Quirajanunca 4:9 - Diosichi Pila

⁹ Ya junpalucalari Diosica tsantiminla joe. Yari mantaminchi chudinunbi chumin joto, numatotiya sonnato polechunae. Junni ya junpalucalari Diosica tsanque tsara sen joeque, acradeseiyoeque palaquinasanan,

Quirajanunca 4:9 Iomraidhean Croise

Israelítalachi 7:25

Yari numatotiya sonnato polemin joe. Junto yaca quereito Diosibe cayaica junlachi tenchi numatotiya Apa Diosibe rocainato poleno podeichunae. Junto yalaca numatotiya se larino poden joe.

Israelítalachi 7:8

Israelítala talanan chunca tanunca manca caminlari, yalari tsachilari jolajoe. Puyano junlanan joe. Diosichi Pilabiri Melquisedeca pato mantimini, casonnaminca cuwenta paca joe.

Quirajanunca 1:18

Sonnayoe. Puyaca jominnan mansonhicayoe numatotiya sonnato polechun. Junto tsachila puyato puyacalachica jica jominlaca la manse larino poden joyoe tie.

Quirajanunca 10:6

Diosichi mantate juraquito pae. Juraquinato itsantie: Diosiri numatotiya sonnato polemin joto, yari tocanan, tote chuminlacanan, lamaricanan, junbi nenaminlacanan, yachi tocanan, junbi chuminlacanan, jera quimin joe tie. Junni jera tsanquiminchi mantate juraquito pánayoe tito itsantie: —Natiya wanhino itochunae tiyoe tie.

Quirajanunca 15:7

Junni junpaluca sonnaminla manca yalachi tason cuwae mancachi mancachi. Sieteca óroca quica jun tason joe. Jun tasonbi numatotiya sonnato polemin Diosichi pa poe. Junni Diosichi páca foleereto, tsachilaca jelecari padeseisa carilaquichunae.

Quirajanunca 21:5

Junni mantato chudinunbi chumin itsantie: —Quirade! tie. Jera casansiri suwacayoe tie. Junto la pachinanunca pila chutede! tie. Tsarasica quereintsan fiqui jochunae tie.

Quirajanunca 4:2

Tsantinasaleri la Diosichi Tencabe jera cayaiyanue. Junni Diosichi tobi mantamin chudinunca quirayoe. Tiyato jun chudinunbi chue.

Quirajanunca 4:8

Ya junpalucala sotaqui sotaqui panpe chunla joe. Duque cacanan punla joe. Jera pucalete, junsi tenpenan caca punla joe. Aman junsi quepen, malon canta quilaquinae. Itsantilatinae: Diosi tsara sen, tsara sen, Miya Diosi tsara sen joe latinae. Ticatiya quino podeimin joe. Matunan jomin joto, amananan joto, inanan cajochunae latinae.

Quirajanunca 5:1

Junni lari Diosica yachi chudinunbi chuminca quirato, yachi tsa tedechi pilaquido tiwica quicaca chumiranunca quirayoe. Pilaquido tenpenan, uratenan pila quica jun joe. Junni sieteca seyochi doca jun joe.

Quirajanunca 6:16

Junni duca pato, suca pato, itsanlatie: —Chiquilaca dole cade! latie yape mantamin chununbi chumin chiquilaca quiratusa. Dode! latie yape Opisa Na chiquilaca paito catusa.

Quirajanunca 7:15

Junto Diosi mantamin chudinun caquele wiruralarae. Quepen, malon Diosichi yabi parejo rato, yachi tenchi ticatiya quiminla joe tie. Junni jun chudinunbi chumin yalaca cuidaichunae tie.