San Lucas 22:48 - El Nuevo Testamento y Salmos

⁴⁸ Ajta ɨ Jesús aꞌyaa pu tyaataꞌíhuoꞌriꞌ tɨjɨn: —Judas, ¿nyij aꞌɨ́j jɨn penɨiꞌtyápuɨꞌtzeꞌsij pej pij nyéetzij tyuꞌtátuireꞌen, ɨ nyaj nyajta tyévij jitze huanɨeꞌhuacaꞌ?

San Lucas 22:48 Iomraidhean Croise

SALMOS 55:21

Majta huápuɨꞌɨj naa huatoocuaꞌnyéej metyíꞌxaj, ajta ɨ huaꞌmuaꞌtziiraꞌaj pu tzajtaꞌ séejreꞌ ɨ maj jɨn nyoꞌseꞌ. Ajta ɨ huáꞌnyuucaa jéetzeꞌ pu cuaꞌtyij quee ɨ aséityij, ajta capu aꞌyan een sulu chúun pu puéꞌeen tɨ huápuɨꞌɨj tyíꞌɨtzɨj.

San Lucas 22:47

Óocheꞌ pu tyiꞌxáatacaj ɨ Jesús, matɨꞌɨj jéehua ɨ tyeɨ́tyee ajeꞌréꞌnyej, ajta aꞌɨ́jna ɨ tɨ aꞌyan ántyapuaj tɨjɨn Judas, ɨ tɨ ajta huaꞌ jitze ajtyámaꞌcan ɨ maj tamuáamuataꞌ japuan huaꞌpuaj aráꞌasej, aꞌɨ́ɨ pu anaquéej huamaꞌcaꞌaj, aj puꞌij ajtyáxɨɨriacaꞌ tɨꞌij jiꞌtyáapuɨꞌtzej aꞌɨ́jcɨ ɨ Jesús.

San Lucas 22:49

Majta aꞌɨ́ɨmaj ɨ maj Jesús jamuán huacɨ́j, matɨꞌɨj jaaséej jeꞌej tɨ tyiꞌtɨ́j rɨjcaj, aj mu mij aꞌyan tyaatéꞌexaa tɨjɨn: —Tavástaraꞌ, ¿nyi tyahuoꞌtanyóꞌsiꞌtyeꞌen aꞌíjcɨ jɨmeꞌ ɨ tyíꞌtachuun?