San Lucas 12:4 - Diosichi Pila

⁴ Junsi Jesús itsantinue: —Lachi amicola, la nulaca tuca micarichinayoe. Tsachi pucacari toteminlaca jeleratulajona! Totetobi, nantari quino podeilaituchunae tinue.

San Lucas 12:4 Iomraidhean Croise

San Mateo 10:28

Junni tsachi pucacari toteminlaca jeleratulajona! tie. Ya tsachilari tencacari natiya toteno podeilaituchunae. Diosicari jeleralarana! Yari tsachi pucacanan, tencacanan ninbi casticaquino podeichunae tie.

San Juan 15:13

Junni meralaquede! Amicola tenchi tenca mánta puyachi timin tsachi duque laquiramin jochunae. Uyanla ya tsansi laquiratuminla jochunae tie.

Mantá Tanla 20:24

Tsanquinola josanan jeleratiyoe. Miya Jesucristo lachi mantaca cuwaca joe yape sen fiquica micarisa. Diosiri tsachilaca laquirato jutsaca piyarimin joequenan micarino joyoe. Jun fiquicari micarino pode jotori, puyanoca natiya jeleratiyoe tie.

Mantá Tanla 4:13

Aman Pédrobe Juanbe epe tsachila jominlanue. Duquenan estudiaica iton jominlanue. Tsanla jotonan, luratuto paniquinaminlanue. Junni israelita mantaminla Pédrobe Juanbe pánaminca meráto wepanalainue. Junsi tenhilainue Jesube miicala joto tsan jolajoeque.

Filípolachi 1:28

Junni nulaca pa jominlaca natiya jele titulajona! Nula natiya jele titulajonari, ya pa jominlari nulaca manquirato tenhilaichunae casticainola joyoeque. Junsi Diosi nulaca se larichunaequenan tenhilaichunae.

Santiago 2:23

Junca Diosichi Pilabi itsanque chuteca joe: Abraham Diosica quereimin jonun tenchi Diosiri yaca sen joe tinueque chuteca joe. Yaca Diosichi amico tilatinueque chuteca joe.

1 Pédrochi 3:14

Junnasanan, pansile seque nenanun tenchi casticaquilaquinari, pansi jolajochunae. Jun tenchi paiminlaca jele tituto, wepanatulajona!

Quirajanunca 2:10

Nula padeseilaichinatonan, natiya jele titulajona! Yucan nula weyanlaca chunca ma fecári dosa carichunae jutsa manquisa carichique. Junni puyano jototiya peleilaituna! Tsan jonari nulaca numatotiya sonnasa cariyanae premio cuwanun cuwenta.