San Lucas 9:2 - Diosichi Pila

² Junni tsanque jera mantá cuwato, yalaca erenue yape micarin, manse suwan, quilaquisa. Junni ya jichinaminlabe itsantinue: —Diosi ya mantananun tsachi bolon suwanaeque micarilaquina! tinue. Quiyanpunlacanan manse suwalaquina! tinue.

San Lucas 9:2 Iomraidhean Croise

San Mateo 10:5

Jesús chiquila chunca palucaca yachi mantate erechinato itsantie: —Israelita itonlachica jitulajona! tie. Samaria to pueblobinan witulajona! tie.

San Mateo 13:19

Junsi itsantie: —Diosichi fiqui ni cuwenta joe. Junni weyan tsachila Diosichi fiquica meranatonan natiya entendeituminlae. Yalari minubi arajica ni cuwenta jolajoe tie. Yucan yalachica jato, fiqui arajicaca manjosoleniquichunae.

San Mateo 24:14

Junni jerale tote in sen fiquica micarilaquichunae Diosi ya mantananun tsachi bolon suwanaeque. Ya fiquica piyanlete micarilaquichunae tie yape jerale tobi chuminla miilaisa. Junni jerale tobi micarinunsi, to jeraichunae tie.

San Marcos 16:15

Junni aman Jesús yachi tsachilabe itsantinue: —Nulaca itsanque mantanayoe tinue: Jerale tote nenato, jeralete Diosichi sen fiquica micarito nenalarana! tinue.

San Marcos 6:12

Junni Jesús tsantinunbi, yalari jilainue. Tsachilachi tencari casan tala tenca mancanola joeque micaribi jilainue.

San Lucas 10:1

Junni tsanque micaritobi, Jesús siete chunca uyan tsachilachi mantá cuwanue yape yaca caquenan nenalarasa. Jerale ya jino jun pueblo cura erenue paluca paluca.

San Lucas 10:11

In pueblo seiton pueblo jonun tenchi to poyocatiya munaralaratiyoe latina! Junto nedecanan piquisilaquinayoe latina! to poyo caraica junca manbalechun. Tsan josanan, man fiquica miilaide! tilatina! Diosi nulachitenan ya mantananun tsachi bolon suwanae tilatina! tinue.

San Lucas 10:9

Junbi quiyanpunlaca manse suwalaquina! Junni yalabe itsantilatina! tinue: Diosi nulachitenan ya mantananun tsachi bolon suwanae tilatina! tinue.

San Lucas 16:16

Junni Jesús camicarinato itsantinue: —Matu mate Diosi yachi mantaca chutesa carinue. Junsi yachi mantate paminlanan yachi pila chutelaquinue tinue. Aman yalachi fiquica Mumunmin Juan jano fecári merántsan jominue tinue. Junni ya janunle nechi mantimini casan fiquica merántsan joe. Diosiri ya mantananun tsachi bolon suwanaeque micarica fiquica merántsan joe tinue. Junni duque tsachila ya fiquica meráto, jun bolonbi pewichique tenfelainae tinue.

San Lucas 9:11

Junni tsachila junca miito, yalanan benechi jalainue. Aman Jesús yalaca facarito micarinue Diosi ya mantananun tsachi bolon niyan jono jonunca. Quiyanpunlaca manse suwanue.