San Juan 19:6 - El Nuevo Testamento y Salmos

⁶ Matɨꞌɨj aꞌɨ́ɨmaj jaaséj ɨ maj tyihuáꞌijtyeꞌ ɨ puaaríij majta ɨ maj tyíꞌchaꞌɨj u tyeyúuj tzajtaꞌ, aꞌyaa mu tyityeetyejíihuajraa tɨjɨn: —Óotateexɨꞌ ɨ cúruuj jitze, óotateexɨꞌ. Piláato pu aꞌyan tyihuoꞌtéꞌexaaj tɨjɨn: —Siataꞌaj jáꞌanviꞌtɨj siajta muaꞌaj jóꞌtatan, jiꞌnye canu nyáaj tyiꞌtɨ́j tyítyoovej ɨ nyaj jitzán tyoꞌojpuáꞌrityeꞌen.

San Juan 19:6 Iomraidhean Croise

San Mateo 26:58

Ajta aꞌɨ́jna ɨ Pedro aꞌtzúj pu ɨmuáj jaavájrasimaꞌaj aꞌɨ́jcɨ ɨ Jesús, aꞌáa puꞌij jaꞌráꞌaj joꞌtɨj jaꞌrájtaꞌcuaj joꞌtɨj jaꞌchej aꞌɨ́jna ɨ tɨ néijmiꞌi jɨn antyúumuaꞌreej ɨ tyeyúuj tzajtaꞌ. Aꞌúu pu joꞌtyájrupij, tɨꞌquij huaꞌ jamuán ooyíxɨj aꞌɨ́ɨjma ɨ maj tyíꞌchaꞌɨj, tɨꞌij jáamuaꞌreej jeꞌej tɨ atyojoomaꞌaj taꞌmej.

San Mateo 27:22

Piláato pu aꞌyan tyihuoꞌtaꞌíhuoꞌriꞌ tɨjɨn: —¿Arí mu Jesús jiꞌnye nyáaꞌuurej, mu maj aꞌyan jatamuáꞌmuaj tɨjɨn Cɨríistuꞌ? Néijmiꞌi mu aꞌyan tyityaatanyúj tɨjɨn: —Pataꞌaj jóꞌtatan ɨ cúruuj jitze.

San Mateo 27:24

Piláato pu jamuaꞌreeriacaꞌaj tɨquee jeꞌej tyíɨꞌriitacaꞌaj jeꞌej tɨ huárɨnyij huaꞌ jimi, sulu muꞌríj tɨn tyúucuiꞌsimeꞌej chaꞌmanaꞌaj, aꞌɨ́j pu jɨn anóomuejtye jájtyij jɨmeꞌ meeséeracaj ɨ tyeɨ́tyee, ajta aꞌyan tyihuaꞌixáatyeꞌej tɨjɨn: —Canu nyáaj aꞌɨ́ɨn puéꞌeen ɨ tɨ jajeꞌcatan aꞌmújcɨj mu tyáataj, sulu muaꞌaj xu aꞌɨ́ɨn puéꞌeen.

San Lucas 23:4

Tɨꞌquij Piláato aꞌyan tyihuoꞌtéꞌexaaj aꞌɨ́ɨjma ɨ maj tyíꞌijta ɨ tyeyúuj tzajtaꞌ, ajta aꞌɨ́ɨjma ɨ maj aꞌáa ajtyáxɨɨriacaꞌ tɨjɨn: —Capu jeꞌej náꞌmiteerasteꞌ tyiꞌtɨ́j tɨ jɨn ootyáꞌɨtzee ɨ nyaj jɨn joꞌxɨ́jtyeꞌen.

San Juan 18:3

Aꞌáa puꞌij ɨ Judas jaꞌráꞌaj majta jamuán ɨ xantáaruꞌuj majta séecan ɨ maj tyeyúuj tzajtaꞌ tyíꞌchaꞌɨj, aꞌɨ́ɨmaj mu uhuojoꞌtaꞌítyacaꞌ ɨ maj tyihuáꞌijtyeꞌ ɨ puaaríij majta ɨ fariseos. Néijmiꞌi mu huatátzaveꞌsimaꞌaj majta tyámuaꞌ éenyeꞌej mej mij huatyényoꞌseꞌen.

San Juan 18:31

Piláato pu aꞌyan tyihuoꞌtéꞌexaaj tɨjɨn: —Siataꞌaj muaꞌaj jáꞌanviꞌtɨj, siajta joꞌxɨ́jtyeꞌen aꞌyájna tɨꞌɨj tyajáꞌmuaꞌijtyeꞌ ɨ jaꞌmuayeꞌraj. Majta ɨ maj tyíꞌijta aꞌɨ́ɨjma jimi ɨ maj Israel jitze ajtyámaꞌcan, aꞌyaa mu tyityaatanyúj tɨjɨn: —Capu ityájma ɨ tyaj Israel jitze ajtyámaꞌcan tatáꞌcaa tyaj aꞌtɨ́j huajéꞌcaj.

San Juan 18:38

Piláato pu aꞌyan tyaatéꞌexaa tɨjɨn: —¿Tyiꞌtanyí puéꞌeen aꞌɨ́jna ɨ tɨ aꞌyan tyiꞌjaꞌyájna? Tɨꞌɨj aꞌyan tyuꞌtaꞌíhuoꞌoj. Piláato pu ajtáhuaꞌaj iirájraa tɨꞌij huaꞌ jamuán tyuꞌtaxáj ɨ maj Israel jitze ajtyámaꞌcan, aꞌyaa pu tyihuoꞌtéꞌexaaj tɨjɨn: —Canu tyiꞌtɨ́j tyítyoovej ɨ nyaj jɨn jitzán tyoꞌojpuáꞌrityeꞌen.

San Juan 19:15

Majta aꞌɨ́ɨmaj aꞌyaa mu tyityeetyejíihuajraa tɨjɨn: —Mejeꞌrájviꞌtɨj. Iirájviꞌtɨj, pajta jóꞌtatan ɨ cúruuj jitze. Piláato pu aꞌyan tyihuoꞌtaꞌíhuoꞌriꞌ tɨjɨn: —¿Nyi aꞌyan tyíꞌxaꞌpuɨꞌ nyaj jóꞌtatan aꞌɨ́jcɨ ɨ tɨ tyajáꞌmuaꞌijtyeꞌ? Majta aꞌɨ́ɨmaj ɨ maj puaaríij tyíꞌijtyeꞌ aꞌyaa mu tyaatéꞌexaa tɨjɨn: —Capu aꞌtɨ́j ityájma ajtáhuaꞌaj tyíꞌtaꞌijtyeꞌ, sulu aꞌɨ́ɨ puꞌuj ɨ tajtúhuan tɨ jɨn tyiꞌtyéjvee.

San Juan 19:4

Aj puꞌij ɨ Piláato ajtáhuaꞌaj iirájraa, ajta aꞌyan tyihuoꞌtéꞌexaaj tɨjɨn: —Cásɨꞌ, yanuj javeꞌviꞌtɨj, siataꞌaj sij jáamuaꞌreej nyaj quee tyiꞌtɨ́j tyítyoovej ɨ nyaj jɨn jitzán tyoꞌojpuáꞌrityeꞌen.

Hechos 2:23

Aꞌɨ́jna ɨ tyáatɨꞌ ɨ tɨ ajta tyévij jitze huanɨeꞌhuacaꞌ, aꞌɨ́j pu ɨ Dios jamuaatátuii, jiꞌnye aꞌyaa pu jaatamuaꞌaj, muaꞌaj xu sij yóꞌtatee ɨ cúruuj jitze, majta séecan jaꞌmua jamuán ɨ maj jeꞌej puaꞌaj tyíꞌtyetyeɨtyee.

Hechos 7:52

¿Aꞌtanyíj mequee jeꞌej huáruuj ɨ jáꞌmuahuasimuaꞌcɨꞌɨj ɨ maj jaxajtacaꞌaj ɨ Dios tɨ jitze eerámaꞌcan? Aꞌɨ́ɨ mu huoꞌcuij aꞌɨ́ɨjma ɨ maj anaquéej jaataxájtacaꞌ tɨ yavaꞌcányesij ɨ tɨ jɨꞌréenyeꞌej séejreꞌ ɨ Dios jimi. Ajta tɨꞌɨj yatanyéj aꞌɨ́jna ɨ tɨquee tyiꞌtɨ́j jɨn áꞌɨtzeereꞌ ɨ Dios jimi, muaꞌaj xu jáacuanamuaj, siajta jaajéꞌcaj.