San Juan 15:1 - Diosichi Pila

¹ Junto Jesuri itsantie: —La sen uba sili joyoe tie. Nulanan uba ali jolajoe tie. Lachi Apa Diosiri uba wita cuidaimin joe.

San Juan 15:1 Iomraidhean Croise

San Mateo 15:13

Jesuri chiquilabe tulanto itsantie: —Fariséolaca tennatulajona! tie. Yalari epe tape cuwenta jolajoe. Junni ti tapetiya lachi Apa Diosi waqueca jun itotori, jera muraichunae.

San Mateo 20:1

Junto Jesús camicarinato itsantie: —Diosi mantananun tsachi bolonni uba wita cuwenta jochunae tie. Jun wita tsacumin quepenan peyun neyabi jichunae tie.

San Mateo 21:33

Junsi Jesús israelita mantaminlabe tsanque cuenta polaritobi, manca cuentacaman meráto tenca calaquede! tie: —Diosi wita tsacumin cuwenta jochunae tie. Aman casale casaleri ya tsachi uba wita quisa carichunae tie. Junni wita awinta serica quin, uba pi larinun foro quin, witaca quirato chuchun ya quin, quisa carichunae. Junni jera sequetobi, ya wita uyan tsachilachi quitsa quitsa cachun cuwato, bareca chubi jichunae.

San Marcos 12:1

Junni Jesús yalaca micarichun itsanque cuenta polarinue: —Diosi wita tsacumin cuwenta jochunae tinue. Aman casale casaleri ya tsachiri uba wita quisa carichunae tinue. Junni wita quisa carisi, wita awinta serica quin, uba pi larichun foro quin, witaca quirato chuchun ya quin, quisa carichunae tinue. Junni jera se quetobi, ya witaca uyan tsachilachi quitsa quitsa cachun cuwato, bareca chubi jichunae tinue.

San Lucas 13:6

Junni Jesús micarinato, itsanque cuenta polarinue Diosi ico pele tsacumin cuwenta joeque: —Aman tsachi manca yachi witabi ico pele tachunae tinue. Junni ico pucaca neyabi janasa, natiya itochunae.

San Juan 1:17

Jana Moisés matu mate Diosichi mantaca micarinatonan, Diosi tsaracari laquiraequeri patunue. Jesucrístori junca pae. Yari tsarasica pamin joto, Diosi laquiraeque pae.

San Juan 1:9

Tsen suwamin mantimini tobi pataca jominue. Yari jeralelachi tencabi tsemin joe. Tsachilachi tencabi yasiri tsaracari tsemin joe yape miralarasa.

San Juan 15:2

Junni alibi puca ituminca poreto queerechunae. Puca imin alicari poreno itochunae. Jun alibiri seiton na alicari poreto quepochunae yape jun sen alibi fécari puca isa.

San Juan 6:32

Junni Jesús yala pánanunca meráto itsantie: —Nulabe tsarasica pachinayoe tie: Moisés maná tinunca cuwatonan, yari Diosichibi nechi jonunca cuwamin itominue. Lachi Apa Diosiri jamochi nechi tsara sen finunca cuwano joe.

San Juan 6:55

Lachi pucari tsara sen finun jochunae tie. Lachi asanni tsara sen cuchinun jochunae tie.

Románolachi 11:17

Junni chide peleca manan tenca calaquede! Israelítala mantimini tsachi tanun sen olibo tinun chide pele cuwenta jolajoyoe. Israelita itonlari jelen olibo pele cuwenta jolajoe. Junni tsachi tanun olibo pele ali poreereto, nulaca junbi tulannue. Junni nulari tsachi tanun olibo pelebi pealimentailainae.

1 Coríntolachi 3:9

Labe Apólobe paluito Diosichi peyunla jolajoyoe. Nulari Diosichi wita cuwenta jolajoe. Junni suca quica jun yaca tenca calaquede! Nulari Diosi chunun ya cuwentanan jolajoe.

1 Juanchi 2:8

Junni man quiraque patori, ya mantaca casan mantá tintsan jochunae. Jesucristo ya mantaca casanle nechi paca joe. Nulanan casanle nechi meralaquee. Tsanque mantá cuwato, nulachi tencabi jera tsen suwanae nemen jominca jera piyarito.