San Lucas 22:5 - Diosichi Pila

⁵ Aman patelelari junca meráto, son tito yachi cala cuwalaquechinayoe latinue.

San Lucas 22:5 Iomraidhean Croise

San Lucas 22:4

mantá tan patelelachica jisa carinue. Junni yalachica jito, yalabenan Diosichi yaca cuidaimin capitanlabenan cuenta quinue Jesuca niya quiraque yalachi cuwapono podeiyanaeque.

San Lucas 22:6

Junni aman Júdari se joe tito, junte nechi tenca cato nenaminue Jesuca niyaque cuwapono jonunca. Niya quiraque Jesuca tsachila itonte encanato cuwaponoca tenca cato nenaminue.

Mantá Tanla 1:18

Aman Judas Iscariote Jesuca osito, cala canue. Junni jun seiton calachi to canue. Junni jun tobi palo tala darapatito, pecolo sipito pesili fofoduiniinue.

Mantá Tanla 8:20

Pedro mantimini ya Simonbe beconan manpato, itsantinue: —Nu nuchi calabe yucapiyade! tinue. Diosi epe cuwanacaca calachi cantsan joeque tenca canun tenchi padeseichunae tinue.

2 Pédrochi 2:15

Sen minuca purato, epele nenalarae. Aman matu to Beórichi nao Balaam tinun tsachica mantenca calaquede! Balaanni Diosichi mantate pamin jotonan, seiton quichi tinaminue cala cachiqueri. Junni yuca quebi jinaminca buro yaca payinue. Patumin buro jotonan, tsachi cuwenta paniquito, tenca iton quituna! tinue. Junni seitonque micariminla jun tsanquenan seiton quichi timinla joe cala cachiqueri.

2 Pédrochi 2:3

Yala epele micariminlari duque cala cachiqueri nulaca nene micarilaquichunae. Diosi numarinan paca joe tsanquiminlaca casticaquino joyoeque.

Judas 1:11

Matute tsachilaca mantenhilaide! Manca, Caín tinunni, seitonque nenamin jominue. Junsi Balaam tinun, yari cala cachique seiton quino munaraminue. Junsi Coré tinun, yari mantá tanlaca paito totainue. Junni in seiton micariminlari yala cuwenta joto duque padeseilaichunae.