Quirajanunca 12:3 - Diosichi Pila

³ Jun quiranari, ayancan lubaden tsan quiran dracón tinun animali Diosichi tobi quiraie yape yaca quirato miilaisa. Ya dracón tinunni sieteca misu chun joe. Junsi chunca cachi chun joe. Sieteca misubi sieteca mantanun coronaca punla joe.

Quirajanunca 12:3 Iomraidhean Croise

Quirajanunca 12:1

Junni Diosichi tobi sona manca quiraie. Ya sonari yape niyanhinanunca quirato, jeralela miilaisa quiraie. Ya sonari camisaca ponun cuwenta yoca poca joe. Duque tsen joe. Misubi chunca paluca tsabo chun joe. Nede tenpe pe tseto chue.

Quirajanunca 12:13

Junni dracón toca darapatayoeque tenhito, na quimin sonaca bene sutanjie.

Quirajanunca 12:17

Junni dracón ya sonaca cachique peleito, paito manjie. Yachi weyan nalalabe quera quicaabi jie. Diosi mantacaca meráto nenaminla, Jesucrístoca cuenta polariminla, yala ya sonachi nalala jolajoe.

Quirajanunca 12:4

Junsi mechi tsaboca darapatarinae. Tsabo peman tsansile nechi man parteca darapatarito, tobi jera quepoe. Junto dracón jun sonachi cale rato mérae na quisa. Na inaminca fichique mérae.

Quirajanunca 12:7

Tsanhinunbi mantimini Diosichi tobi quera quicaalaquee. Sen anjelilabe seiton anjelilabe quera quicaalaquee. Sen anjelilaca mantamin Miguel tinun anjeli joe. Seiton anjelilaca mantamin ya dracón joe. Junni draconla sonba quilaquinatonan,

Quirajanunca 12:9

Draconca jera darapatarilaquee. Aman ya draconni matu tote pini jominue. Yaca yucan tinun joe. O yachi mumun pato, yaca Satanás tinun joe. Ya jeralelaca encanato, jutsa quisa carimin joe. Yabe yachi anjelilabeca tobi darapataricalae.

Quirajanunca 13:1

Junni lamari pi fiquile tsalanbi wirurato, tiyato lamaribi nechi lanaminca quirayoe. Sieteca misu chun, chunca cachi chun animali joe. Chunca cachibi mantaminlachi corona pun joe. Jun misu cura mumunca pila chuteca joe. Diosica seitonque panun mumun joe.

Quirajanunca 13:2

Junni la quiraca animali quelanan quiran joe. Nederi paya nedenan quiran joe. Fiqui forori luquela fiqui foronan quiran joe. Junni dracón jun animalichi mantá cuwae. Jun animalichi yachi mantaca cuwae yape sonba mantasa.

Quirajanunca 13:4

Dracón ya animalichi mantá cuwaca joe. Jun tenchi jeralela draconchi cale telenhilaie. Ya animalichi calenan telenhilaie. Yaca se tito, in animali tsannan monantiya itoe latie. Yaca monantiya quicaato fe lotuchunae latie.

Quirajanunca 15:1

Junni manaman Diosichi tobi sieteca anjelilaca quirayoe. Yalacanan tsachila quirato miinola joe. Jun tenchi quirailaie. Tsaracari wepanato quirantsan jolajoe. Ya sieteca anjelila tobi chuminlaca casticaquito padeseisa carinola joe. Sieteca anjelila man ne man ne padeseisa carinan, siete ne padeseilaichunae. Junte nechi tobi chuminlacari mancasticaquituchunae. Junte nechi Diosi páca polarica jochunae.

Quirajanunca 16:13

Junnasa seiton ocola pemancaca quirayoe. Manca draconchi fiqui forochi nechi lae. Manca jun animalichi fiqui forochi nechi lae. Manca Diosichi mantate pamin joyoe timinchi fiqui forochi nechi lae. Ya seiton ocola cototonan quiran joe.

Quirajanunca 17:12

Junni chunca cachinan quirannan, yanan chunca miyala jolajoe. Ya miyalari mantaca cacatulajoe. Ina mantá calaquichunae man óra nacá animalibe parejo pemantachun.

Quirajanunca 17:16

Junni ya animalichi chunca cachilari ya seiton sonaca pailaichunae tie. Yaca fupucaca telaquepoto puralaquichunae. Yachi tsachicaca fito, yaca nin polaquichunae.

Quirajanunca 17:7

anjeli itsantie: —¿Niyaito wepananayun? tie. Ya sonari ti jonunca miino duque tenfe joe tie. Ya sonaca tanjamin animalinan, ya sieteca misu chun, chunca cachi chun animali, yacanan miino duque tenfe joe tie. Tsan jonuncanan la nuca micarichinayoe tie.

Quirajanunca 19:12

Yachi cacari nin lunamin tsanni quiran joe. Yachi misubi duque mantanun corona chue. Yachibinan manca mumun chuteca jonan, ya mumuncari yasiri entendeimin joe.

Quirajanunca 20:2

Junto draconca cato, mili wata fecári telee. Ya dracón matute pini ica jominue. Ya yucan joe. Satanás tinun joe.