Quirajanunca 1:9 - Diosichi Pila

⁹ La Juan nulachi aco joto in pilaca quinayoe. Lanan Jesuchi tsachi joto, ya mantananun tsachi bolonbi pejoyoe. Chiquilanan padeseito nenatonan, peleituminlayoe. Junni la Diosichi fiquica micarinun tenchi, Jesucrístoca cuenta polarinun tenchi, Patmos tinun pisabi doramin cuenta chumanyoe.

Quirajanunca 1:9 Iomraidhean Croise

San Mateo 20:23

Junni Jesuri yalabe itsantie: —La cuwenta nulanan padeseilaichunae tie. Tsan josanan lachi tsa tede nanchi mantato chudisa, o lachi jala tede nanchi mantato chudisa la mantano podeitiyoe. Lachi Apa Diosiri mantachunae tie moca labe pemantano jonunca. Diosi mantaca junla ya mantá talarachunae tie.

San Marcos 10:39

Junni Jesús tsantinunsi yalari podeilaiyanae tilatinue. Junni Jesuri yalabe itsantinue: —Nulari la cuwenta pepadeseilaichunae tinue.

San Juan 16:33

Junni labe penenaminlaca pansi chularasa tenjae. Jun tenchi nulabe tsanque cuenta quinayoe tie. Junni meralaquinade! Nulari in tote cachuminnan, padeseilaichunae tie. Tsan jotonan, son tilatina! Tote mantanaminlaca jera fe loca joyoe tie.

Mantá Tanla 1:15

Junni jun malate Jesucrístochi tsachila duque layaica jominlanue patsa palu chunca tsansi. Tsanque layaito chuminlabe, Pédrori quitsabi wiruito itsantinue:

Mantá Tanla 14:22

Jesucrístobe penenaminlaca sonba tenca suwadede manjilainue. Yalaca seque payito, nula Crístobe cayaica joto, yaca natiya telaquepotuto nenalarana! tilatinue. Nulari Diosi mantananun tsachi bolonbi pejochun duque padeseino patilaichunae tilatinue.

Románolachi 8:17

Junni yachi nalala jotori, ya tanunca chiquilanan talaranae. Crístobe tanola joyoe. Tsan jotonan Cristo cuwentanan pepadeseinola joyoe yape chiquilaca tsaracari sen suwasa Crístobe.

Románolachi 8:25

Junni quiraca itotori, peleituto mérantsan joe.

2 Coríntolachi 1:7

Nula chiquila cuwentanan padeseinanari, chiquilaca cuwenta Diosi seque payito pansi mansuwachunae. Tsanque miratori, nula peleituto se lolaichunaeque tsaracari miralarayoe.

Filípolachi 1:7

Nulacari duque laquirato tenca camin joyoe. Junto nulaca son tito tenca cano joyoda. La titiya quinasanan, nulari ayudaiminla joe. Lari dorasanan, Jesuca paca sen fiquica micarinasanan, jun fiqui tenchi beco pánasanan, Diosi laca laquirato cuidaimin joe. Junni tsan josanan, nulanan Diosibe peayudaiminla joe.

Filípolachi 4:14

Tsan josatiya nulari la padeseinaminchi cala cuwanato, duque seque quinaminlanue.

2 Tesalónicalachi 3:5

Junnasari Diosi nulaca laquiraeque tenhinola joe. Cristo cuwenta peleitumin tenca ito nenanola joe. Junni Miya Jesube rocailainayoe nulaca tsanque nenalarasa carinocarinque.

2 Timotéochi 1:8

Tsan jonan, chiquilachi Miya Jesucrístoca cuenta polarino luratuna! La tenchinan luratuna! Jesucrístochi jonun tenchi dorasatiya, la tenchi luratuna! Diosichi tsachila padeseinola joyoe. Junto nunan yachi sen fiquica panun tenchi padeseino patitori, Diosibe sonban tenca ito padeseiniina!

Israelítalachi 10:36

Tsan josanan, natiya peleituto méranola joe. Diosichi tenca munate nenatori, peleituto méranola joe Diosi senca cuwano joyoe tinunca cachun.

1 Pédrochi 5:1

Jesucrístochi tsachila tala mantá tanlacanan payichinayoe. Diosichi tsachilaca cuidainola joe opisaca cuidaiminla cuwenta. Junni lanan nula cuwenta mantá tan pejoto, tsanque payinayoe. La Jesucristo padeseinaminca quiracayoe. Junni ina uraran mantá tan manquirainasanan, lanan yabe man junni pejoichunae. Junto nulaca payichinayoe. Nulari Diosichi tsachilaca laquirato, seque cuidainola joe cuidaino muquetue tituto. Encanato cala cachiqueri cuidaituntsan joe; Diosichi tsachilaca ayudaichunni yalaca cuidailaina!

Quirajanunca 1:1

In cuenta Jesucrístochi joe. Casaleri miituntsan jominca Diosi Jesucrístochi micuwanue yape yabe mantaiminlachi manmicuwasa. Inale niyanhino jonunca miralarasa yalachi junca micuwano jominue. Junni Jesucristo yachi anjelica erenue yape junca lachi jera micuwasa. Junni la Juan

Quirajanunca 1:2

junca chutenayoe. In Diosichi fiqui joe. Jesucristo junca lachi micuwae. Junnan lachi jera quirajacaca pila chutenayoe.

Quirajanunca 1:4

La Juan in pilaca chutenayoe. Asia tobi sieteca pueblobi Jesucrístochi tsachila man bolon man bolon chularae. Yalachi erechun in pilaca quinayoe. Apa Diosibenan, yachi Tencabenan, Jesucrístobenan rocainayoe yape nulaca laquirato seque ayudailaisa. Diosi matunan jomin joto, amananan cajoto, inanan cajochunae. Yachi Tenca sieteca Tenca tsan joto ya mantato chudinun caquele joe. Jesucrístori puyatonan mansonhinue. Ya casale tsanhica joe. Yari Diosica tsarasica pamin joto, jerale to miyalachi Miya joe. Junni la yalabe rocainayoe yape nulari wepanatuto pansi chularasa. Jesucristo chiquilaca duque laquirato, chiquilachi jutsaca yachi asanchi tsaleca joe.

Quirajanunca 1:6

Chiquilaca ya mantananun bolon pesuwaca joe. Yachi Apa Diosichi patelela cuwenta suwaca joe. Yaca numatotiya duque sen joe tito polentsan joe. Ya numatotiya jerale mantaca tan jono joe. Tsanque joe.

Quirajanunca 11:7

Junni yalari Diosica cuenta jera polaritobi, aman totailaie. Yucanchi forochi nechi jele tintsan quiran animali lae. Junni ya animali ya paluca Diosica cuenta polariminlabe quicaato, yalaca fe loto totee.

Quirajanunca 12:11

Opisa Nari Diosichi tsachilachi tenchi puyato asan larinan, yucanca fe locala joe tie. Yala sonnanoca polencari munaratuto, Diosichi tenchi puyano jeleralaratue tie. Junto Diosica paminla joto, yalachi fiquichinan yucanca fe lolaie.

Quirajanunca 12:17

Junni dracón ya sonaca cachique peleito, paito manjie. Yachi weyan nalalabe quera quicaabi jie. Diosi mantacaca meráto nenaminla, Jesucrístoca cuenta polariminla, yala ya sonachi nalala jolajoe.

Quirajanunca 13:10

Dosa cariminla doinola jochunae. Tsachilaca espadachi toteminla, yalanan jun tsanquenan totailaichunae. Diosichi tsachilari ya fiquica tennato peleituto nenanola joe.

Quirajanunca 14:12

Jun tenchi Diosichi tsachila peleino itolajoyoe. Diosichi mantaca meráto nenaminlari, Jesuca tennato nenaminlari sonba tenca jonola joyoe peleituchun.

Quirajanunca 19:10

Ya anjeliri tsantinunsi, lari yachi nedele telenhiyoe Diosichi cale cuwenta. Tsanhinasa yari itsantie: —Tsanhitude! tie. Lanan nu cuwentanan, uyan Jesuchi fiquica merámin acola cuwentanan, Diosibe pemantaiminni joyoe. Diosichi mantate paminlanan Jesuchi fiquica paminla joe tie. Junni lachi cale telenhituto, Diosichi calesiri telenhina! tie.

Quirajanunca 20:4

Junni aman mantaminlachi chudinunca quirayoe. Diosichi mantate tsachilaca senlaca o seitonlaca miiminla jun chudinunbi chularae. Junsi Jesuchi fiquica polariminla jonun tenchi totaicalachi tencaca quirayoe. Yalaca misu butunto totecala jominue Diosichi fiquica polariminla jonun tenchi. Yalari animalichi cale, yachi moldechi calenan, telenhitumin jominlae. Animalichi marca yalachi lesubi o tedebi quisa carica iton jominlae. Junni yala mansonhito, Crístobe mili wata fecári pemantalaquee.

Quirajanunca 3:10

Nulari lachi fiquica natiya peleituto meráminla jonan nulaca isaiyanae. Jerale tote chuminla duque padeseino patilaichunae yape niyan tsachila jonunca miintsan josa. Junni nulaca isaiyanae yape nulari jun mate pepadeseilaitusa.

Quirajanunca 6:9

Junsi manca seyocaman Opisa Na bolee. Jun quiranari, Diosichi tobi Diosichi titiya epe cuwanun mesa tenpe duque tsachilachi tencala chularae. Ya tsachilari Diosichi fiquica meráminla jonun tenchi, Jesucrístoca cuenta quiminla jonun tenchi totaicala jominue.

Quirajanunca 7:14

Junni lari pato, nu mantá tan joto miranae tiyoe. Junni yari itsantie: —Inla duque padeseinaminnan locala joe tie. Yalachi camisaca Opisa Nachi asanchi tsaleto fiban suwacalae tie.