Quirajanunca 2:7 - Diosichi Pila

⁷ Junni punqui chunla jotori, seque meránola joe Diosichi Tenca yachi tsachi bolonlabe pánanunca. Meralaquede! Diosichi sen tobi sen chide pele chue. Jun chide pucaca fiminlari numatotiya sonnato polelaichunae. Junni fe iminlachi ya pucaca cufiyanae tie. Efésobi chuminlachi tsanque pila quisa carie.

Quirajanunca 2:7 Iomraidhean Croise

San Mateo 13:43

Junni senla mantimini yalachi Apa Diosi mantananunbi pansi chuto, yo cuwenta tsen jolajochunae tie. Junni nula punqui chunla jotori, seque tenca cato meralaquede! tie. Jesús tsanque micarie.

San Mateo 13:9

Aman Jesús tsanque cuenta polarisi, itsantie: —Nula punqui chunla jotori, seque meralaquede! tie.

San Marcos 4:9

Junni Jesús ya cuenta quesi itsantinue: —Nula punqui chunla jotori, seque meralaquede! tinue.

San Marcos 7:15

Tinantiya tsachilachibi urachi nechi wiminni seiton suwatuchunae tinue. Tsachilachi tencabi nechi lomin, ya seiton suwachunae tinue.

San Marcos 7:16

Nulari punqui chunla jotori, seque meralaquede! tinue.

San Lucas 23:43

Junni Jesús yabe manpato itsantinue: —La nube tsarasica pachinayoe tinue: Amanale nechi nuri labe jamochi pansi pechuchunae tinue.

San Lucas 8:8

Weyan niri sen tobi arajito seque suchunae tinue. Junni ya ni uwaito, ni cura patsa ni mancuwachunae tinue. Aman Jesús tsanque cuenta polarisi, sonba pato itsantinue: —Punqui chularatori, seque tenca cato meralaquede! tinue.

San Juan 16:33

Junni labe penenaminlaca pansi chularasa tenjae. Jun tenchi nulabe tsanque cuenta quinayoe tie. Junni meralaquinade! Nulari in tote cachuminnan, padeseilaichunae tie. Tsan jotonan, son tilatina! Tote mantanaminlaca jera fe loca joyoe tie.

1 Coríntolachi 2:10

Chiquila mantimini junca miralarayoe. Diosichi Tencari junca miito, chiquilachi jera micuwae. Ya Diosichi Tencari jera miimin joe. Apa Diosiri niyan quinanunca, miitono jonuncatiya Diosichi Tencari jera miimin joe.

2 Coríntolachi 12:4

Diosichi toca tanloe. Junbi loto manpatuntsan quiran fiquica meráyoe. Ya fiquiri tsachilari natiya patuntsan joe.

1 Juanchi 2:13

Uwanla, tinantiya caitosanan, Cristo numa jominue. Junni nulari yabe cayaicala jonan, nulachica erechun pila quinayoe. Mosola, nulari yucanca fe locala jonan, nulachica erechun pila quinayoe. Nalala, nulari Apa Diosica quereiminla jonan, nulachica erechun pila quinayoe.

Quirajanunca 13:9

Punqui chunla in fiquica seque meránola joe:

Quirajanunca 14:13

Junnasa quiranari Diosichi tobi nechi fiqui merajae. Pila chutede! tie. Amanale nechi Miya Jesuchi tsachila puyaca junla joto, duque pansi jolajochunaeque pila chutede! tie. Junni tsantinunsi, Diosichi Tenca pato, tsaracari pae tie. Yalari tenfenaminnan manjasaino podeilaichunae tie. Yala seque quimin jonun tenchi Diosichi tobi premio tsanca yalachi cuwachunae tie. Diosichi Tenca tsantie.

Quirajanunca 15:2

Junsi ticato quirayoe. Wa pipilunan quiran joe. Bidriobe ninbe palaica jun joe. Jun pipilu jamo tsachila wiruralarae. Yalari ya animalichi cale telenhituto, yachi moldechi calenan telenhituto, yachi marcachi marcaituto, yachi mumunchi numerocanan chutaica itonla joe. Yalari ya animalica fe locala joe. Diosi cuwaca jun arpaca tan wiruralarae.

Quirajanunca 2:11

Punqui chunla jotori, seque meránola joe Diosichi Tenca yachi tsachilabe pánanunca. Seiton puyaca junla inale manan manpuyalaichunae. Junni fe iminlari natiya manan manpuyalaituchunae. Esmírnabi chuminlachi tsanque pila quisa carie.

Quirajanunca 2:17

Junni punqui chunla jotori seque meránola joe Diosichi Tenca yachi tsachilabe pánanunca. Jana maná tinun finoca tsato tayoe. Junni feiminlachi junca cuwanae. Junsi motiya feinari, yachi fiban suca cuwanae. Jun sulabi casan mumun chutecala jochunae. Ya mumunca caminlasiri ti mumun jonunca miralarachunae. Uyanlari monantiya miitolajochunae. Pérgamobi chuminlachi tsanque pila quisa carie.

Quirajanunca 21:7

Fe lominla junca jera tsacumin jolajochunae tie. Yalachi Diosi jonan, lachi nalala jolajochunae tie.

Quirajanunca 22:14

Tsanpaca tsalenun cuwenta tencaca mantsalentsan joe tie sen jochun. Tencaca tsaleca junlari duque son jolajochunae tie. Yala Diosichi pueblo tamolanse wito, numatotiya sonnasa carimin chide pele pucaca fino podeilaichunae tie.

Quirajanunca 22:17

Junni Diosichi Tencabe, Opisa Nachi sona tinunbe, jalaide! timinla joe. Yalaca meráminlanan jalaide! petinola joe. Pi muquinasa jominla pi cuchilaquetsan! Numatotiya sonnato polesa carimin pica epe cuwachunae. Jun pica munaraminla calaquetsan!

Quirajanunca 22:2

Junbi nechi lato, pueblobi caye quitsase jinae. Pi caten pequeloca chide pele chularae. Jun chide pelebi numatotiya sonnato polesa carimin puca imin joe. Chunca paluca pucala jun chide pelebi imin joe. Pe cura uyan puca, uyan puca imin joe. Jun chide pele japisuchi jerale tote chuminla janpeinun joe.