Quirajanunca 1:2 - Diosichi Pila

² junca chutenayoe. In Diosichi fiqui joe. Jesucristo junca lachi micuwae. Junnan lachi jera quirajacaca pila chutenayoe.

Quirajanunca 1:2 Iomraidhean Croise

San Juan 1:32

Junto Juan Jesuca jun cuenta quinato, man fiquinan itsanque pae: —Lanan miitomanyoe tie ya mo jonunca. Junni Diosi lachi micuwae. Laca tsachilaca pibi mumunsa ereto, labe man fiquinan pae tie. La quiranasanan, yachi Tenca patachunae tie tie. Tsachi mancachibi patato jamo chudichunae tie tie. Ya tsachiri pibiri mumuntumin jochunae tie tie. Yari Diosichi Tencachi mumunmin jochunae tie tie. Diosi labe tsanque cuenta quee tie. Junni yachi Tencaca quirayoe tie. Paloma tsan jamochi nechi patato, Jesúchibi jamo chudie tie.

San Juan 12:17

Junni aman Jesús Lázaro puyacaca mansonhisa carinasa, duque israelítalari quiranaminlanue. Menaranun forochi nechi manlade! tinamincanan yala meránaminlanue. Junni yalanan fiestaca jato, duque weyanla jun fiestabi pejaca jominlabe jun cuentaca jera quilaquinue Lázaroca mansoncaricaeque.

San Juan 19:35

La Juanni junca lachi cacachinan jera quirato, junca pila chutenayoe. Tsarasica pánayoe. Lari mirayoe tsarasica jonunca. Junto nulabenan cuenta manpolarinayoe yape nulanan in pilaca quirato quereilaisa.

San Juan 21:24

Junni tsanque cuenta polarinun tsachi Juan jomanyoe. La Jesucrístoca jera cuenta quito, in pila jera chutenayoe. Junni la in fiqui chuteca jun tsarasi joe. Tsarasi joeque miralarayoe.

San Juan 3:11

Nube tsarasica pachinayoe. Miranuncari cuenta quinayoe. Quiranuncari pánayoe. Tsantinasanan, nulari quereilaitue.

Mantá Tanla 22:15

Junni nuri jeralelaca yachi fiqui micarichunae. Nuri quiranuncanan, meránuncanan jera micarichunae tie tinue.

Mantá Tanla 26:16

Junni Jesuri laca cupato manwiruide! tie tinue. Junsi laca yabe mantaito nenamin ide! tie tinue. Jun tenchi labe quirainayoe tie tinue. Junni jun mate quirananunca cuenta polarimin jona! tie tinue. Junni Jesucristo labe manan manquirainan, juncanan cuenta manpolarimin jochunae tie tinue.

Mantá Tanla 4:20

Chiquila quiranuncari, meránuncari, cuenta manpolarinonan jolajoyoe latinue. Pédrola israelita mantaminlabe tsantilatinue.

1 Coríntolachi 1:6

Nulari Crístoca paca fiquica meráto, ya fiquica duque tencabi pocalaquee.

1 Coríntolachi 2:1

Acola, soquila, la nulachica jato, Diosichi sen fiquica micarinato, tsachilachi mite uraran fiquichi micaritucayoe.

1 Juanchi 1:1

Casale casaleri tinantiya caitosanan, Cristo numa jominue. Yari Diosi niyan jonunca micarimin joto, Fiqui tinun mumun joe. Diosibe sonnasa carimin Fiqui cuwenta joe. Ya sonnasa cariminni quiraie. Chiquilari yaca quiraca joto, cuenta quinayoe. Yari numatotiya Diosibe sonnasa carimin joe. Junto Apa Diosibenan pechumin joto, chiquilabenan quiraie. Junca nulabe cuenta quinayoe. Yaca merán, cacachi quiran, tedechi taquiran, quilaquiyoe.

1 Juanchi 4:14

Apa Diosiri yachi Naoca erenue yape jerale tote chuminlaca se larisa yape yucan catusa. Chiquila Crístoca quiraminla joto, tsanque micarino podeilaiyoe.

3 Juanchi 1:12

Aco Demetrio ya manca sen pejoe. Piyanlela yaca sen joe timinla joe. Yari tsarasi fiquica meráto nenamin joe. Junca mirato, yaca sen joeque miintsan joe. Lanan yaca sen joe tiyoe. Junni nulari miralarae la tsarasica pamin joeque.

Quirajanunca 1:11

Yari itsantie: —Jeralelaca caque joto, jeralela jerainasa cajoanae tie. Nuchi quirajanunca jera pila chutede! tie. Jera pila chuteto, Asia tobi Diosichi tsachilachica erena! sieteca pueblobi chuminlachi. Ya siete bolonlachi jera erena! tie. Efésobi, Esmírnabi, Pérgamobi, Tiatírabi, Sárdibi, Filadélfiabi, Laodicéabi chuminlachi erena! tie.

Quirajanunca 1:19

Aman nu quirananunca jera pila chutede! tie. Inale niyanhino jonunca nuchi quirajachunae.

Quirajanunca 1:9

La Juan nulachi aco joto in pilaca quinayoe. Lanan Jesuchi tsachi joto, ya mantananun tsachi bolonbi pejoyoe. Chiquilanan padeseito nenatonan, peleituminlayoe. Junni la Diosichi fiquica micarinun tenchi, Jesucrístoca cuenta polarinun tenchi, Patmos tinun pisabi doramin cuenta chumanyoe.

Quirajanunca 12:11

Opisa Nari Diosichi tsachilachi tenchi puyato asan larinan, yucanca fe locala joe tie. Yala sonnanoca polencari munaratuto, Diosichi tenchi puyano jeleralaratue tie. Junto Diosica paminla joto, yalachi fiquichinan yucanca fe lolaie.

Quirajanunca 12:17

Junni dracón ya sonaca cachique peleito, paito manjie. Yachi weyan nalalabe quera quicaabi jie. Diosi mantacaca meráto nenaminla, Jesucrístoca cuenta polariminla, yala ya sonachi nalala jolajoe.

Quirajanunca 20:4

Junni aman mantaminlachi chudinunca quirayoe. Diosichi mantate tsachilaca senlaca o seitonlaca miiminla jun chudinunbi chularae. Junsi Jesuchi fiquica polariminla jonun tenchi totaicalachi tencaca quirayoe. Yalaca misu butunto totecala jominue Diosichi fiquica polariminla jonun tenchi. Yalari animalichi cale, yachi moldechi calenan, telenhitumin jominlae. Animalichi marca yalachi lesubi o tedebi quisa carica iton jominlae. Junni yala mansonhito, Crístobe mili wata fecári pemantalaquee.

Quirajanunca 22:21

Rocaiyoe Miya Jesucristo nula jeralelaca laquirato duque ayudaisa. Tsanqueri joe.

Quirajanunca 6:9

Junsi manca seyocaman Opisa Na bolee. Jun quiranari, Diosichi tobi Diosichi titiya epe cuwanun mesa tenpe duque tsachilachi tencala chularae. Ya tsachilari Diosichi fiquica meráminla jonun tenchi, Jesucrístoca cuenta quiminla jonun tenchi totaicala jominue.