San Juan 12:27 - El Nuevo Testamento y Salmos

²⁷ ’Jéehua pu jeꞌej puaꞌaj nyaꞌasej yu nyatzájtaꞌ. ¿Ajta jiꞌnye nyij tyuꞌtaxájtaj? ¿Nyiquij aꞌyan nyetyuꞌtaxájta yee: “Nyavástaraꞌ, capáj tyiꞌtáꞌcareꞌen tɨꞌij aꞌyan tyináacɨꞌtyij jeꞌej tɨ arí atyojoꞌréꞌnyesij”? Canu aꞌyan tyuꞌtaxájtaj, jiꞌnye aꞌɨ́j nu jɨn mujoꞌvéꞌmej tɨꞌij nye jimi aꞌyan tyáꞌraꞌnyij.

San Juan 12:27 Iomraidhean Croise

SALMOS 6:3

¡Nyetyényeviveesij aꞌɨ́jcɨ jɨmeꞌ ɨ nyaj tyíꞌtzɨɨnyeꞌ! Pajta muáaj, Tavástaraꞌ, ¿aꞌnajnyí puꞌvéꞌnyesij?

SALMOS 88:3

Jéehua pu ɨ tɨ jeꞌej puaꞌaj een nye jitze tɨ arí huatyáꞌɨtzee, aꞌɨ́j nu jɨn nyeríj tɨn huatámuɨꞌsij,

San Mateo 11:25

Aꞌájna xɨcáaraꞌ jitze Jesús pu aꞌyan tyuꞌtaxájtacaꞌ tɨjɨn: —Muáaj mu paj nyavástaraꞌ, ɨ paj tyíꞌijta u tajapuá, pajta íiyan ɨ cháanacaj japua, muéetzij nu tyíꞌmuatyojtziꞌreꞌ, jiꞌnye muáaj paj huoꞌtaꞌ mej mij yoꞌitéej muáꞌraꞌnyij jeꞌej tɨ een a jimi, aꞌɨ́ɨmaj ɨ maj quee óotzaahuatyeꞌ, pajta quee huoꞌtaꞌ maj yoꞌitéej muáꞌraꞌnyij aꞌɨ́ɨmaj ɨ maj támuaꞌrej, majta ɨ maj jéehua tyojóꞌitej.

San Mateo 11:26

Aꞌyaa pu tyiꞌjaꞌyájna nyavástaraꞌ, aꞌyaa pu muéetzij tyimuaꞌránajchacaꞌ.

San Mateo 26:42

Tɨꞌɨj táhuaꞌaj ij huariáꞌraa, ajta aꞌyan tyuꞌtyéenyuj tɨjɨn: —Dios paj nyavástaraꞌ, tɨpuaꞌaj quee jeꞌej tyíɨꞌriitan tɨꞌij quee aꞌyan tyináacɨꞌtyij ɨ nyaj jɨn jajpuéetzij naꞌmej, cheꞌ aꞌyan eenyeꞌen patɨꞌɨj muáaj tyáꞌxɨeꞌveꞌ.

San Mateo 26:45

Aj puꞌij ajeꞌréꞌnyej joꞌmaj jaꞌajtyáꞌcaꞌaj ɨ maj jamuán huacɨ́j, aꞌyaa puꞌij tyihuoꞌtéꞌexaaj tɨjɨn: —¿Nyi aꞌyaa sianaꞌaj siooj jiꞌtyáꞌcuꞌtzij siajta naa tyityúusoꞌpeꞌ? Puꞌríj tyaꞌráꞌaj aꞌtzáaj tɨ huatátuiiriꞌhuaj aꞌɨ́jna ɨ tɨ ajta tyévij jitze huanɨeꞌhuacaꞌ aꞌɨ́ɨjma jimi ɨ maj jeꞌej puaꞌaj tyíꞌtyetyeɨtyee.

San Lucas 22:44

Ajta ɨ Jesús, jéehua pu tyíꞌmuaꞌajcaa, aꞌɨ́j pu jɨn jéetzeꞌ huatyéenyuj, jéehua pu cámuɨꞌyacaꞌaj ɨ tɨéexɨꞌmuarij, aꞌyaa pu huaséꞌrihuaꞌaj tɨꞌɨj xúureꞌej tɨ ajaꞌrátzunyaa a chóotaꞌ.

San Lucas 22:53

Aꞌnáj tɨnaꞌaj nu aꞌúu joꞌtyaváaj náꞌyiꞌcaaj u tyeyúuj tzajtaꞌ jaꞌmua jimi nyetyajaꞌmuamuatyáaj. Siajta muaꞌaj, caxu aꞌnáj naatyéeviꞌ, ijíij xu xaa aꞌyan rɨnyij, jiꞌnye aꞌɨ́ɨ pu jaꞌmua jitze ucájrupij aꞌɨ́jna ɨ tɨ tyíꞌijta tɨ́caꞌrij tzajtaꞌ.

San Juan 11:41

Matɨꞌɨj mij jaꞌantaꞌɨ́j ɨ tyetyéj, ajta ɨ Jesús jútyeꞌ pu jóꞌnyeeriacaꞌ, tɨꞌquij aꞌyan tyuꞌtaxájtacaꞌ tɨjɨn: —Dios paj nyavástaraꞌ, jéehua nu tyíꞌmuatyojtziꞌreꞌ, jiꞌnye muáaj paj náanamuajriꞌ.

San Juan 12:23

Aj puꞌij ɨ Jesús aꞌyan tyuꞌtaxájtacaꞌ tɨjɨn: —Puꞌríj aꞌájna atyojoꞌréꞌnyej tɨꞌɨj ɨ yójraꞌ ɨ Dios néijmiꞌi jɨn antyúumuaꞌreeriaj jaꞌmej.

San Juan 13:21

Tɨꞌɨj aꞌyan tyihuoꞌteꞌexáatyeꞌej, jéehua pu jeꞌej puaꞌaj jaataꞌaj ɨ Jesús, aj puꞌij jaꞌhuooꞌitéerican jɨn aꞌyan tyuꞌtaxájtacaꞌ tɨjɨn: —Aꞌyaa nu tzáahuatyiꞌraꞌaj jɨn tyajáꞌmuaꞌixaatyeꞌ, sɨ́ɨj tɨ jaꞌmua jitze ajtyámaꞌcan pu nyéetzij tyuꞌtátuiireꞌsij.

San Juan 18:37

Aj puꞌij ɨ Piláato aꞌyan tyaataꞌíhuoꞌriꞌ tɨjɨn: —¿Nyi muáaj aꞌɨ́ɨn papuéꞌeen ɨ paj tyihuáꞌijtyeꞌ? Jesús pu aꞌyan tyaatéꞌexaa tɨjɨn: —Muáaj paj jaataxájtacaꞌ, nyáaj nu Rey puéꞌeen. Nyáaj nu huanɨeꞌhuacaꞌ nyajta yan uvéꞌnyej ɨ cháanacaj japua, nyej nyij aꞌɨ́jna huoꞌtéꞌexaatyeꞌen ɨ tɨ aꞌyan tyiꞌjaꞌyájna. Majta néijmiꞌi ɨ maj aꞌɨ́j jitze ajtyámaꞌcan ɨ tɨ aꞌyan tyiꞌjaꞌyájna, aꞌɨ́ɨ mu nyanamuaj.

1 Timoteo 1:15

Aꞌyaa pu tyiꞌjaꞌyájna, aꞌyaa puꞌij tyúuxɨeꞌveꞌ maj néijmiꞌi tyáꞌantzaahuatyeꞌen tɨ ɨ Cɨríistuꞌ aꞌɨ́jna jɨn yatanyéj íiyan ɨ cháanacaj japua tɨꞌij huiꞌrátoonyij aꞌɨ́ɨjma ɨ maj jeꞌej puaꞌaj tyityetyúuchaꞌɨɨj, nyáaj nu sɨ́ɨj aꞌɨ́ɨn puéꞌeen ɨ nyaj jeꞌej puaꞌaj tyiꞌtyínyechaꞌɨɨcaꞌaj.

Hebreos 2:14

Aꞌyájna matɨꞌɨj aꞌɨ́ɨmaj ɨ yójmuaꞌmuaꞌ ɨ maj seequéj ajaꞌchej, juxaꞌaj manaꞌaj eenyeꞌ tyáhueꞌraꞌ, majta juxaꞌaj eenyeꞌ tyáaxureꞌ, aꞌyaa pu ajta ɨ Jesús huóoruuj tɨꞌij aꞌyan chaꞌtánaꞌaj eenyeꞌ tyáhueꞌraꞌ, ajta aꞌyan eenyeꞌ tyáxuureꞌej, taꞌaj ij jaꞌantyipuáꞌrityeꞌen aꞌɨ́jcɨ ɨ tɨ aꞌɨ́jna jɨn antyúumuaꞌreeriacaꞌaj tɨ huóꞌcuiꞌnyij tɨ tyeɨ́tyee, aꞌɨ́ɨ pu aꞌɨ́ɨn puéꞌeen ɨ tyiyáaruꞌ.

Hebreos 5:7

Tɨꞌɨj ooj ɨ Cɨríistuꞌ aꞌyan séjriaꞌcaꞌaj ɨ cháanacaj japua, aꞌyaa pu jéehua tyuꞌtyéenyuj ajta huóoyiinyacaꞌ aꞌɨ́jna jimi ɨ Dios, ɨ tɨ aꞌyan tyeeyíꞌtɨn tɨ japuan huatányuunyij tɨꞌij quee huámuɨꞌnyij, ajta néijmiꞌi tyaꞌráꞌastej, aꞌɨ́j pu jɨn ɨ Dios jáanamuajriꞌ.