Quirajanunca 5:5 - Diosichi Pila

⁵ Junni unica manca labe itsantie: —Waretude! tie. Quirade! tie. Tsachi manca jun pilaquidoca woleno podeichunae. Yari Judachi alica tsachi joe. Duque poden jonan, yaca Luquela timinla joe. Matu to miya Davichi alicanan joe. Ya fe loca joto, seyoca boleto, pilaquidoca woleno podeichunae tie.

Quirajanunca 5:5 Iomraidhean Croise

San Lucas 23:28

Junni Jesuri yalaca quirato, itsantinue: —Jerusalenbi chumin sonala, nulari lachi tenchi warelaquitude! tinue. Nulachi tencachique tenchi warelaquede! Nulachi nalalachi tenchinan warelaquede! tinue.

San Lucas 7:13

Junni Miya Jesuri yaca quirato, laqui tito, waretude! tinue.

San Juan 20:13

Junni anjelila ya sonaca quirato, ¿Niya jonan warenayun? tilatie. María Magdalénari beconan pato, chiquilachi miya puyaca junca tarinlaquinue. Nunchi tanjica jonunca miitolajoyoe tinue. Jun tenchi warenayoe tinue.

Románolachi 1:3

Diosichi mantate paminlari yachi Naoca cuenta quilaquinue. Yari tsachila tala miya Davichi alica jominue. Junni tsachi jotonan, Diosichi Nao patsa jominue. Ya Nao puyaca jominca Diosichi sonban Tenca sen joto yaca mansoncarinue. Junbe miintsan joe Diosichi Nao joeque. Ya Naori chiquilachi Miya Jesucristo joe.

Románolachi 15:12

Junsi man postobi Isaíari Crístoca pato, itsanque chuteca joe: Isaíchi alica manca jato, mantá tan joto, israelita itonlacanan mantachunaeque chuteca joe. Yalari yaca tennalarachunaeque chuteca joe.

Quirajanunca 1:1

In cuenta Jesucrístochi joe. Casaleri miituntsan jominca Diosi Jesucrístochi micuwanue yape yabe mantaiminlachi manmicuwasa. Inale niyanhino jonunca miralarasa yalachi junca micuwano jominue. Junni Jesucristo yachi anjelica erenue yape junca lachi jera micuwasa. Junni la Juan

Quirajanunca 22:16

La Jesús lachi anjelica ereyoe tie yape lachi tsachilaca in fiquica meracarisa. Lari matu to miya Davichi alica joyoe tie. Tsachilachi tencabi tsemin joyoe tie tseino inasa duque uraran tsemin tsabo cuwenta.

Quirajanunca 3:21

La fe loto lachi Apa Diosi mantato chununte pechudiyoe. Junni fe lominlaca la mantato chununte pechuteyanae.

Quirajanunca 4:10

ya palu chunca junpaluca unicalari jun chudinunbi chuminchi cale telenhilainae. Numatotiya sonnato poleminca se tilatinae. Yalachi coronaca Diosi chudinun cale walalaquinae ya fe mantá tan joe tito. Junto itsanque canta quilaquinae:

Quirajanunca 4:4

Junni ya fe mantaminchi chudinun awinta palu chunca junpaluca mantaminlachi chudinun joe. Junbi palu chunca junpaluca unicala chularae. Fibaquin camisa pun unicala, misubi óroca quica jun coronaca pun jolajoe.

Quirajanunca 5:4

Lari wari duque wareyoe monantiya pilaquidoca woleto quirano michi sen itolajoyoeque.

Quirajanunca 6:1

Opisa Na jun sieteca seyo mancaca bolee. Junni ya junpaluca wiruraminla manca pae. Ya pánanun cunta cuwenta joe. Junni yari laca jato quirade! tinaminca meráyoe.

Quirajanunca 7:13

Junni anjelilari tsanque cantaquinunsi, unica manca labe panhato itsantie: —¿Ja duque fibaquin camisa pun tsachila mo jolajunhun? tie. ¿Nunchi nechi jacala junhun? tie.