San Lucas 3:1 - Diosichi Pila

^1-2 Zacaríachi nao Juan tinun niyanlanantiya chutunun postote chumin jominue. Junni junbi chuminca Diosi yachi fiquica pasa tinue. Aman fe mantá tan miya Tiberio César chunca mante wata mantanasa, tsantinue. Aman Tibériochi mantateri manca tobi manca tobi mantaminlari itsanque jominlanue: Aman Judea tobi Poncio Pilato, Galilea tobi Herodes, Iturea tobinan Traconite tobinan yachi aco Felipe, Abilinia tobi Lisanias, yala miyala jominlanue. Junni aman Anásiobe Caifabe fe mantá tan patelelari jominlanue. Aman yala mantalaquinasanan, ya Juan Diosichi fiquica micaribi janue.

San Lucas 3:1 Iomraidhean Croise

San Mateo 14:1

Jun malate tsachilari Jesuca duque cuenta quinaminlaca miya Heródenan meránue.

San Mateo 14:3

Aman Mumunmin Juan itsanque puyaca jominue. Herodes yachi acochi sonaca josoleca jominue. Felípechi sona jominue Herodías tinun mumun. Junni Mumunmin Juan junca meráto Heródeca payica jominue. Acochi sonaca josoletuntsan joe tica jominue. Junni Herodías Heródeca mantasa carica jominue Juanca cadenachi teleto dolaquisa.

San Mateo 14:6

Junni Juan dorasanan, Heródechi wata tula ma fanue. Jun mate Heródela fiesta quilaquinasanan Herodíachi namari teranaminue yape Heródela quiralaquisa. Junni ya nama teranan, Herodes yaca duque se tito

San Mateo 22:17

Junni Jesube tsantisi, jerale toca mantamin romano miyaca panhato itsanlatie: —¿Chiquilari ya uyan to miyachi inpuesto cala cuwanola join? latie. ¿Nuchi niya quiraque tenca jan? Paniquede! latie.

San Mateo 27:2

Junto Jesuca teleto, Poncio Pilato tinun miyachica tanjito cuwapolaquinue.

San Marcos 6:17

Aman Mumunmin Juan itsanque puyaca jominue: Herodes yachi acochi sonaca josoleca jominue. Felípechi sona jominue Herodías mumun. Junni Mumunmin Juan junca meráto, Heródeca payica jominue. Acochi sonaca josoletuntsan joe tica jominue. Junni ya sona Heródeca mantasa carica jominue Juanca cadenachi teleto dolaquisa.

San Marcos 6:21

Junni Heródechi wata tula ma fenan, ya sonari Juanca totesa carino podeinue. Jun mate yari tenientelaca, capitanlaca, junsi Galilea to oco tsachilaca jera meracarito, fiesta ano fimiyanaminue.

San Lucas 13:31

Junni Jesús tsantinasanan fariséolari jato itsanlatinue: —Nuri sujide! Miya Heróderi nuca totechi tinae latinue.

San Lucas 2:1

Ya Mumunmin Juan tsotsoca na cajosanan, jun to miya casale nechi jerale tsachilaca milaquisa mantanue. Fe mantá tan miya, Augusto César mumun, ya tsanque mantanue. Cirenio tinun tsachi Siria tobi miya josanan, Augusto César tsanque mantanue.

San Lucas 23:24

Pilátori peleito, yalachi tenca munate quilaquisa mantanue.

San Lucas 3:19

Junsi miya Heródecanan payinue. Acochi sonaca josoletuntsan joe tica jominue. Junsi jerale uyan quiraque seiton quinun tenchinan yaca seitoe tito payinue.

San Lucas 9:7

Junnasa miya Herodes jera meránue Jesús niyan quinanunca. Junni junca merátonan, mo tsachi jonunca miino podeitunue. Weyanla patori, Jesuca Mumunmin Juan jonhoe latinue. Pansile yanan puyaca jominnan mansonhica jonhoe latinue.

Mantá Tanla 23:26

Mantamin Félix cobernadori, la Claudio Lisias nuchi saludo erenayoe.

Mantá Tanla 24:27

Junni palu watate casan cobernadori manwinue Porcio Festo mumun. Félix mantimini israelítalabe amico ichun Pabloca doraminca puraniquinue.

Mantá Tanla 26:30

Junni Pablo tsantinasaleri, miyabe cobernadoribe Berenícebe uyanlabe jeralela wiruito manlolainue.

Mantá Tanla 4:27

Junni Diosi, nu tuca pila chutesa carinue latinue. Nuchi pilabi jera tsanhichunaeque chuteca josa, jun tsanquenan patinue latinue. In to miya Herodes, uyan to miya Poncio Pilato, aman yalabenan in to tsachilabenan, uyan to tsachilabenan, jeralela layaito Jesuchi contra jominlanue. Jesuri nuchi tsara sen Nao joe latinue. Nuri yaca wenteto, mantá tan suwanue. Tsan jominca yala jeralela yaca paito layaica jominlanue latinue.