San Juan 17:5 - Diosichi Pila

⁵ Junni amana, Apa Diosi, lacanan tsara sen joeque quirawode! tie. To caitosanan, lari nube chuto uraran tsente chumanyoe tie. Junni amananan nuchibi jun tsannan mansuwade! tie.

San Juan 17:5 Iomraidhean Croise

San Mateo 25:34

Junto la yalachi miya joto, tsa tede nanchi wiruraminlabe itsantiyanae tie: Lachi Apa Diosi nulaca son tisa carica joe. Matu mate in toca quinato, nulachi tenchinan tsara sen to quicae tiyanae tie. Junbi Diosi nulachi Miya jonan seque chunola jochunae tiyanae tie. Junni jalaide! Jun sen tobi wito chularana! tiyanae tie.

San Juan 1:18

Uyanlari Diosica natiya quiralaquitue. Yachi mancari Nao mantimini yabe man parejo chumin joto yaca micuwae.

San Juan 10:30

Junni laberi lachi Apaberi man junni jolajoyoe tie.

San Juan 14:9

Junni Felipe panunca meráto, Jesús itsantie: —Felipe, nulabe numari penenasanan, ¿laca camiitolajoyun? tie. Laca quiraminla Apa Diosicanan quiraminla joe tie. ¿Junni ti quichun Apa Diosica quirawode! tiyun? tie.

San Juan 17:1

Jesús chiquilabe tsanque cuenta quetobi, jamochi quirato, itsanque Diosibe rocaie: —Apa Diosi, óra fae tie. La nuchi Nao jonan, duque sen joeque quirawode! tie. Tsanquede! lanan nuca tsara sen joeque quirawochun.

San Juan 17:24

Nu, Apa Diosi, inlaca labe cayaisa carica joe tie. Junni lachi inlaca labe pechularasa tenjae tie. To caitosanan, nu laca laquirato, tsaracari mantá tan chusa carie. Junni inlaca labe pechularasa tenjae yape uraran mantá tan chuminca pequiralaquisa.

San Juan 3:13

Monantiya Diosichica lotulajoe. La mantimini tsachi ica jun joto Diosichibi chunyoe. Junni lasiri junbi nechi patacayoe.

San Juan 8:58

Junni Jesunan itsantie: —Nulabe tsarasica pachinayoe: Abraham caitosanan, lari numa joyoe tie.

Filípolachi 2:6

Yari Diosi jotonan, Diosibe parejo cajochique tenfetunue.

Israelítalachi 1:10

Junsi man postote Diosichi Pilabi Diosichi Naoca itsanque chuteca joe: Nuri Miya joto, casale casaleri toca quinue. Junsi yoquidocaman quinue.

Israelítalachi 1:3

Naoca tenhito, Apa Diosica tsara sen joeque miintsan joe. Yanan Apa Diosi cuwentanan joe. Ya titiya jeraleca josa timin joe. Tsanque josa titumanpari, jerale tote jeraica jono jomin jonhoe. Junsi Diosichi Nao chiquilachi jutsaca jera tsaletobi, jamochi loto, Miya Diosichi tsa nan tala chudinue.

1 Pédrochi 1:20

Diosi toca caquituminnan, yaca pato, puyano jochunae tinue. Junni to yucapiyarino ma quelo inasa, Cristo nulaca laquirato jamochi nechi patanue nulachi tenchi puyachun.

1 Pédrochi 1:21

Junni Diosiri yaca mansoncarito, tsarasi uraran mantá tan suwanue. Junni nulari ya puyato mansonhinun tenchi Diosibe cayaicala joe. Tsanque Diosica tennato meralarae yape se quisa.

Quirajanunca 13:8

Junni jun tenchi piyanle tote chuminla yachi cale telenhilaie. Junnasanan toteca jomin Opisa Nari pila tae. Junni Opisa Nachi pilabi chuteca junlari ya animalichi cale telenhilaitue. Jun pilabi chuteca junlari Diosibe numatotiya sonnato polelaichunae. To caitosanan yalachi mumunca junbi chuteca joe.

Quirajanunca 3:21

La fe loto lachi Apa Diosi mantato chununte pechudiyoe. Junni fe lominlaca la mantato chununte pechuteyanae.