San Lucas 10:1 - Diosichi Pila

¹ Junni tsanque micaritobi, Jesús siete chunca uyan tsachilachi mantá cuwanue yape yaca caquenan nenalarasa. Jerale ya jino jun pueblo cura erenue paluca paluca.

San Lucas 10:1 Iomraidhean Croise

San Lucas 1:17

Matu to Elías cuwenta Diosichi mantaca petachunae yape apalanan, nalalanan parejo seque mantenca calaquisa. Tsachilaca payichunae yape merátuchi timinlari manmeralaquisa. Junsi tenca tanla paca fiquica manmerása carichunae. Tsachilaca micarichunae tinue yape seque mannenalarasa, Miya jano joeque.

San Lucas 1:76

Junni nachi apa jeralelabe tsantitobi, aman nabeman itsantinue: Nuca jamochi chuminchi mantate pamin joeque palaquichunae tinue. Nu Miyaca caquenan jito, yachi tenchiri tsachilaca manseisa carichunae tinue.

San Lucas 7:13

Junni Miya Jesuri yaca quirato, laqui tito, waretude! tinue.

San Lucas 7:19

Junni Juan doramin joto, junca meráto, yachi tsachila palucaca jasa carito, yalaca Jesúchica erenue. Junni yalaca erechinato, yalabe itsantinue: —Jesube itsanlatina! tinue. ¿Nu Diosi ereno jomin tsachi joyun? tilatina! tinue. Nu itotori, paniquede! tilatina! tinue uyanca meralarachun.

San Lucas 9:52

Junni jinaminnan tsachilaca caquenan erenue yape pueblobi wito tile catsontsan jonunca neyalaquinasa. Ya pueblori Samaria tobi jominue.