San Juan 4:12 - Diosichi Pila

¹² Chiquilachi matu tata, Jacobo tinun, in foroca quinue. Aman yabe yachi familialabe yachi opisa, wala tsanlabe in pibi nechi pi cato cuchimin jominlanue tinue matu mate. Junni yari in pi foroca chiquilachi puranue. ¿Nuri wari Jacóbocanan fe poden joyun? tinue.

San Juan 4:12 Iomraidhean Croise

San Mateo 12:42

O miya Salomonca mantenca calaquede! tie. Sabá tobi miya sonari barebi nechi jato, Salomonca merábi janue yape duque miranunca micarisa. Amana wari Salomonca fe miramin tsachi nulaca micarinasanan, nulari natiya merátuchi timinla joe tie. Junni to yucapiyarino mate nula jun tenchi fe culpa patilaichunae tie. Jesús yalaca tsanque micarie.

San Juan 4:13

Junni Jesuri ya sonaca meráto itsantinue: —In pica cuchiminla manan pi manmunaralarachunae tinue.

San Juan 4:20

Tsan jotori, chiquebe man fiqui pade! nasi. Samaria to tsachilari, chiquilachi matu tatalachi mite nenato, ja dubi Diosibe rocaito se timinlayoe tinue. Nula israelítala mantimini uyan tala paminlae. Jerusalénbiri Diosibe rocaito se tintsan joe timinlae tinue. ¿Junni nuchi niya quiraque tenca jan? tinue.

San Juan 4:5

Junni Samaria tobi jinaminnan, Sicari tinun pueblo quelole felaiyoe. Matu to Jacobo jun quelole to tato, yachi nao Josechi cuwaca jominue. Junni jun to quelole chiquilabe Jesube felaiyoe.

San Juan 4:6

Junni chiquila nenanunte Jacóbochi pi canun foro jominue. Junni Jesús duque nenato, pepaica joto, pi forote chudie. Quitsa ma jonan,

San Juan 8:53

¿Matu to tata Abrahanca fe joyoe tinayun? Yari puyanue. Diosichi mantate paminlanan Diosichi tsachila jotonan puyalainue. ¿Ti joyoe tinayun? latie.

Israelítalachi 3:3

Junni Jesuri Moiseca fe mantá tan joe. Chunun ya quiminlaca tenca calaquede! Jerale yaca tsachila quica jun ya joe. Junni sen ya quiminca jun yaca fe sen joe tintsan jochunae. Diosi mantimini jeraleca quica joe. Junni ya quimin tsachiri jun yaca fe sen jonari, jun tsanquenan Jesuca Moiseca fe sen joe tintsan jochunae.