San Juan 6:9 - El Nuevo Testamento y Salmos

⁹ —Yaa pu páꞌrɨꞌɨj huatyéjve, anxɨ́vicaa pu ɨ páan tyíꞌchaꞌɨj, ajta huaꞌpuácaa ɨ hueꞌtyée, ajta capu cɨꞌpej mej mij néijmiꞌi tyúꞌcuaꞌnyij ɨ tyeɨ́tyee.

San Juan 6:9 Iomraidhean Croise

SALMOS 147:14

Aꞌɨ́ɨ pu tyuꞌtáꞌsij paj axáahuaj séjriaꞌaj aꞌ chuéj japua ajta aꞌɨ́j muaatáꞌsij ɨ tyeríicuj tɨ jéetzeꞌ jɨ́ꞌreꞌen.

SALMOS 78:19

Jitzán mu rányuucaꞌaj, aꞌyan metyiꞌxáataj tɨjɨn: “¿Nyi ɨ Dios mujoꞌvaꞌmaꞌaj jaꞌmej tɨꞌij méesaj japua tyitáacueꞌtyej aꞌyájna joꞌtɨj quee jáꞌtyiꞌtɨj?

SALMOS 78:41

Majta móocheꞌ mu jaxɨeꞌvaꞌcaꞌaj maj tyiꞌtɨ́j jɨn jaatyéesej; aꞌɨ́ɨ mu jaxaamuɨjrityaꞌcaꞌaj aꞌɨ́jna ɨ tɨ jɨꞌréenyeꞌej séejreꞌ aꞌájna a Israel.

SALMOS 81:16

¡Dios pu ɨ tyeríicuj tɨ jéetzeꞌ jɨ́ꞌreꞌen huaꞌcueꞌtyej ɨ jutyéɨtyeristyamuaꞌ, ajta sarátyee huáiꞌtyeꞌen ɨtzitáj maj huáxoo!”

San Mateo 14:17

Aj mu mij aꞌyan tyityaatanyúj tɨjɨn: —Aꞌyaa tuꞌuj puaꞌmácan tyíchaꞌɨj anxɨ́vicaa ɨ páan, tyajta huaꞌpuácaa ɨ hueꞌtyée.

San Mateo 16:9

¿Nyi sequée xu yóꞌitej, nyi seríj siajta yoꞌhuáꞌxɨj aꞌchu tɨpuaꞌaj sicɨɨ eerájraa ɨ páan tɨ aváꞌɨtzee nyatɨꞌɨj huoꞌráaɨꞌpuꞌuj ɨ tyeɨ́tyee ɨ maj anxɨ́ víꞌraꞌaj aráꞌaxcaa aꞌɨ́jna jɨmeꞌ ɨ tɨ anxɨ́vicaꞌaj ɨ páan?

San Marcos 6:38

Jesús pu aꞌyan tyihuoꞌtéꞌexaaj tɨjɨn: —Séricuj xáahuo. ¿Aꞌchunyéj puaꞌmácan muaꞌaj séjchaꞌɨj ɨ páan? Matɨꞌɨj jáamuaꞌreeriꞌ, aꞌyaa mu mij tyaatéꞌexaa tɨjɨn: —Anxɨ́vij ɨ páan majta huaꞌpuaj ɨ hueꞌtyée.

San Marcos 8:19

Nyatɨꞌɨj huoꞌrɨ́ɨpuꞌuj ɨ páan tɨ anxɨ́vicaꞌaj aꞌɨ́ɨjma ɨ tyeɨ́tyee ɨ maj anxɨ́ víꞌraꞌaj aráꞌaxcaa, ¿aꞌchunyéj puaꞌan sicɨɨ setyaꞌváꞌjɨstej aꞌɨ́jcɨ jɨmeꞌ ɨ páan tɨ aváꞌɨtzee? Aj mu mij aꞌyan tyaatéꞌexaa tɨjɨn: —Tamuáamuataꞌ japuan huaꞌpuaj sicɨɨ.

San Lucas 9:13

Jesús pu aꞌyan tyihuoꞌtéꞌexaaj tɨjɨn: —Siataꞌaj muaꞌaj tyihuóꞌcueꞌtyej. Matɨꞌɨj mij aꞌyan tyaatéꞌexaa tɨjɨn: —Aꞌíj tuꞌuj tyíꞌchaꞌɨɨj anxɨ́vicaa ɨ páan, tyajta huaꞌpuácaa ɨ hueꞌtyée, naꞌríij utyóꞌjuꞌun tyej tyij utyojoꞌváꞌnanan cueꞌráj mej mij néijmiꞌi tyúꞌcuaꞌnyij ɨ tyeɨ́tyee.

San Juan 11:21

Marta puꞌij aꞌyan tyaatéꞌexaa ɨ Jesús tɨjɨn: —Nyavástaraꞌ, tɨpuaꞌaj yapuáacatyiicheꞌ, capu muɨꞌnyíicheꞌ ɨ nyeꞌihuáaraꞌ.

San Juan 11:32

Tɨꞌɨj Maríia aꞌáa jaꞌráꞌaj joꞌtɨj joꞌtyávaacaꞌaj ɨ Jesús, aj puꞌij tyítunutacaꞌ jimi joꞌtɨj jaꞌraꞌɨ́ɨcajmee, aꞌyan tyeꞌixáatyeꞌej tɨjɨn: —Nyavástaraꞌ, tɨpuaꞌaj yapuaatyávaacajcheꞌ, capu muɨꞌnyíicheꞌ ɨ nyeꞌihuáaraꞌ.

San Juan 21:10

Jesús puꞌij aꞌyan tyihuoꞌtéꞌexaaj tɨjɨn: —Siataꞌaj jeꞌcácaa majaꞌváɨꞌɨn ɨ hueꞌtyée ɨ siaj sioochán hueꞌtajájpuaj.

San Juan 21:13

Aj puꞌij Jesús huaꞌ jimi ajtyáxɨɨriacaꞌ, tɨꞌquij jatyɨ́ꞌpuj ɨ páan, ajta jeꞌen huoꞌrɨ́ɨpuꞌuj, ajta aꞌyan chaꞌtaj naꞌaj huarɨ́j aꞌɨ́jcɨ jɨmeꞌ ɨ hueꞌtyée.

San Juan 21:9

Matɨꞌɨj aꞌáa jaꞌráꞌaj joꞌtɨj joꞌhuáchij, aj mu mij jaaséj tɨ áꞌtaacaꞌaj, majta hueꞌtyée aꞌáan jaꞌnájeꞌtyii ɨ tɨꞌɨxcuáa japua, ajta páan ajaꞌajmuaanyicaꞌaj.

San Juan 6:11

Aj puꞌij Jesús jaꞌancuráɨꞌpuj ɨ páan, ajta jeꞌen tɨꞌɨj tyaatatyóotziꞌriaꞌaj ɨ Dios, aj puꞌij huoꞌráaɨꞌpuꞌuj ɨ maj ajoꞌquéetɨmaꞌcaa. Aꞌyaa pu chaꞌtánaꞌaj huóꞌruuj ɨ hueꞌtyée, aꞌɨ́ɨjma pu ajta huoꞌrɨ́ɨꞌɨj.

San Juan 6:7

Felipe puꞌij aꞌyan tyuꞌtanyúj tɨjɨn: —Tɨ puaꞌaj aꞌyan tyetyíꞌtooveꞌej aꞌchu huaꞌpuaj anxɨtyej ɨ túmii, capu naꞌaj cɨꞌpej tyej tyij páan huánanan tyajta jeꞌen néijmiꞌcaa tyúꞌcueꞌtyej.

2 Corintios 8:9

Jiꞌnye xuꞌríj muaꞌaj jamuaꞌreej tɨ ɨ tavástaraꞌ Jesús, ɨ tɨ ajta Cɨríistuꞌ puéꞌeen, aꞌɨ́ɨ pu néijmiꞌi tyíꞌijchaꞌɨj aꞌyan tyuꞌtóosejratacaꞌ tɨꞌɨj sɨ́ɨj tɨquee jeꞌej tyéejviicueꞌ, tɨꞌij jaꞌmua japua huatányuunyij, siaj sij muaꞌaj aꞌɨ́jna jɨn aꞌɨ́ɨn pueꞌéenyeꞌej xáꞌraꞌnyij ɨ maj tyaꞌancuriáaꞌsij ɨ Cɨríistuꞌ jimi.

El Apocalipsis 6:6

Nyatɨꞌɨj nyij aꞌtɨ́j huánamuajriꞌ tɨ huaꞌ tzajtaꞌ a tyojoꞌtaxájtacaꞌ aꞌɨ́ɨmaj jimi maj muáacuaj ɨ maj júurij, aꞌyan tɨjɨn: —Séej mediidaj ɨ tyeríicuj, aꞌyaa pu tyáꞌnajchij tɨꞌɨj aꞌtɨ́j tyáꞌmueꞌtɨj séej xɨcáj, ajta huéeicaj mediidaj ɨ tyeríicuj tɨ tɨtɨꞌɨjmeꞌ ijmuéeyaꞌajmee, aꞌyaa pu chaꞌtánaꞌaj tyáꞌnajchij tɨꞌɨj aꞌtɨ́j tyáꞌmueꞌtɨj séej xɨcáj, ajta capáj yóꞌjɨpuan ɨ aséityij, nusu ɨ nahuáj.