San Juan 9:1 - Diosichi Pila

¹ Chiquila nenaminnan, quirano podeiton tsachica quiralaquiyoe. Nainun mánta quirano podeiton jominue.

San Juan 9:1 Iomraidhean Croise

San Mateo 20:30

Junni paluca quirano podeitonla minute chuminlanue. Junni yalari Jesús jananunca meráto, yaca otito, Miya tilatie. Matu to miya Davichi alica joto, chiquilaca laquirato ayudaide! tilatie.

San Mateo 9:27

Junni Jesuri junbi nechi jinasanan, paluca quirano podeitonla bene jalaie. Yachi benechi jalainato, sonba pato manse suwasa latie. Nuri matu to miya Davichi alica joto, chiquilaca laquirade! tilatie.

San Marcos 9:21

Junni Jesús nachi apabe itsantinue: —¿Numasile nechi yucanchi oco yachibi wica jun? tinue. Junni apari itsantinue: —Na jonunle nechi tinue.

San Lucas 8:43

Junnasa quiyanpun sona manca Jesuchi benele nechi janue. Ya sonari chunca palu watale nechi ma cura luban quirato nenamin sona jominue. Junni yari cala jera castaica jominue manseichique. Niyanlanantiya janpeno podeitulajonue.

San Juan 5:5

Junni tsan josanan tsachi manca peman chunca ochu wata quiyanpun joto, juntenan petsominue.

San Juan 8:59

Junni Jesús tsantinunsi, israelítala su calaquee su walacachi quito totechun. Jesús mantimini tsaito, Diosichi yabi nechi manloe. Junsi yalachise poleto jiniie.

San Juan 9:2

Junni Jesube penenaminla Jesube itsanque panhalaquiyoe: —Miya, chiquilaca micaride! ¿Ya tsachi mochi jutsa tenchi quirano podeiton nainun? latiyoe. ¿Yachi jutsa tenchi jun, o yachi apachi, ayanchi jutsa tenchi jun? latiyoe.

Mantá Tanla 14:8

Junni Páblola Listra pueblobi nenato quiranari, jancan tsachi manca chuminue. Na mántanan jancan joto, wiruino podeiton jominue.

Mantá Tanla 28:4

Junni Máltabi chumin tsachilari pini erunhinunca quirato, Pábloca nosa pato itsanlatie: —In tsachiri tsachilaca totemin jomin jonhoe latie. Jun tenchi lamaribi nechi se loca jotonan, pini jalinan puyaniichunae latie totemin joto.

Mantá Tanla 4:22

Aman ya jancan jomin manseica jun tsachiri junpalu chunca wata fe taminue.

Mantá Tanla 9:33

Aman junbi féto quiranari, jancan tsachi manca tsominue Eneas mumun. Ya Enéari wecaino podeituto, ochu wata fecári cupano podeiton tsominue.