨ maj chiꞌij taꞌhuacaa, aꞌyaa pu tyeꞌrájraa tɨ aꞌɨ́ɨn pueꞌéenyeꞌej jaꞌraa ɨ tɨ jéetzeꞌ juxɨeꞌveꞌ. Tavástaraꞌ pu aꞌyan jáaruuj, aꞌɨ́j tu jɨn tyámuaꞌ tyoꞌtaséj.

San Mateo 4:10

Aj puꞌij Jesús aꞌyan tyaatéꞌexaa tɨjɨn: —Áricuj jóꞌraꞌ, tyiyáaruꞌ paj puéꞌeen, jiꞌnye aꞌyaa pu tyéꞌyuꞌsiꞌ ɨ yuꞌxarij jitze tɨjɨn: “Siataꞌaj aꞌɨ́j sianaꞌaj huatyáanajchej ɨ tavástaraꞌ ɨ Dios, aꞌɨ́j xuꞌuj huatyáhuɨɨreꞌen.”

San Mateo 4:4

Ajta Jesús aꞌyaa pu tyuꞌtanyúj tɨjɨn: —Aꞌyaa pu tyéꞌyuꞌsiꞌ ɨ yuꞌxarij jitze tɨjɨn: “Capu aꞌɨ́ɨ naꞌaj juxɨeꞌveꞌ ɨ páan tɨꞌij júurij jáꞌraꞌnyij ɨ tyévij, sulu aꞌɨ́ɨ pu ajta juxɨeꞌveꞌ ɨ nyúucarij Dios tyenyij jitze tɨ éejnyinyii.”

San Lucas 4:12

Jesús pu aꞌyan tyaatéꞌexaa tɨjɨn: —Aꞌyaa pu ajta tyéꞌyuꞌsiꞌ ɨ yuꞌxarij jitze tɨjɨn: “Capáj tyiꞌtɨ́j jeꞌej tyéꞌihuoꞌraj a Dios tɨꞌij aꞌɨ́ɨn aꞌyan huárɨnyij jeꞌej paj muáaj tyáꞌxɨeꞌveꞌ.”

Hechos 15:10

Aꞌɨ́j pu jɨn, ¿jiꞌnye een jɨmeꞌ aꞌyan setyáꞌxaj ɨ Dios aꞌɨ́jcɨ jɨmeꞌ siaj tyihuáꞌijtyeꞌ aꞌɨ́ɨjma ɨ maj tyáꞌtzaahuatyeꞌ yiꞌráj jɨmeꞌ ɨ maj quee jaꞌviicueꞌracaꞌaj ɨ tahuásimuaꞌcɨꞌɨj, tyajta ityáj?

Hechos 5:9

Aj puꞌij ɨ Pedro aꞌyan tyaatéꞌexaa tɨjɨn: —¿Jiꞌnye siaj sij muaꞌaj aꞌyan tyaaxáꞌpuɨꞌɨntarej siaj sij jáacuanamuaj ɨ júuricamaꞌraꞌ ɨ Dios? Cásɨꞌ aꞌ maj váꞌjuꞌ, ɨ maj uyaꞌváꞌnaj aꞌcɨ́ɨn, aꞌɨ́ɨ mu majta muáꞌchueenyij muéetzij.

1 Corintios 10:9

Tyicheꞌ tyajta quee tyiꞌtɨ́j jaꞌihuoꞌraj ɨ tavástaraꞌ Cɨríistuꞌ, matɨꞌɨj séecan aꞌɨ́ɨmaj huarɨ́j, ɨ maj huáꞌcuii matɨꞌɨj cúꞌcuꞌsee huoꞌtyéecheꞌxɨj.

Hebreos 3:9

Aꞌáa mu tyiꞌtɨ́j jɨn natatyésej aꞌɨ́ɨmaj ɨ jáꞌmuahuasimuaꞌcɨꞌɨj, majta aꞌáa jáꞌtyeej huáꞌpuatyej nyinyiꞌraꞌaj metyiꞌséeraj jeꞌej nyaj tyiꞌtɨ́j jɨn rɨjcaj.