San Mateo 17:4 - El Nuevo Testamento y Salmos

⁴ Ajta ɨ Pedro, aꞌyaa pu tyaatéꞌexaa aꞌɨ́jcɨ ɨ Jesús tɨjɨn: —Tavástaraꞌ, tyámuaꞌ pu naa tyaj aꞌyaa huatyúꞌuucaj, tɨpuaꞌaj muaꞌránajchij tyaj huéeicacaa huátaahuaj ɨ ɨnáamuaj, sɨ́ɨj tɨ muéetzij muaꞌ ɨnáamuaj jaꞌmej ajta sɨ́ɨj aꞌɨ́jcɨ ɨ Moisés, ajta sɨ́ɨj ɨ Elías tɨ jaꞌɨnáamuaj jaꞌmej.

San Mateo 17:4 Iomraidhean Croise

SALMOS 16:11

Panaataséjratyeꞌsij ɨ juyéj tɨ jitzán séejreꞌ ɨ júuricamej. Jéehua pu tyámuaꞌviꞌraꞌaj séejreꞌ aꞌájna joꞌpaj muáaj jáꞌsejreꞌ, tyámuaꞌ pu jusén jɨmeꞌ tyíꞌeen muéetzij jimi.

SALMOS 4:6

Mueꞌtɨ́j mu aꞌyan tyíꞌxaj tɨjɨn: “¿Aꞌtanyíj taataséjratyeꞌsij ɨ tyaj jɨn huátatyamuaꞌveꞌen?” ¡Tavástaraꞌ, tyámuaꞌ paj naa tyiꞌtaxɨéꞌveꞌej pataaséj!

San Mateo 17:3

Majta jeꞌen aꞌɨ́j huaséj ɨ Moisés majta aꞌɨ́jcɨ ɨ Elías, aꞌɨ́ɨ mu jamuán tyíꞌxajtacaꞌaj ɨ Jesús.

San Lucas 9:33

Matɨꞌɨj meríj joꞌcɨ́ɨnyisimaꞌcaj aꞌɨ́ɨmaj ɨ maj Jesús jamuán tyíꞌxajtacaꞌaj, Pedro pu aꞌyan tyuꞌtaxájtacaꞌ tɨjɨn: —Maeestro, tyámuaꞌ pu naa tyaj aꞌyan huatyúꞌuucaj. Tyicheꞌ huéeicacaa tyúꞌtaahuaj ɨ ɨnáamuaj, sɨ́ɨj tɨ muéetzij muaꞌ aꞌrij jaꞌmej, ajta sɨ́ɨj Moisés tɨ jaꞌaꞌrij jaꞌmej, ajta sɨ́ɨj Elías tɨ jaꞌaꞌrij jaꞌmej. Ajta ɨ Pedro capu jeꞌej jáꞌmiteerastyaꞌcaꞌaj jeꞌej tɨ tyíꞌxajtacaꞌaj.

San Juan 17:24

’Nyavástaraꞌ, muáaj paj naatáviꞌtɨstej, aꞌyaa nu nyij tyáꞌxɨeꞌveꞌ maj nyaj jamuán séeriaꞌaj muáꞌraꞌnyij jóꞌnyaj joꞌtyaváaj naꞌmej, mataꞌaj mij jaaséej ɨ tɨ huápuɨꞌɨj naa huaséꞌrin ɨ paj jɨn tyámuaꞌ tyinaatáꞌ, jiꞌnye muáaj paj nyaxɨeꞌvaꞌcaꞌaj jájcuaj ɨmuáj tɨꞌɨj quee xu séeriaꞌcaj ɨ cháanacaj.

San Juan 7:2

Ajta arí tyíꞌvejriꞌtacaꞌaj aꞌájna matɨꞌɨj tyíꞌyeꞌestyahuaꞌaj aꞌɨ́jcɨ jɨmeꞌ ɨ ɨnáamuaj ɨ maj Israel jitze ajtyámaꞌcan,

Filipenses 1:23

Jéehua pu nyamuarɨeꞌristeꞌ nyej nyij jamuaꞌreej tyiꞌtɨ́j tɨ jéetzeꞌ naꞌráanajchij, aꞌyaa nu tyáꞌxɨeꞌveꞌ nyaj huámuɨꞌnyij nyej nyij jamuán jóꞌraꞌnyij ɨ Cɨríistuꞌ, jiꞌnye aꞌyaa pu jéetzeꞌ tyámuaꞌ naa tyeꞌmej nyej jimi,

1 Juan 3:2

Nyeꞌihuáamuaꞌ mu nyaj jáꞌmuaxɨeꞌveꞌ, tuꞌríj yójmuaꞌmuaꞌ puéꞌeen ɨ Dios. Tyij ajta quee eexúj jeꞌej ámiteereꞌ jeꞌej tyaj éenyeꞌej táꞌjuꞌun, aꞌyaa tu tyáꞌmuaꞌreej tyaj aꞌyan chaꞌtaj tyanaꞌaj éenyeꞌej táꞌjuꞌun tɨꞌɨj ɨ Cɨríistuꞌ tɨꞌɨj aꞌɨ́ɨn huataséjreꞌen, jiꞌnye aꞌáa tu jaséjran jeꞌej tɨ aꞌɨ́ɨn een.

El Apocalipsis 21:23

Ajta aꞌɨ́jna jitze ɨ chájtaꞌnaj, capu juxɨeꞌveꞌ tɨ ɨ xɨcáj huáꞌtatzaviꞌtyaꞌaj nusu ɨ máxcɨrɨeꞌ, jiꞌnye aꞌɨ́ɨ pu jɨn ɨ Dios huányeeriꞌij, ajta aꞌɨ́jna ɨ cányaꞌaj, aꞌɨ́ɨ pu aꞌɨ́ɨn puéꞌeen ɨ tatzárij.