Quirajanunca 3:7 - Diosichi Pila

⁷ Junni labe cuenta quinamin tsachi manpato, itsantie: —La Diosichi joto, tsarasica pamin joyoe. La yabe tayoe matu to miya Davichi yabe tinunca. Junni la yabe tan joto, la ticatiya lasinari, monantiya mandono podeilaituchunae. La ticatiya donari, monantiya manlasino podeilaituchunae. Junni Filadélfiabi chumin bolonchi anjelichi erechun lachi fiquica itsanque pila chutede! tie:

Quirajanunca 3:7 Iomraidhean Croise

San Mateo 16:19

Nuchi mantá cuwachinayoe yape Diosi mantananun tsachi bolonbi mantá tasa yabe tan cuwenta. Junni in tote ticatiya mantanari, jamochinan tsanquenan mantaca jochunae. O in tote nu ticatiya quiniquintsan joe tinari, jamochinan tsanquenan mantaca jochunae tie.

San Mateo 24:35

Yoquidonan, tonan, jeraichunae. Lachi fiqui mantimini numanan epe fiqui ituchunae tie; la ticatiya tsanhichunae tinari, jun tsannan ichunae tie.

San Marcos 1:24

—Jesús Nasareno, ¿chiquilaca ti quebi jacayun? ¿Nuri chiquilaca yucapiyaribi jacayun? tinue. Nucari mirayoe tinue. Nuri Diosi ereca jun tsara sen tsachi joe tinue.

San Lucas 1:32

Ya na uwaitobi, duque mantá tan tsachi uwaichunae. Ya náca jamochi chumin Diosichi Nao tinun jochunae tinue. Miya Diosi yachi mantá cuwachunae matu to miya Davichi cuwenta. David yachi matu tata joto, israelítalaca mantamin jominue.

San Lucas 4:34

—Jesús Nasareno, ¿chiquilaca ti quebi jacayun? ¿Nuri chiquilaca yucapiyaribi jacayun? tinue. Nucari mirayoe. Nuri Diosi ereca jun tsara sen tsachi joe tinue.

San Juan 14:6

Junni Jesuri itsantie: —Lasiri Apa Diosichica jinun minu joyoe tie. Lasiri tsarasica micarimin joyoe tie. Lasiri sonnasa carimin joyoe tie. Labe cayaiminlasiri Apa Diosichibi feno podeilaichunae tie.

Mantá Tanla 3:14

Nulari Diosichi tsara sen tsachicari manlaritude! tito, tsachilaca toteminca manlaride! tilatie tinue.

1 Juanchi 5:20

Junsi man fiquicaman miralarayoe. Diosichi Nao patato, chiquilachi tenca cuwaca joe yape tsa Diosica mirano podeilaisa. Chiquilari tsa Diosibenan, yachi Naobenan, penenaminla joyoe. Yari tsa Diosi joto, yasiri numatotiya sonnato polesa carimin joe.

Quirajanunca 1:11

Yari itsantie: —Jeralelaca caque joto, jeralela jerainasa cajoanae tie. Nuchi quirajanunca jera pila chutede! tie. Jera pila chuteto, Asia tobi Diosichi tsachilachica erena! sieteca pueblobi chuminlachi. Ya siete bolonlachi jera erena! tie. Efésobi, Esmírnabi, Pérgamobi, Tiatírabi, Sárdibi, Filadélfiabi, Laodicéabi chuminlachi erena! tie.

Quirajanunca 1:18

Sonnayoe. Puyaca jominnan mansonhicayoe numatotiya sonnato polechun. Junto tsachila puyato puyacalachica jica jominlaca la manse larino poden joyoe tie.

Quirajanunca 15:3

Junte wirurato, Moisechi cansionca cantaquito, Opisa Nachi cansionca cantaquito, itsanque canta quilaquee: Tsara sonban Miya Diosi, nu tsaracari wepanato quirantsancari seque quimin joe latie. Tsaracari seque mantamin joto, nuchi tsachilachi Miya joe.

Quirajanunca 16:7

Junni Diosichi titiya epe cuwanun mesabi nechi fiqui itsanque meráyoe: Tsarasica pae tie. Tsara sonban Miya Diosi, nuri tuca miito, seque casticaquimin joe tie.

Quirajanunca 19:11

Junni Diosichi to lasainan, fibaden calu quiraie. Junbi chuminni “Tsarasica Pato, Encanatumin Joe” tinun joe. Yari jutsa quiminlaca duque tuca miito casticaquimin joe. Quera quicaato, se patarichunni quicaamin joe.

Quirajanunca 19:2

Yari mo culpa tanunca miinato, tsarasi tuca miimin joe latie Ya Babilonia pueblori seiton sona cuwenta jominhe latie. Jana seiton sonala jutsa quimiyaminla joe; jun pueblobi chuminla jun tsanquenan jerale tote chuminlaca jutsa quimiyamin jominlae latie. Junni Diosiri yalaca casticaquee latie yabe mantaiminlaca toteminla jonun tenchi.

Quirajanunca 2:1

Junsi lachi quirajanasa, cacuenta quinato itsantie: —Ya sieteca tsabo tayoe tie. Lanpara chutechun oroca quica jonunte nenamin joyoe tie. Junni Efésobi chumin bolonchi anjelichi erechun lachi fiquica itsanque pila chutede! tie:

Quirajanunca 21:5

Junni mantato chudinunbi chumin itsantie: —Quirade! tie. Jera casansiri suwacayoe tie. Junto la pachinanunca pila chutede! tie. Tsarasica quereintsan fiqui jochunae tie.

Quirajanunca 3:14

Junni labe cuenta quinamin tsachi manpato itsantie: —La Amen tinun mumun joyoe. Tsarasica pamin joyoe. Diosi jera quica junca lari mantamin joyoe. Junni Laodicéabi chumin bolonchi anjelichi erechun lachi fiquica itsanque pila chutede! tie:

Quirajanunca 4:8

Ya junpalucala sotaqui sotaqui panpe chunla joe. Duque cacanan punla joe. Jera pucalete, junsi tenpenan caca punla joe. Aman junsi quepen, malon canta quilaquinae. Itsantilatinae: Diosi tsara sen, tsara sen, Miya Diosi tsara sen joe latinae. Ticatiya quino podeimin joe. Matunan jomin joto, amananan joto, inanan cajochunae latinae.

Quirajanunca 5:9

Ya tason tanlari Opisa Náca casan canta quilaquinae. Itsanque canta quilaquinae: Nuri ya seyoca boleno michi sen joe latinae. Nu totaito nuchi asanchi tsachilaca Diosichi tenchi se laricae latinae. Nu se larica junla jerale tsachi bolonbi nechi, jerale fiqui paminlale nechi, jerale tobi chuminlale nechi jolajoe latinae.

Quirajanunca 6:10

Yalari sonba pato, itsanlatie: —Miya Diosi, tsara sen joto, tsarasica pamin joe latie. ¿Junni chiquilaca toteminlaca casticaquino nisi cajoyun? tilatie. Tote chuminla chiquilaca totelaquee. ¿Numasi yalacanan casticaquino joyun? tilatie.