Quirajanunca 17:2 - Diosichi Pila

² Jerale to miyala yabe nosa seitonque quilaquinae tie. Jerale tote chuminla yabe seiton quito, tenca iton icala joe tie tiri winanla cuwenta.

Quirajanunca 17:2 Iomraidhean Croise

San Juan 2:10

itsantie: —Jerale fiestate casale sen binoca cutsawominlae tie. Junni tsachila michi cuchilaquinasa, nanni seiton binoca cutsawominlae tie. Nu mantimini tsantuchinae tie. In bino tsara sen joe. Casale cutsawocaca fécari sen bino joe tie. Fiestabi cuidaimin tsantie.

Quirajanunca 14:8

Jun anjeli polenunsi, manca anjeliman jato itsantie: —Babilonia tinun wa pueblo numa yucapiyae tie. Tsara sen moso pueblo jomin jotonan, numa jera yucapiyaca joe tie. Jun pueblobi chuminla seiton jolajoe. Jana seiton sonala unilalaca bino cutsawoto winan suwato, jelenquira quimiyaminla joe. Junni Babilonia pueblobi chuminla jun tsanquenan seiton quimiyaminlae tie uyan tobi chuminlaca.

Quirajanunca 17:13

Yala tala parejori tenca cato, yalachi mantaca animalichi cuwalaquichunae tie.

Quirajanunca 17:17

Diosi ya sonaca casticaquisa munaraminue. Jun tenchi Diosi ya miyalaca man tencari casa carinue tie. Diosi yalaca tenca casa carinan, yalachi mantaca ya animalichi cuwato, ya sonaca casticaquilaquichunae. Diosi ticatiya tsanhino jonunca jera paca joe tie. Junni jun fiqui jera tsa patino fecári yalachi mantaca animalichi cuwalaquee tie.

Quirajanunca 17:5

Ya sonachi lesubi entendeino tenfe jonun pilaca chuteca joe. Itsanque joe: uraran wa babilonia pueblo joe. sonalaca niyan unilalabetiya seiton imin sona suwamin joe. jerale tote tsan quiran suwamin joe. utatan quisa carimin joe. Tsanque yachi lesubi pila chuteca joe.

Quirajanunca 17:8

Ya animali jominhe. Amanari itoe. Ina yucanchi forobi nechi lato, tsanle yucapiyabi jichunae. Junni jerale tobi chuminla ya animalica wepanalaichunae tie. Casale jomin joto, amanari itoto, inale manjochunae tie. Tsanhinaminca quirato, wepanalaichunae tie. Junni Diosichibi pila manqui joe. Jun pilabi numatotiya sonnato poleno junlachi mumunca chuteca joe. Toca caquituminnan tsanque chuteca joe. Junni jun pilabi mumun chuteca itonlari ya animalica wepanalaichunae tie.

Quirajanunca 18:23

Tsenonan itochunae tie. Tinantiya casalailaituchunae tie. Jerale tote necosio quiminla tala jun pueblobi chuminlari fe mantá tanla joe tie. Yala pone quicachi jerale tobi chuminlaca encanalaquinae tie. Jun tenchi tsanque casticailaichunae tie.

Quirajanunca 18:3

Tsachilaca winan suwanun cuwenta, jun pueblobi chuminla uyanlaca jutsa quisa carimin jominlae. Jerale tote chuminlaca seitonque nenasa carimin jominlae tie. Jerale tote miyala jun pueblobi chuminlabe jutsa quimin jominlae tie. Jun pueblobi chuminla senca tachique tenfenasa, jerale tote chumin necosio quiminla oco imin jominlae tie.

Quirajanunca 18:9

Junasari jera tote duque miyalari babilónialabe senca petachique yalabe jutsa pequiminla joe. Junni ya miyala duque laquiilaichunae. Babilonia yucapiyanae tito laquiito warelaquichunae tie. Jun pueblobi nin lunasa, ya nin poyo lonaminca quirato warelaquichunae tie.

Quirajanunca 2:22

Junni yaca quiyanpun suwachinayoe. Junsi jun sonabe nosa seitonque penenaminlaca duque padeseisa carichinayoe ya seitonca telaquepolaquitunari.

Quirajanunca 3:10

Nulari lachi fiquica natiya peleituto meráminla jonan nulaca isaiyanae. Jerale tote chuminla duque padeseino patilaichunae yape niyan tsachila jonunca miintsan josa. Junni nulaca isaiyanae yape nulari jun mate pepadeseilaitusa.

Quirajanunca 9:21

Tsachilaca toten, pone quin, uyan sonalaca o uyan unilalaca tan, tarinquin, quino natiya deilaitue.