San Lucas 12:31 - El Nuevo Testamento y Salmos

³¹ Jéetzeꞌ xu jáahuoonyij ɨ Dios tɨ jɨn tyíꞌijta, aj xu sij néijmiꞌi tyaꞌancuriáaꞌsij ɨ tɨ tyajamuáꞌɨtziityeꞌ.

San Lucas 12:31 Iomraidhean Croise

SALMOS 34:9

Siataꞌaj jaatyátzaahuatyeꞌen ɨ Tavástaraꞌ, néijmiꞌi ɨ maj jimi tyámuaꞌ een, jiꞌnye capu tyiꞌtɨ́j huoꞌtyaꞌɨtziityeꞌej aꞌɨ́ɨjma ɨ maj tzáahuatyiꞌraꞌaj jimi tyíchaꞌɨj.

SALMOS 37:19

Tɨꞌɨj jeꞌej puaꞌaj tyíꞌrɨjcaa, tɨꞌɨjta huatújriꞌhuaj, camu tyéviꞌsiꞌ séeriaꞌaj muáꞌjuꞌun, jiꞌnye jéehua mu tyiꞌijchaꞌɨ́ɨj muáꞌjuꞌun ɨ maj tyúꞌcuaꞌnyij.

SALMOS 37:25

Nyáaj nu huátyamueestariacaꞌ, nyajta nyeríj vastacɨrɨeꞌ, ajta canu aꞌnáj jaaséj aꞌɨ́jcɨ ɨ tyáataj tɨ tyámuaꞌ tyiꞌtyúuchaꞌɨj tɨ tyiꞌtɨ́j jɨn japuéjtzitarej canu nyajta aꞌnáj huoꞌséj ɨ yójmuaꞌmuaꞌ maj tyiꞌtɨ́j huóotɨveenyij.

SALMOS 37:3

Tavástaraꞌ paj jitze tyúꞌcaꞌnyej pajta tyámuaꞌ tyiꞌtyíaꞌchaꞌɨj, aꞌyan paj chajca ɨ cháanacaj japua pequee tyiꞌtɨ́j jɨn aꞌɨtzéeriaꞌaj.

SALMOS 84:11

Jiꞌnye aꞌɨ́jna ɨ Dios ɨ tɨ Tavástaraꞌ puéꞌeen aꞌɨ́ɨ pu tatatzaviꞌtyeꞌ ajta tyámuaꞌ tyíꞌtaꞌchaꞌɨj, Tavástaraꞌ pu huaꞌxɨeꞌveꞌ ajta huoꞌtyátzaahuatyeꞌsij aꞌɨ́ɨjma ɨ maj quee tyiꞌtɨ́j jɨn áꞌɨtzeereꞌ, ajta néijmiꞌi tyihuoꞌtáꞌsij ɨ tɨ tyámuaꞌ tyíꞌeen.

San Mateo 6:33

Aꞌyaa puꞌij siataꞌaj ɨ Dios jimi tyiꞌhuóomuaꞌtziityeꞌen, siajta aꞌɨ́jcɨ jitze ɨ tajapuá tɨ tyejéꞌsejreꞌ, ajta siaj aꞌyan huárɨnyij jeꞌej tɨ tyíꞌxaꞌpuɨꞌɨn ɨ Dios jimi, aj xu sij néijmiꞌi tyaꞌancuriáaꞌsij ɨ tɨ tyajamuáꞌɨtziityeꞌ.

San Lucas 10:42

ajta sɨ́ɨj puꞌuj juxɨeꞌveꞌ paj aꞌyan huárɨnyij. Maríia pu aꞌɨ́j avaꞌhuoj ɨ tɨ jéetzeꞌ jɨ́ꞌreꞌen, capu ij aꞌtɨ́j jáaꞌriꞌraj.

San Lucas 12:30

Jiꞌnye néijmiꞌi matɨꞌɨj manaꞌaj puaꞌmáj yan huacháatɨmee ɨ cháanacaj japua, aꞌyaa mu aꞌɨ́jcɨ jɨn tyíꞌmuaꞌtzej, siajta muaꞌaj xu tyivástaraꞌ tajapuá tɨ jáꞌsejreꞌ, aꞌɨ́ɨ pu arí jamuaꞌreej tyiꞌtɨ́j tɨ jamuáꞌɨtziityeꞌ.

San Juan 6:27

Caxu aꞌɨ́jna jɨn tyíꞌmuarɨeꞌej siaj sij jaamuéꞌtɨn ɨ cueꞌráj tɨ joꞌhuɨꞌtzɨj, sulu aꞌɨ́jcɨ jɨmeꞌ ɨ cueꞌráj tɨ jusén jɨn tyíꞌhuɨɨreꞌ ɨ siaj jɨn júurij xáꞌjuꞌun jusén jɨmeꞌ. Aꞌɨ́ɨ pu aꞌɨ́ɨn puéꞌeen ɨ cueꞌráj ɨ tɨ jamuaatáꞌsij aꞌɨ́jna ɨ Dios yójraꞌ, jiꞌnye aꞌɨ́jna ɨ Dios, ɨ tɨ tavástaraꞌ puéꞌeen, aꞌɨ́ɨ pu néijmiꞌi jitzán tyuꞌtyájtoo ɨ juyój.

Romanos 8:31

¿Jiꞌnye tyajtáhuaꞌaj tyuꞌtaxájtaj? Tɨpuaꞌaj ɨ Dios tajapuá nyuucaaj, capu ɨꞌríj tɨ aꞌtɨ́j taꞌantyipuáꞌrityeꞌen ityájma.

1 Timoteo 4:8

tyij ajta cɨ́ɨ tyíꞌhuɨɨreꞌ tɨpuaꞌaj pahuáꞌcuaꞌajtyeꞌen pej pij huatyáꞌcaꞌnyej ɨ muaꞌ tyévij jitze, ajta paj aꞌyan huárɨnyij jeꞌej tɨ tyáꞌxɨeꞌveꞌ ɨ Dios jéehua pu tyíꞌhuɨɨreꞌ, ijíij paj pooj aꞌyan séejreꞌ ɨ cháanacaj japua, ajta muaatyáhuɨɨreꞌej pej pij júurij puáꞌraꞌnyij jusén jɨmeꞌ.

Hebreos 13:5

Caxu huápuɨꞌɨj jaxɨeꞌvaꞌaj ɨ túmii, siataꞌaj aꞌɨ́jna jɨn huatóotyamuaꞌveꞌen ɨ siaj caa tyíꞌijchaꞌɨj, jiꞌnye Dios pu aꞌyan tyuꞌtaxájtacaꞌ tɨjɨn: “Canu aꞌnáj muaatátoosij, canu nyajta aꞌnáj mamuurɨésij.”