San Lucas 11:2 - Diosichi Pila

² Junni Jesuri itsanque rocaintsan jochunae tinue: Chiquilachi Apa Diosi, nu jamochi chue. Nuchi mumunca duque respetaino jolajoyoe. Nu mantananun tsachi bolonca duque serawode! Jamochi nuchi tenca munate quinanun tsannan, in totenan jun tsanquenan quino muquilaquee.

San Lucas 11:2 Iomraidhean Croise

San Mateo 10:32

Junsi Jesús ereno junlaca camicarinato itsantie: —Junni tsachilaca jeleratuto, la tenchi natiya luratulajona! tie. Tsachilachi cale lachi tsachi joyoe tinilatina! tie. Tsantiminlaca lanan lachi tsachila jolajoe tiyanae tie lachi Apa Diosichi cale.

San Mateo 5:16

Junni nulanan jun tseno cuwenta sen jonola jochunae tie yape uyanla nulaca quirato nulachi Apa Diosica duque sen joe tilatisa.

San Lucas 11:1

Jesús Diosibe rocainaminue. Jun deinunsileri, yabe penenamin tsachi manca Jesube itsantinue: —Miya, Mumunmin Juan yabe penenaminlaca Diosibe niyaque rocaino jonunca micarinue. Aman nunan chiquilaca rocaino micaride! tinue.

Románolachi 1:7

In pilaca Roma pueblobi jerale Diosichi tsachilachi erechun quinayoe. Diosi nulaca laquirato yachi sen tsachila jolajosa tie. Junni chiquilachi Apa Diosibenan, Miya Jesucrístobenan rocainayoe yape nulaca laquirato cuidailaisa yape wepanatuto pansi chularasa.

Románolachi 8:15

Junto Diosi yachi Tencaca chiquilachibi erenue. Junni chiquilachibi wito chiquilaca jele pobi witunue. Peyunlaca cuwenta sonba mantaquebi witunue. Diosichi Tenca chiquilaca yachi nalala suwabi winue. Chiquilari Diosica Apa tinanan,

1 Coríntolachi 1:3

Chiquilachi Apa Diosibenan, Miya Jesucrístobenan rocainayoe nulaca laquirato wepanatuto pansi chularasa carisa.

2 Coríntolachi 1:2

Chiquilachi Apa Diosibe Miya Jesucrístobenan rocainayoe nulaca laquirato ayudailaisa yape nula wepanatuto pansi chularasa.

Galácialachi 1:4

Jesucrístori tencachiquenan cuwapoinue chiquilachi jutsa tenchi puyachun. Tsanque puyanue yape amana mate seiton quinaminlabe man parejori itolajosa. Apa Diosiri yaca tsanhisa munarasa tsanhiniinue.

Efesolachi 1:2

Chiquilachi Apa Diosibe Miya Jesucrístobe nulaca laquirato, pansi chusa carisa tenjae yape wepanatuto chularasa.

Filípolachi 1:2

Chiquilachi Apa Diosibenan Miya Jesucrístobenan rocailainayoe yape yalari nulaca seque laquiralarasa. Nulaca wepanatuto pansi nenalarasa carilaquedeque rocailainayoe.

Filípolachi 4:20

Yari chiquilachi Apa Diosi joe. Yacari numatotiya tsaracari seque pato polentsan joe. Tsanqueri joe.

1 Tesalónicalachi 1:1

La Pablo in pilaca nulachi erechun quinayoe Tesalónicabi chuminlachi. Nulari Miya Jesucrístochi tsachi bolon joto, yabe Apa Diosibe man junni jolajoe. La Páblori Silvánobe Timotéobe in pilaca erelaquinayoe. Apa Diosibe Miya Jesucrístobe nulaca laquirato pansi chularasa carisa tenjalaquee yape wepanatuto chularasa.

1 Tesalónicalachi 1:3

Nulanan chiquilachi Miya Jesucrístoca tennato, duque seque quiminla joe. Diosica laquirato, yaca meráno tenfeminla joe. Peleituto Jesucrístoca quereito ya manpatano fecári yaca meralarae. Junni tsanla jonunca tenca cato, chiquilachi Apa Diosibe rocaimin jolajoyoe.

2 Tesalónicalachi 2:16

Chiquilachi Miya Jesucrístobe chiquilachi Apa Diosibenan rocailainayoe yape nulachi tencaca fe sonba suwasa. Apa Diosibe Jesucrístobe chiquilaca laquirato, niyanhinamincatiya sonba tenca mansuwaminla joe. Chiquilaca laquirato, chiquilabe duque sen jolajochunae. Chiquila junca tenca cato, pansi nenalarayoe. Junni nula ti sen fiquicatiya palaquinasanan, o tilacatiya seque quilaquinasanan, nulachi tenchi rocaiminlayoe yape Diosi nulaca ayudainasa, jera seque quino podeilaisa.

Quirajanunca 11:15

Junsi debi anjeli yachi tutuca quee. Junni yachi tutuca quinunsiri, sonban fiqui panunca meráyoe. Diosichi tobi nechi itsantie: Amanari mantanola joe tie. Chiquilachi Miya Diosibe ya wenteca jun Cristo tinunbe mantanola joe. Tsachila jera mantanunca yalari amana mantaca mancalaquechinae. Numatotiya mantato polelaichunae tie.

Quirajanunca 15:4

Miya Diosi, nucari piyanlela jeleralarachunae latie. Nusiri duque sen jonan, tsachila nuca se tilatichunae. Piyanle tobi chuminla nu se quinaminca quirato, nuchica jato, nuchi cale telenhilaichunae latie.

Quirajanunca 19:6

Junni duque tsachila cuenta quinanun tsanca meráyoe. Duque derin pi cuwenta, duque cunta pánanun cuwenta mera joe. Sonba pato, itsanlatie: Aleluya. Chiquilachi Miya Diosi jera mantá caya joe latie. Yari jera quino poden joe latie.

Quirajanunca 20:4

Junni aman mantaminlachi chudinunca quirayoe. Diosichi mantate tsachilaca senlaca o seitonlaca miiminla jun chudinunbi chularae. Junsi Jesuchi fiquica polariminla jonun tenchi totaicalachi tencaca quirayoe. Yalaca misu butunto totecala jominue Diosichi fiquica polariminla jonun tenchi. Yalari animalichi cale, yachi moldechi calenan, telenhitumin jominlae. Animalichi marca yalachi lesubi o tedebi quisa carica iton jominlae. Junni yala mansonhito, Crístobe mili wata fecári pemantalaquee.