San Juan 4:1 - Diosichi Pila

^1-2 Aman junni duque tsachila Jesube penenaminla ito mumunhilaie. Aman Jesús patsa mumuntue; yabe penenaminlari mumunnaminlayoe. Junni Jesuchi tsachilari Juanchi tsachilaca fécari duque seranaminlayoe. Junni fariséolari junca meralaquinue. Junni ya fariséola junca meralaquinueque miito, chiquilabe Jesube

San Juan 4:1 Iomraidhean Croise

San Lucas 1:76

Junni nachi apa jeralelabe tsantitobi, aman nabeman itsantinue: Nuca jamochi chuminchi mantate pamin joeque palaquichunae tinue. Nu Miyaca caquenan jito, yachi tenchiri tsachilaca manseisa carichunae tinue.

San Lucas 19:31

Junni uyan tsachilari nulabe panhato, ¿Ti quichun buroca wole calaquinayun? latinari, Miya buroca munarae tilatina! tinue.

San Lucas 19:34

Junni yalari Miya munarae latinue.

San Lucas 2:11

Amana Davichi pueblobi na manca nainue. Ya na nulaca se larimin jochunae. Diosi wenteca jun CRISTO tinun Miya joe tinue.

San Lucas 7:13

Junni Miya Jesuri yaca quirato, laqui tito, waretude! tinue.

San Lucas 7:19

Junni Juan doramin joto, junca meráto, yachi tsachila palucaca jasa carito, yalaca Jesúchica erenue. Junni yalaca erechinato, yalabe itsantinue: —Jesube itsanlatina! tinue. ¿Nu Diosi ereno jomin tsachi joyun? tilatina! tinue. Nu itotori, paniquede! tilatina! tinue uyanca meralarachun.

San Juan 3:22

Junte nechi Jesube yachi tsachilabe Judea toca jilaiyoe. Junbi chuto mumunnaminlayoe.

San Juan 3:26

Junni Juanbe penenamin tsachila yachica jato itsanlatinue: —Jordán pi ja beco tsachi manca nuchica jaca jominhe. Nuri micarinato yaca paca jominhe Diosichi opisa na cuwenta jochunaeque. Junni yanan mumunnae latinue. Junni jeralela nuca puraniquito, yabesiri jera penenamin ilainae tilatinue.

Mantá Tanla 10:36

Junni aman Diosi israelítalaberi sen fiquica pasa carinue. Ya Jesucrístoca paca fiqui joe. Ya Jesucrístori se patarimin joe tinue yape tsachilabe Diosibe pa tala itolajosa. Jesucristo jeralelachi Miya joe tinue.

1 Coríntolachi 1:17

Crístori laca mumunsa eretucae. Jesucrístoca paca sen fiquica micarisa erecae. Junni tsachilachi mite epele uraran micaya fiquichi micarisa eretucae. La tsanque micarinari, junni tsachilari Diosibe cayaitonan, lachi uraran fiqui tenchiri cayailaichunae. Cristo corosibi puyanun tenchi cayailaituchunae. Ya duque seitochunae. Junni tsachilachi mite uraran epele micaya fiquichi micaritiyoe yape Cristo sonban joto tsachilaca yabe cayaisa carisa.

1 Coríntolachi 2:8

Tsachila tala mantá tanlari junca natiya tenhilaitunue. Junca tenhica jomanpari, tsara sen Miya Jesucrístoca corosibi totesa carino itono jominla jonhoe.

2 Coríntolachi 4:5

Aman chiquilari sen jolajoyoeque micarilaquitiyoe; Jesucrístoca Miya joequeri micarilaquinayoe. Junsi chiquilari yachi tenchi nulaca ayudaichun jolajoyoeque micarilaquinayoe.

Santiago 2:1

Acola, soquila, chiquilachi tsara sen Miya Jesucrístobe cayaica junla joto, cala tanlacanan, cala itonlacanan, jun tsanquenan seque tennalarana!

Quirajanunca 19:16

Yachi camisabi, yachi botebi manca mumunnan chuteca joe. miyalaca mantamin miya, jerale mantaminlaca mantamin chuteca joe.