Quirajanunca 8:12 - Diosichi Pila

¹² Junsi manca anjeliman yachi tutuca quee. Jun quiranari yonan, penan, tsabonan peman tsansile nechi man parte jera yucapiyalaie. Duque tsemin jominlanan nasiri tsemin ilaie. Malonte chunca palu órale nechi junpalu óra fecári yo tsetumin ie. Quepente chunca palu órale nechi junpalu óra fecári penan, tsabonan tsetumin ie.

Quirajanunca 8:12 Iomraidhean Croise

San Mateo 24:29

Junni Jesús chiquilabe cacuenta quinato itsantie: —Jun ma padeseinunsi, yo nemenhichunae; penan tsetuchunae; tsabonan jamochi nechi darapatachunae tie. Yoquidobi wetuto chuminla jera welaquichunae tie.

San Mateo 27:45

Tsan josanan yotute jerale jun tobi nemenhie peman óra fecári.

San Marcos 13:24

Junni Jesús cacuenta quinato, itsantinue: —Jun padeseinunsile, yo nemeichunae tinue. Penan tsetuchunae.

San Marcos 15:33

Junnasa aman yotute nechi peman óra fecári jerale jun tote nemen inue.

San Lucas 21:25

Junsi Jesús camicarinato itsantinue: —Jun mate yoquidobi niyan quirantiya iniichunae yape tsachila junca quirato wepanalaisa. Yo, pe, tsabo niyan quirantiya iniichunae. Totenan manca tobi, manca tobi tsachila duque wepanalaichunae. Lamari latsa duque pa jominca wepananun cuwenta, jera palaque tenca calaquichunae tinue.

Mantá Tanla 2:20

Yo neme ichunae. Penan asan cuwenta luban ichunaeque chuteca joe. Jun tsanhichunaeque chuteca joe Miya Diosi to yucapiyarino ma quelo inasa. Seque wepanato quirantsan sen ma jochunae.

2 Coríntolachi 4:4

Yucanni yalaca merása carituca joe. Yucan Diosica quereituchi timinlabe Diosi cuwentanan joe. Junto yalaca merása carituca joe yape tsarasi sen fiquica entendeilaitusa. Ya sen fiquiri Crístoca tsaracari sen joeque paca fiqui joe. Crístoca Apa Diosi cuwenta sen joeque paca fiqui joe.

Quirajanunca 12:4

Junsi mechi tsaboca darapatarinae. Tsabo peman tsansile nechi man parteca darapatarito, tobi jera quepoe. Junto dracón jun sonachi cale rato mérae na quisa. Na inaminca fichique mérae.

Quirajanunca 16:10

Junsi manca anjeliman yachi tasonbi pominca jun animali mantananunte foleeree. Junni ya mantananun to jera nemenhie. Junte chuminla duque padeseinato, nicaca jalilaquinae.

Quirajanunca 6:12

Junsi manca seyocaman Opisa Na bolee. Jun quiranari duque to wequee. To duque wenan, yo paba quidon ie duque pabaquin panunan quiran. Penan lubacan ie asannan quiran.

Quirajanunca 9:15

Jun órate, jun mate, jun pete, jun watate manwolaichun jera seito ralarae. Junni jun anjelilaca wolee yape tsachila peman tsansile nechi man parteca totelaquisa.

Quirajanunca 9:18

Fiqui forochi nechi nin, nin poyo, asufre laricachi duque tsachilaca totelaquinae.