San Juan 5:41 - Diosichi Pila

⁴¹ Tsan josanan tsachilari laca sen joe timinla josatiya, yaca la tennatiyoe.

San Juan 5:41 Iomraidhean Croise

San Juan 12:43

Yalari cayaicala jotonan, tsachilachi cate sen jono munaralaratonan, Diosichi cale sen jono layan munaratuminlanue.

San Juan 5:34

Junni la Juanca tsantinatonan, uyanchi fiquichi laca miilaide! titonan, Juanchi fiquica natiya tsantitiyoe. Yachi fiquiri sen fiqui josanan, Juanni tsachiri jominhe. Junni nulaca ayudaichunni Juanca tsanque pánamanyoe tie pansile yachi fiquica tenca cato se lolaichunaeque.

San Juan 5:40

Diosichi Pila laca pamin pila josanan, nulari labe cayaituchi timinlae numatotiya sonnato polelaichun.

San Juan 5:42

Tsan jotonan nulaca mirayoe tie Diosica laquiramin itolajoeque.

San Juan 5:44

Nulari Diosibe natiya cayaino podeitulajochunae tie. Nula talari beco beco sen joe tilatisa munaralarae tie. Mancari Diosi nulaca sen joe tisari natiya tennatulajoe tie.

San Juan 6:15

Aman junca son tito, Jesuca cabi janaminlae. Yalari sonba tito Jesuca miya suwachi tinaminlae. Junni Jesuri junca miito, du minu mancasiri jie.

San Juan 7:18

Tencachique mantate paminlari fe jochi timinla jochunae tie. La mantimini fe jochi titiyoe. Diosi ereca jun jaca joto, yacari fe mantá tan joe tintsan joe tiyoe tie. Junbe miintsan joe la tsarasica pamin joeque. Natiya nene pátiyoe tie.

San Juan 8:50

Tsanla josanan, la fe jochique tenfetiyoe. Apa Diosi, yari tenfenae laca fe josa carichun. Yari tsachilaca miito quiramin joe senla jonunca o seitonla jonunca.

San Juan 8:54

Junni Jesuri beconan pato itsantie: —Lari tenca mánta fe joyoe titori, epele pamin jono jomin joinhie tie. Junni lari fe joyoe titiyoe. Lachi Apari laca fe joe timin joe. Junni nula lachi Apaca nulachi Diosi joe timinla joe. Junni Diosi patsa laca pato, fe mantá tan joe timin joe tie.

1 Tesalónicalachi 2:6

Crístochi mantá tanla joto, chiquilaca respetailaisa mantano podeino jominla joinhie. Tsan jotonan, chiquila tsachilaca tsanque mantatulajoyoe. Nin nulacanan, nin uyanlacanan tsanque mantatuminlayoe.

1 Pédrochi 2:21

Diosiri nulaca tsanque mantanae yape padeseinanunca wantailaisa. Crístori nulachi tenchi padeseie. Junni junca tenca cato, ya cuwentanan nenanola joe.

2 Pédrochi 1:17

Apa Diosi yaca se tito, uraran tsen isa carica jominhe. Junni Diosi duque tsaracari mantá tan joto, inni la muna tito sen joe tinun Nao joe tie.