Quirajanunca 1:6 - Diosichi Pila

⁶ Chiquilaca ya mantananun bolon pesuwaca joe. Yachi Apa Diosichi patelela cuwenta suwaca joe. Yaca numatotiya duque sen joe tito polentsan joe. Ya numatotiya jerale mantaca tan jono joe. Tsanque joe.

Quirajanunca 1:6 Iomraidhean Croise

San Mateo 6:13

Yucanbe encanaisa caritude! Chiquilaca se laride! yape yucan chiquilaca fe lotusa. Nusiri Miya joe; nusiri tsara poden joe; nusiri tsara sen mantá tae. Amen

San Juan 5:23

Lachi tsanque jera mantá cuwacae yape jerale tsachila laca respetailaisa. Apa Diosica respetainola joe. Junni jun cuwentanan lacanan respetainola joe tie Diosichi Nao jonan. Lari Apa Diosichi Nao joto, Apa Diosi ereca jun jacayoe. Junni laca respetaituminlari Apa Diosicanan respetaitulajoe.

Románolachi 11:36

Diosiri titiya jera quinue. Ya itomanpari, tinantiya itono jomin jonhoe. Titiya jerale yachi tenchisiri joe. Numasitiya yaca duque se tino jochunae. Tsanque joe.

Románolachi 15:6

Tsanque nenatori, jeralela layaito man junni joto, Diosica fe duque se tino podeilaichunae. Yari chiquilachi Miya Jesucrístochi Apa joe.

Filípolachi 2:11

Jeralela palaquichunae Jesucrístori piyanlelaca mantamin Miya joeque. Jeralela tsanlatichunae yape Apa Diosicari tsara sen patsa joeque mirantsan josa.

1 Timotéochi 6:16

Yasiri numatotiya sonnato polesa carimin joe. Ya tsaracari tsenaminca monantiya queloino podeilaitue. Niyanlanantiya yaca nin quiran, nin quirano podeilaituchunae. Yaca respetaito, numatotiya yabe mantaito polenola joyoe. Tsanque joe.

1 Pédrochi 5:11

Diosiri numatotiya mantamin joto poleno jochunae. Tsanqueri joe.

2 Pédrochi 3:18

Junni chiquilachi Miya Jesucrístoca fe miide jito, yabe fécari sonban tenca ilaina! Yari chiquilaca se larimin joe. Yacari se tintsan joe. Amananan yaca se tinato, numatotiya yaca se tito polentsan jochunae. Tsanqueri joe.

Judas 1:25

Yasiri Diosi joe. Yari Miya Jesucrístoca chiquilachi tenchi puyasa ereto, chiquilaca se larinue. Junnan yaca tsara uraran, fe poden, jera mantamin joe tintsan joe. Numarile nechi tsanque sen joto, amananan tsannan cajoto, numatotiya tsannan joto polechunae. Tsanqueri joe.

Quirajanunca 1:9

La Juan nulachi aco joto in pilaca quinayoe. Lanan Jesuchi tsachi joto, ya mantananun tsachi bolonbi pejoyoe. Chiquilanan padeseito nenatonan, peleituminlayoe. Junni la Diosichi fiquica micarinun tenchi, Jesucrístoca cuenta polarinun tenchi, Patmos tinun pisabi doramin cuenta chumanyoe.

Quirajanunca 20:6

Caque mansonhiminlari Diosichi sen tsachila jolajoe. Yalachiri son tenjanasa jolajoe. Weyan puyacala manan puyalainasa, yalari puyalaituchunae. Diosichi patelela joto, Crístochi patelela joto, yabe mili wata fecári pemantalaquee.

Quirajanunca 4:11

Miya Diosi, nu sen joto, jera ticatiya quica joe tilatinae. Ticatiya quino munaranunca quiniquinue. Nu munaratumanpari, tinantiya itono jomin jonhoe tilatinae. Jun tenchi nuca tsaracari sen joe; jera respetaintsan joe tilatiyoe latinae. Jun tenchi nu jera mantano joe tilatiyoe latinae.

Quirajanunca 5:10

Yalaca chiquilachi Diosichi mantate mantamin miyala suwaca joe latinae. Diosichi patelela cuwenta suwaca joe latinae. Jerale tote yala mantalaqueyanae latinae.