San Juan 6:5 - Diosichi Pila

⁵ Aman junni duque tsachila jalainaminca quirato, Jesuri Felípebe itsantie: —¿Inchi janaminlachi ano cuwachun tile cayaichunan? tie.

San Juan 6:5 Iomraidhean Croise

San Mateo 15:33

Junni yabe penenaminlari itsantilatiyoe: —Inte niyanlanantiya chutunun posto joe. ¿Junnan in duque tsachilachi cufichun niyaito ano calaqueyanan? tilatiyoe.

San Marcos 6:32

Junni Jesube yabe penenaminlaberi wa canoabi wito, tsachilaca purato, niyanlanantiya chutunun postoca jilainue.

San Lucas 9:10

Junni aman Jesús mantato ereca junlari manjalainue. Manjato, yabe cuenta jera manquilaquinue titiya jera quinunca. Junni Jesús yalaca tanjinan, niyanlanantiya chutunun postoca jilainue Betsaida pueblo quelote.

San Juan 1:43

Ayuna nanchi Jesuri Galilea toca jino tenca canue. Junto Felípeca neyato féto, yacanan labe pejisa! tinue.

San Juan 1:44

Felíperi Betsaida pueblobi nechi jominue. Andrebe Pédrobenan junbinan chuminlanue.

San Juan 1:45

Junni Felíperi Nataniélica neyato féto, yabe itsantinue: —¿Moisés matu mate Diosichi mantaca chutenato, Diosi wenteto ereno jun tsachica pila quica joco? ¿Diosichi mantate paminlanan ya Cristo tinun tsachica pacala joco? tinue. Aman junni chiquilari wari yaca quiralaquiyoe tinue. Jesús mumun joe Josechi nao. Nasaret pueblobi nechi joe tinue.

San Juan 1:46

Junni Nataniéliri Felípeca meráto, ¿Nasarela sen jolajochinan? tinue. Felipe mantimini quirabi janiide! tinue.

San Juan 1:48

Nataniéliri yaca meráto, ¿Niyaito laca miiyun? tinue. Junni Jesuri beconan pato itsantinue: —Felipe nuca cajasa titusanan quiracayoe tinue ico pele tenpe chuminca.

San Juan 4:35

Nulari ja witaca quirato, junpalu pete cantsan ichunae tenhilaichunae tie. Te, tsantituntsan joe tiyoe. Jana janamin tsachilacari quiralaquede! tie. Yalachi tenca wita waca cuwenta jolajoe. Junni yalaca cachun camérano itoe. Numa cantsan icala joe tie.