San Juan 9:16 - Diosichi Pila

¹⁶ Junni weyan fariséolari itsanlatinue: —Nuca manse suwamin tsachi Diosichi tsachi itoe latie. Diosichi tsachi jomanpari, jasaino mate manse suwano itomin jonhoe latinue. Uyanla mantimini itsanlatinue: —Jutsa quimin tsachi jotori, ¿niyaito tsanque wepanato quirantsancari quino podeichunan? latinue. Tsanque fariséola man tencari itominlanue.

San Juan 9:16 Iomraidhean Croise

San Mateo 12:10

Junbi tsachi manca tede encon chunue. Junni israelita mantaminlari Jesuca culpa patarichique itsanlatie: —¿Diosichi mantate amana jasaino ma joco? latie. ¿Junni quiyanpunlaca amana manse suwaniquintsan jun? latie. Junni Jesús manse suwantsan joe tinari, yalari culpa patarino jominlanue jasaino mate trabajaquimin joe tito.

San Mateo 12:2

Junni fariséolari chiquilaca quirato, Jesube itsantilatie: —Jasaino mate trabajaquinola itoe latie. Tsan josanan nube penenaminlari ya tricoca balecato lachilaquinae latie. ¿Niyaito mantaca merátuto tsanlaquinan? latie.

San Lucas 13:14

Aman jun Diosichi fiqui miinun yabi mantamin tsachiri ya sonaca mansenanunca quirato, duque painue. Jasaino mate manse suwanun tenchi Jesuca painue. Aman paito, junte layaica junlabe itsantinue: —Sota ma trabajaquino ma joe. Jun málate manseibi jalaina! Jasaino mate manseibi jatuntsan joe tinue.

San Juan 10:19

Junni Jesús tsanticaca meráto, israelítalari yaca man parejori tenca calaquitue.

San Juan 14:11

Quereilaide! labe Apa Diosibe man junni jolajoeque. O man quiraque tenca calaquede! ¿Wepanato quirantsancari seque quiyoco? tie. Junni lachi fiquicari quereino podeitutori, jun wepanato quirantsancari quinaminca quirato quereilaide! tie.

San Juan 15:24

Monantiya quino podeitununca lari quiniquiyoe tie. Yala quiralaquinasanan tsanquiyoe. La tsanquica itomanpari, yalari jutsa itono jominla jonhoe. Amana wari laca quiraminla jotonan, lachi Apa Diosicanan, lacanan jera pailaie tie.

San Juan 2:11

Junca wari Jesús casale wepanato quirantsancari seque quee yaca duque mantá tan joeque tenhilaisa. Caná pueblobi tsanquee Galilea tobi. Junni yachi tsachila junca quirato, yaca fécari quereilaiyoe.

San Juan 3:2

Yari Jesúchica quepen nosa jato, yaca respetaito pato, Rabí tito itsantinue: —Nuri duque seque wepanato quirantsancari quinae tinue. Junto miralarayoe tinue Diosi ereca jun joto micarimin joeque. Diosi ereca itomanpari, tsanquino podeino itomin jonhoe tinue.

San Juan 5:10

Junni israelita mantaminlari ya manseica jun tsachibe itsanlatinue: —Jasaino ma joe latinue. Jasaino mate jalica amanto jituntsan joe latinue.

San Juan 5:36

Junni la tsaina uyanchi fiquibe laca miilaide! tinato, Juanchi fiquica pátiyoe; lachi Apa Diosichi fiquica pánayoe tie. Lachi Apa laca mantaca joe tie ticatiya quisa. Junni nulari la tsanquinanunca quirato miino jominlanue laca Diosi ereca jaeque.

San Juan 6:52

Junni Jesús tsantinunsile, israelítala tala tenpato itsanlatie: —¿In tsachi niyaito yachi pucaca chiquilachi cufichunan? latie.

San Juan 7:12

Yaca nosa duque cuenta quinaminlanue. Weyanlari yaca sen joe tinaminlanue. Weyanlari te, seitoe; tsachilaca encanamin joe tinaminlanue.

San Juan 7:23

Junni aman tenca calaquede! Jasaino matenan nalalachi quidoca poreniquiminlae Moisechi mantaca meráminla jochun. Tsanquiminla jotonan, la jasaino mate quiyanpunca jera manse suwanun tenchi paiminlae tie. Nulari epele tenca cato nenalarae tie.

San Juan 7:43

Junni tsantinato, israelítala Jesuca man tencari catulajoe.

San Juan 9:24

Junni fariséolari manquirano podeica junca manan jasa carilaquinue. Manjasa carito, itsanlatinue: —Diosichi cale seque pade! Chiquilari ya Jesuca miralarayoe latinue jutsa quimin tsachi joeque.

Mantá Tanla 14:4

Tsantin chularasanan Icóniobi chuminlari man tala man tala tenca canaminlanue. Weyan weyanlari israelítalachi parte jominlanue; weyan weyanlari Crístochi mantá tanlachi parte jominlanue.