Quirajanunca 13:7 - Diosichi Pila

⁷ Dracón ya animalica poden suwae yape Diosichi tsachilaca quera quicaato fe losa. Jerale tobi chuminlacanan, jerale tsachi bolonca, jerale fiqui paminlaca, mantasa poden suwae.

Quirajanunca 13:7 Iomraidhean Croise

San Lucas 4:6

Junca quirawoto itsantinue: —Quirade! tinue. ¿To cura miyala duque mantá tan jolajotun? tinue. Junni to cura mantaca lachi cuwaca joe. Lachi tenca munate jerale tobi miya suwamin joyoe. Mocatiya suwano muquinari, suwaniquimin joyoe tinue. Junni lachi nuca jerale toca mantasa carino muquee.

San Juan 19:11

Junni Jesús itsantinue: —Diosi nuchi mantá cuwaca itomanpari, laca natiya mantano itono jomin jonhoe tinue. Junni laca nuchi cuwapominlari fe culpa talarae tinue.

Quirajanunca 10:11

Junni labe itsantie: —Nu Diosichi mantate capano joe tie. Duque tsachi bolonlaca, duque tobi chuminlaca, duque fiqui paminlaca, duque miyalaca nu capano joe tie.

Quirajanunca 11:18

Jerale tote chuminla pailainasanan, nunan paito casticaquechinae. Numa óra fae. Puyacalaca miino óra fae sen jominla jonunca o seiton jominla jonunca. Junsi nuchi mantate nenaminlachi premioca cuwano óra fae nuchi mantate paminlachi cuwachun. Nuchi tsachila nuca duque respetaiminla jonan, yalachi premioca cuwachinae. Mantá tanlachi, epe tsachilachi, jeralelachi cuwano óra fae. Junsi jerale tote padeseisa carimin jominlaca nu manpadeseisa carino óra fae tilatie.

Quirajanunca 11:7

Junni yalari Diosica cuenta jera polaritobi, aman totailaie. Yucanchi forochi nechi jele tintsan quiran animali lae. Junni ya animali ya paluca Diosica cuenta polariminlabe quicaato, yalaca fe loto totee.

Quirajanunca 12:17

Junni dracón ya sonaca cachique peleito, paito manjie. Yachi weyan nalalabe quera quicaabi jie. Diosi mantacaca meráto nenaminla, Jesucrístoca cuenta polariminla, yala ya sonachi nalala jolajoe.

Quirajanunca 17:15

Junni anjeliri labe cuenta caquinato itsantie: —¿Nu niyan unilalabetiya seiton imin sona pibi chuminca quiraco? tie. Junni ya piri duque tsachila jolajochunae tie. Man tobi man tobi chuminla, man bolon man bolon tsachila, man fiqui man fiqui paminla joe tie.

Quirajanunca 5:9

Ya tason tanlari Opisa Náca casan canta quilaquinae. Itsanque canta quilaquinae: Nuri ya seyoca boleno michi sen joe latinae. Nu totaito nuchi asanchi tsachilaca Diosichi tenchi se laricae latinae. Nu se larica junla jerale tsachi bolonbi nechi, jerale fiqui paminlale nechi, jerale tobi chuminlale nechi jolajoe latinae.