San Juan 16:5 - Diosichi Pila

^5-6 Tsan jomin josanan, amanari wari manjino inato tsantinayoe. Laca ereminchica manjino joyoe tie. Junni nulari duque laqui jolajoe tie. La padeseino jonunca meráto, duque laqui tenca jolajoe tie. Nulari duque laqui tenca jotonan, la nunchi manjino jonunca panhantiya quituminla joe.

San Juan 16:5 Iomraidhean Croise

San Juan 13:36

Aman Jesús tsantinunsile, Simón Pedro pato, Miya, ¿nunchi jichinayun? tie. Jesunan itsantie: —La jinanunca nuri pejano podeitue tie. Man mate nu junchi pejano podeichunae tie.

San Juan 14:28

¿Nulaca purato jito, inale manjanae tituan? tie. Lachi Apa Diosichica manlochinayoe. Yari laca fe mantá tan joe tie. Junni nulari laca jera laquiramanpari, son tino jominla jonhoe yachica lochinaeque.

San Juan 16:10

Junsi lachi Apachica manjicabi laca manquiralaquituchunae; junnan miintsan jochunae laca sen jominueque.

San Juan 16:16

Jesús chiquilabe cuenta caquinato itsantie: —Nulari laca inale quiralaquituchunae tie. Juntonan nanni inari laca manquiralaquichunae tie.

San Juan 16:17

Junni Jesuri tsantinanunca meráto, chiquila tala itsantilatiyoe: —¿Tica pato tsantin tinancan? tilatiyoe. Tsainaleri quiratuto, nanni ina quiralaquichunae tito, ¿tica tsantin tinancan? tilatiyoe. ¿Junsi tica “Apachica jino joyoe” tin tinancan?

San Juan 16:28

La Apa Diosichibi nechi patato, toca jacayoe. Junsi toca purato, Apa Diosichica manlochinayoe tie.

San Juan 17:13

Junni Jesús yachi Apa Diosibe carocainato itsantie: —Junnasanan amana nuchica manlono joyoe tie. Nuchica camanlotuminnan, inlabe tsanque cuenta quinayoe yape labe duque son jolajosa.

San Juan 17:4

Junni Apa Diosi, nu laca ticatiya quisa mantaquee. Junni lari jera quito, nuca tsara sen joeque tote quirawoyoe tie.

San Juan 6:62

La tsachi ica jun joto, jamochi manlono joanae tie. Junni lachi fiquicari paiminla jotori, junto la jamochi manlonaminca quiralaquinamanpari, ¿niyan tinola joyun? tie.

San Juan 7:33

Junni Jesús israelítalabe itsantie: —Nulachite nasiri canenachinayoe tie. Junto laca ereminchica manjichinayoe.

Israelítalachi 1:3

Naoca tenhito, Apa Diosica tsara sen joeque miintsan joe. Yanan Apa Diosi cuwentanan joe. Ya titiya jeraleca josa timin joe. Tsanque josa titumanpari, jerale tote jeraica jono jomin jonhoe. Junsi Diosichi Nao chiquilachi jutsaca jera tsaletobi, jamochi loto, Miya Diosichi tsa nan tala chudinue.

Israelítalachi 12:2

Sujinato, Jesuca duque tenca calaquisa! Yari chiquilaca Diosibe cayaisa carimin jominue. Junni yanan jera seque quereisa carimin joe. Jesuri miraminue padeseitobi, aman duque son joichunaeque. Junca tenhito corosibi puyanato wantainue lu josatiya tennatuto. Junto amana yari jamochi chue. Diosi mantato chunun tsa nanchi chue.