Quirajanunca 7:4 - Diosichi Pila

⁴ Junni anjelila tala tsantinunbi, la niyanca marca quica jonunca meráyoe. Jerale nechi patsa junpalu chunca junpalu mili jolajoe. Chunca paluca israelita bolonla jolajoe.

Quirajanunca 7:4 Iomraidhean Croise

San Mateo 19:28

Jesuri Pédrobe beconan pato itsantie: —Nulabe tsarasica pachinayoe tie. Manca mate jerale to casan ichunae tie. Jun mate la tsachi ica jun joto tsara sen mantá tan joto chudiyanae tie mantachun. Aman jun matenan nulanan chunca paluca mantato chudinunbi pechudilaichunae. Nula chunca paluca bolon israelítalaca mantato chularachunae tie.

San Lucas 14:22

Junni peyunni manjato, yalaca tanjaca josanan, ano finun tamo quidi caitoe tichunae tinue.

San Lucas 22:30

Lari miya inunbi, nulanan labe ano pefiminla jochunae tinue. Nulari mantato chudinunbi chudito, jerale chunca palu bolon israelítalaca pemantalaquichunae tinue.

Mantá Tanla 26:7

Aman jerale chunca palu bolon israelítalanan jun tsanquenan tenca caminla joe Diosi puyaca junlaca mansoncarino joeque. Yalari quepen, malon Diosichi tenchi titiya quichi timinla joe yalanan mansonhiminla ichique. Nulanan junca quereituntsan joe titulajona! Junni miya, israelítalari tsanque tenca caminla jotonan, laca culpa quichi latinae puyaca junla mansonhinola joeque quereinun tenchi.

Románolachi 9:27

Diosichi Pilabi man postote Isaías israelítalaca wepanato itsanque chutenue: Israelítala lamari tsalan ni cuwenta layan seraca jotonan, narin se lolaichunaeque chuteca joe.

Santiago 1:1

La Santiago in pilaca chuteto erechinayoe. Diosibe mantaimin joto, junsi Miya Jesucrístobenan mantaimin joto, pila chutenayoe. Jerale ara cura chumin Diosichi tsachilachi erechun in pilaca chutenayoe. Nula jeralelabe saludainayoe.

Quirajanunca 14:1

Jun quiranari Opisa Nari Sion dubi wiruraminca quirayoe. Yabe duque tsachila pewiruralarae. Patsa junpalu chunca junpalu mili tsachila yabe pewiruralarae. Junni Opisa Nachi mumunnan, yachi Apachi mumunnan yalachi lesubi chuteca jolajoe.

Quirajanunca 14:3

Ya patsa junpalu chunca junpalu mili tsachilari casan canta quilaquinae. Diosi mantato chudinun caquele, junpaluca wiruraminlachi caquele, unicalachi caquele canta quilaquinae. Uyanla jun cansionca miino podeilaitue; yalasiri miino podeicala joe. Tote chuminlale nechi yalaca se larica joe.

Quirajanunca 7:5

Matu to Judachi alicala chunca palu mili jolajoe. Matu to Rubenchi alicala chunca palu mili jolajoe. Matu to Gádichi alicala chunca palu mili jolajoe.

Quirajanunca 9:16

Junni duque soldadola jolajoe calubi chudito quicaaminla. Yala niyanca jonunca meráyoe. Jerale nechi palu patsa miyon jolajoe.