San Juan 3:11 - Diosichi Pila

¹¹ Nube tsarasica pachinayoe. Miranuncari cuenta quinayoe. Quiranuncari pánayoe. Tsantinasanan, nulari quereilaitue.

San Juan 3:11 Iomraidhean Croise

San Mateo 11:27

Junni Jesuri yachi Apa Diosibe tsantitobi, tsachilabe itsantinue: —Lachi Apa Diosiri lachi jera cuwaca joe. Yasiri laca tsa mirae tinue. Junsi lasiri yachi Nao joto Apa Diosica tsa mirayoe tinue. Junto uyanlari la entendeisa caritunari, Diosica miino podeilaituchunae tinue.

San Mateo 23:37

Junsi Jesús itsantie: —Jerusalén puebloca duque laquiito wepananayoe tie. Jerusalenbi chuminla, nulari Diosichi mantate paminlaca toteminla joe. Diosi nulachica ereca junlacanan su walaca quito toteminla joe. Jana walpa ayanni náca panpe tenpe pocanun cuwenta, duque ne nulacanan layano muquiminhe tie. Aman nulari te, munaralaratiyoe tilatie.

San Lucas 10:22

Jesús yachi Apa Diosibe tsantitobi, tsachilabe itsantinue: —Lachi Apa Diosiri lachi jera cuwaca joe. Yasiri laca tsa mirae tinue. Junsi yachi Nao joto, lasiri Apa Diosica tsa mirayoe. Junto uyanlari, la entendeisa caritunari, Diosica miino podeilaituchunae tinue.

San Juan 1:11

Ya quica tobi manpatanan, yachi tsachilanan yabe cayailaitunue.

San Juan 1:18

Uyanlari Diosica natiya quiralaquitue. Yachi mancari Nao mantimini yabe man parejo chumin joto yaca micuwae.

San Juan 12:49

Lari in fiquica tencachique mantate pátiyoe tie. Lachi Apa Diosi laca ereto, ya tsanque mantanae.

San Juan 14:24

Laca laquiratuminlari la pacaca meralaquituchunae tie. Junni in fiquica lachi tenca munate pátiyoe; Apa Diosi laca inchi ereto, tsanque pasa carinae tie.

San Juan 3:12

Junni meránade! Toteri niya jonunca pánasanan quereitutori, jamochinan niya jonunca pánari ¿niyaito quereilaichun? tinue.

San Juan 3:13

Monantiya Diosichica lotulajoe. La mantimini tsachi ica jun joto Diosichibi chunyoe. Junni lasiri junbi nechi patacayoe.

San Juan 3:3

Junni Jesunan Nicodémobe itsantinue: —Nube tsarasica pachinayoe tinue. Casanle nechi na manhintsan joe. Casanle nechi na manhitutori, Diosi mantananun tsachi bolonbi numanan wino podeilaituchunae tinue.

San Juan 3:5

Jesuri junca meráto itsantinue: —Nube tsarasica pachinayoe tinue: Pibe Diosichi Tencabenan na mansuwamin joe. Tsanhituminlari Diosi mantananun tsachi bolonbi wino podeilaituchunae tinue.

San Juan 5:43

Jun tenchi la lachi Apa Diosichi mantateri jaca jominca nulari tennatulajoe tie. Uyan tsachilari tencachique mantateri janari, yalaca tennalarachunae tie.

San Juan 7:16

Junni Jesús yalabe itsantie: —La tencachique mantate micaritiyoe; laca ereminchi mantateri micarinayoe tie.

San Juan 8:14

Junni Jesuri beconan itsantie: —Lari nunchi nechi jaca jonunca mirayoe. Nunchi manjino jonuncanan mirayoe tie. Jun tenchi tencachique fe joyoe tinatonan, quereintsan fiquica pánayoe tie. Nulari natiya miitolajoe la nunchi nechi jaca jonunca, o nunchi manjino jonuncanan.

San Juan 8:26

Junni lari nulacanan duque pano podeino joinhie tie nula niyan tsachila jolajonunca. Tsan jotonan yaca pátiyoe; laca ereminchi fiquicari pamin joyoe. Yachi fiquica meráto, jun fiquicari tsachilabe manpolarimin joyoe tie. Yari tsarasica pamin joe tie.

San Juan 8:38

Lachi Apa micarinan pánayoe. Nulari nulachi apabenan miito quilaquinae tie.

Mantá Tanla 22:18

Junni quirajanasa Miya Jesuca quirayoe tinue. Yari labe cuenta quito, laca Jerusalenbi nechi wewe losa mantaquee tinue. Yachi fiquica pánaminca weyan israelítalari numanan meralaquituchunae tie tinue.

2 Coríntolachi 4:4

Yucanni yalaca merása carituca joe. Yucan Diosica quereituchi timinlabe Diosi cuwentanan joe. Junto yalaca merása carituca joe yape tsarasi sen fiquica entendeilaitusa. Ya sen fiquiri Crístoca tsaracari sen joeque paca fiqui joe. Crístoca Apa Diosi cuwenta sen joeque paca fiqui joe.

Quirajanunca 3:14

Junni labe cuenta quinamin tsachi manpato itsantie: —La Amen tinun mumun joyoe. Tsarasica pamin joyoe. Diosi jera quica junca lari mantamin joyoe. Junni Laodicéabi chumin bolonchi anjelichi erechun lachi fiquica itsanque pila chutede! tie: